ဒုတိယဝန်ကြီး ဦးသိုက်စိုး ကျိုင်းတုံမြို့နယ် သမဝါယမစိုက်ပျိုးမွေးမြူရေး ကုန်ထုတ်လုပ်ငန်းများ ပိုမိုတိုးမြှင့်ထုတ်လုပ်နိုင်ရေး ကွင်းဆင်းဆောင်ရွက်

ဒုတိယဝန်ကြီး ဦးသိုက်စိုး ကျိုင်းတုံမြို့နယ် သမဝါယမစိုက်ပျိုးမွေးမြူရေး ကုန်ထုတ်လုပ်ငန်းများ ပိုမိုတိုးမြှင့်ထုတ်လုပ်နိုင်ရေး ကွင်းဆင်းဆောင်ရွက်

နေပြည်တော် မေ ၂၀

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ဒုတိယဝန်ကြီး ဦးသိုက်စိုးသည် ယမန်နေ့ နံနက်ပိုင်းက ရှမ်းပြည်နယ် (အရှေ့ပိုင်း) ကျိုင်းတုံမြို့နယ် မိုင်းခွန်ကျေးရွာအုပ်စု ပန်လင်ကျေးရွာသို့သွားရောက်၍ ၂၀၂၆-၂၀၂၇ ဘဏ္ဍာနှစ် ကျေးရွာဖွံ့ဖြိုးတိုးတက်ရေးလုပ်ငန်း VDP စီမံကိန်းရန်ပုံငွေဖြင့် ကျေးရွာတွင်းလမ်း ပေ ၃၀၀ ကွန်ကရစ်ခင်း ခြင်းလုပ်ငန်းကို ကြည့်ရှုစစ်ဆေးသည်။

အသင်းသားများနှင့်တွေ့ဆုံ

ထို့နောက် မိုင်းဇင်းကျေးရွာအုပ်စု ဟွေခါးကျေးရွာ၌ ရွှေလားဟူ စက်မှုလက်မှုကုန်ထုတ်သမ ဝါယမအသင်းမှ အသင်းအမှုဆောင်များ၊ အသင်းသားများနှင့်တွေ့ဆုံ၍ သမဝါယမကဏ္ဍကို မဏ္ဍိုင်ပြု၍ ဒေသထွက်ကုန်ကြမ်းများကိုအသုံးပြုပြီး တန်ဖိုးမြှင့်ထုတ်ကုန် (Value Added) ထုတ်လုပ်နိုင်ရေး တိုးမြှင့်ဆောင်ရွက်သွားကြရန် တိုက်တွန်းမှာကြားပြီး လိုအပ်သည်များ ပေါင်းစပ်ညှိနှိုင်းဖြည့်ဆည်းဆောင်ရွက်ပေးသည်။

ကြည့်ရှု

ယင်းနောက် ကျိုင်းတုံမြို့နယ် သမဝါယမအသင်းစုမှ ဆောင်ရွက်လျက်ရှိသည့် ငါးမွေးမြူရေးကန်ကို ကြည့်ရှုခဲ့ကြောင်း သိရသည်။

သတင်းစဉ်