ဒုတိယဝန်ကြီး ဦးဗိုလ်ဗိုလ်ကျော် ဆင်သေရေလွှဲဆည်အသစ် တည်ဆောက်ခြင်းလုပ်ငန်း ကြည့်ရှုစစ်ဆေး

ဒုတိယဝန်ကြီး ဦးဗိုလ်ဗိုလ်ကျော် ဆင်သေရေလွှဲဆည်အသစ် တည်ဆောက်ခြင်းလုပ်ငန်း ကြည့်ရှုစစ်ဆေး

နေပြည်တော် မေ ၁၉

စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ဒုတိယဝန်ကြီး ဦးဗိုလ်ဗိုလ်ကျော်သည် ယမန်နေ့က နေပြည်တော်ကောင်စီနယ်မြေ တပ်ကုန်းမြို့နယ် သရက်ကွင်းကျေးရွာအနီး ဆင်သေရေလွှဲဆည်အသစ် တည်ဆောက်နေသည့် လုပ်ငန်းခွင်ကို ကြည့်ရှုစစ်ဆေးသည်။

ကြည့်ရှုစစ်ဆေးစဉ် သတ်မှတ်ဒီဇိုင်းပုံစံများနှင့်အညီ အရည်အသွေးကောင်းမွန်စေရေး၊ လုပ်ငန်းခွင်ဘေးအန္တရာယ်ကင်းရှင်းစေရေး၊ မိုးမကျမီကာလတွင် ဆောင်ရွက်ရမည့် တည်ဆောက်ရေးလုပ်ငန်းဆိုင်ရာ အစီအစဉ်များအတိုင်း အချိန်မီပြီးစီးအောင် ဆောင်ရွက်နိုင်ရေး၊ လိုအပ်သည့် စက်ယန္တရားများ ထပ်မံဖြည့်ဆည်း၍ နေ့ညမပြတ် ဆောင်ရွက်ရေးတို့ကို မှာကြားသည်။

ထို့နောက် ဆင်သေရေသောက်စနစ် လက်ယာမြောင်းမကြီး တစ်လျှောက်၊ လက်ယာမြောင်းမကြီး၏ လက်တံ (၂) မြောင်းနှင့် လက်ဝဲမြောင်းမကြီး၏ တိုက်ရိုက်လက်တံမြောင်း (၁) အဖျားပိုင်းအထိ နွေစပါးနှင့်် နွေအခြားသီးနှံ စိုက်ပျိုးရေပေးဝေနေမှုကို ကြည့်ရှုစစ်ဆေးသည်။ ဆင်သေဆည်ရေသောက်စနစ်အတွင်း ယခုနှစ် နွေသီးနှံရာသီတွင် နွေစပါး ၈၄၈၈ ဧက၊ နွေအခြားသီးနှံ ၁၂၂၈ ဧက စိုက်ပျိုးပြီးစီးပြီဖြစ်ကာ အဆိုပါစိုက်ဧကများအား အောင်ရေလုံလောက်သည်အထိ စိုက်ပျိုးရေ ဆက်လက်ပေးဝေသွားမည်ဖြစ်ကြောင်း သိရသည်။

သတင်းစဉ်