ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှုဖြစ်ပွား၍ အမျိုးသား သုံးဦး ထိခိုက်ဒဏ်ရာရရှိ

ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှုဖြစ်ပွား၍ အမျိုးသား သုံးဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မေ ၂၃ ရက်က ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှုဖြစ်ပွား၍ အမျိုးသား သုံးဦး ထိခိုက်ဒဏ်ရာ ရရှိခဲ့ကြောင်း သိရသည်။

     ဖြစ်စဉ်မှာ မေ ၂၃ ရက် ည ၁၂ နာရီ ၁၀ မိနစ်တွင် ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၊ ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၂၂၄ မိုင် ၄ ဖာလုံနှင့် ၅ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ပန်းတင်အမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ မန္တလေးမြို့မှ ရန်ကုန်မြို့ဘက်သို့ ပြည်ထောင်စုနယ်မြေ၊ နေပြည်တော်၊ ဒက္ခိဏသီရိမြို့နယ်၊ ဒက္ခိဏသီရိရပ်ကွက်နေ ဦးသန်းစိုးအောင်(၄၂)နှစ် မောင်းနှင်ပြီး အမျိုးသား ခြောက်ဦး လိုက်ပါလာသည့် MDY-17/2F-XXXX BONGO မော်တော်ယာဉ်သည် အခင်းဖြစ် နေရာအရောက်၌ အနှေးယာဉ်ကြောနှင့်ကပ်လျက် သုံးပေလမ်းပေါ်နှင့် မြေသားလမ်းဘေးတွင် ရပ်တန့်ထားစဉ် လားရာတူ နောက်မှ စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ အေးမြဝတီရပ်ကွက်နေ ကိုတင့်ဇော်ထွေး(၂၈)နှစ် မောင်းနှင်ပြီး အရာတော်မြို့နယ်၊ အမှတ်(၃)ရပ်ကွက်နေ ဦးကြည်စိုး(၅၇)နှစ် လိုက်ပါလာသည့် MDY-1/7M-XXXX MITSUBISHI FUSO မော်တော် ယာဉ်မှဝင်တိုက်မိခဲ့သဖြင့် BONGO မော်တော်ယာဉ်ပေါ်တွင် လိုက်ပါလာသည့်ပျဉ်းမနားမြို့နယ်၊ နှမ်းတောကျေးရွာနေ ကိုရန်ကျော်ဦး(၂၉)နှစ်၊ ကြံဖိုစုကျေးရွာ နေကြသူများဖြစ်သည့်  ကိုပြည့်ဖြိုးအောင်(၁၉)နှစ်နှင့် ကိုနေမင်းထက်(၂၁)နှစ်တို့တွင် ထိခိုက်ဒဏ်ရာများ အသီးသီး ရရှိခဲ့သောကြောင့် တင့်ဇော်ထွေး အား ပန်းတင်အမြန်လမ်းမကြီးရဲစခန်း ယာဉ်(ပ)၅/၂၀၂၆၊ ရာဇသတ်ကြီးပုဒ်မ ၃၃၈/ ၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။