ပြည်ထောင်စုဝန်ကြီး ဦးထွန်းအုံ ပဲခူးစက်မှုဇုန်ရှိ လက်အိတ်စက်ရုံနှင့် တိရစ္ဆာန်အစားအစာစက်ရုံတို့ကို ကြည့်ရှုစစ်ဆေး
ပြည်ထောင်စုဝန်ကြီး ဦးထွန်းအုံ ပဲခူးစက်မှုဇုန်ရှိ လက်အိတ်စက်ရုံနှင့် တိရစ္ဆာန်အစားအစာစက်ရုံတို့ကို ကြည့်ရှုစစ်ဆေး
Ministry of Information/ Naypyitaw / April 27, 2024
နေပြည်တော် ဧပြီ ၂၆
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံသည် ဌာနဆိုင်ရာ တာဝန်ရှိသူများနှင့်အတူ ယနေ့ညနေပိုင်းတွင် ပဲခူးတိုင်းဒေသကြီး ပဲခူးစက်မှုဇုန်ရှိ Bago Sports Gloves Co.,Ltd ၏ လက်အိတ်စက်ရုံသို့ရောက်ရှိရာ တာဝန်ရှိသူများက ထုတ်လုပ်ပြီး အားကစားလက်အိတ်များ ပြည်ပသို့ တင်ပို့နိုင်မှုအခြေအနေတို့ကို ရှင်းလင်းတင်ပြသည်။
ထို့နောက် ပြည်ထောင်စုဝန်ကြီးက သတ်မှတ်အရည်အသွေးပြည့်မီစေရေး ဆောင်ရွက်ရန်၊ နိုင်ငံတကာဈေးကွက်တွင် ယှဉ်ပြိုင်နိုင်ရေးနှင့် စံချိန်စံညွှန်း အရည်အသွေးမီပစ္စည်းများဖြစ်စေရေး ကြိုးပမ်းဆောင်ရွက်ကြရန်၊ ထုတ်လုပ်မှုစွမ်းရည်တိုးမြှင့်ရန်၊ ပြည်ပဈေးကွက်ဝေစု သစ်များနှင့် စျေးပိုမိုရရှိရေး ဆောင်ရွက်ရန်နှင့် ကုန်သွယ်မှုသတင်းအချက်အလက်များ အချိန်နှင့်တစ်ပြေးညီ သိရှိအောင် ဆောင်ရွက်ရန်တို့ကို မှာကြားပြီး စက်ရုံအတွင်း အားကစားလက်အိတ်များ ချုပ်လုပ်နေမှုအဆင့်ဆင့်တို့ကို ကြည့်ရှုစစ်ဆေးသည်။
ဆက်လက်၍ ပြည်ထောင်စုဝန်ကြီးနှင့်အဖွဲ့သည် Myanmar New Hope Farms Co.,Ltd ၏ တိရစ္ဆာန်အစာထုတ်လုပ်ရေးစက်ရုံသို့ ရောက်ရှိပြီး စက်ရုံအတွင်း တိရစ္ဆာန်အစားအစာ ကြိတ်ခွဲထုတ်လုပ်နေမှုလုပ်ငန်းစဉ်နှင့် ကုန်ကြမ်းနှင့် ကုန်ချောထားသိုမှုတို့ကို ကြည့်ရှုစစ်ဆေးကာ တိရစ္ဆာန်အစားအစာများကို ပြည်တွင်းသုံးစွဲရန် ဖူလုံမှုရှိအောင် တိုးမြှင့်ထုတ်လုပ်ရန်၊ အရည်အသွေးပြည့်မီစေရေး အလေးထားဆောင်ရွက်ရန်နှင့် စျေးနှုန်းသက်သာစွာဖြင့် ရောင်းချနိုင်ရေး ဆောင်ရွက်ရန်တို့ကို မှာကြားပြီး စက်ရုံ၏ လိုအပ်ချက်များကို ပေါင်းစပ်ဆောင်ရွက်ပေးခဲ့ကြောင်း သိရသည်။
သတင်းစဉ်
နေပြည်တော်စည်ပင်သာယာရေးကော်မတီ၊ ဈေးများဌာနမှ ရက်တိုးမြှင့်သတ်မှတ်ခြင်းအား အသိပေးအကြောင်းကြားခြင်း
Posted on May 7, 2024နေပြည်တော်စည်ပင်သာယာရေးကော်မတီ၊ ဈေးများဌာနမှ ရက်တိုးမြှင့်သတ်မှတ်ခြင်းအား အသိပေးအကြောင်းကြားခြင်း
ပြည်ထောင်စုသမ္မတမြန်မာနိုင်ငံတော် ပြည်ထောင်စုရွေးကောက်ပွဲကော်မရှင် သတင်းထုတ်ပြန်ချက်
Posted on May 8, 2024၁။ နိုင်ငံရေးပါတီ တည်ထောင်လိုသူများက ယင်းတို့တည်ထောင်လိုသော ပါတီအမည်ကိုဖော်ပြ၍ ပြည်ထောင်စုရွေးကောက်ပွဲကော်မရှင်သို့ လျှောက်ထားလျက်ရှိကြရာ ယနေ့အထိ ပါတီတည်ထောင်ခွင့် လျှောက်ထားလာသည့်အဖွဲ့ ၁၅ ဖွဲ့ရှိပါသည်။ ယင်းသို့လျှောက်ထားသည့်အဖွဲ့များအနက် နိုင်ငံရေးပါတီ ၁၂ ပါတီကို တည်ထောင်ခွင့်ပြုခဲ့ပြီး ၁ ပါတီကို တည်ထောင်ခွင့် ငြင်းပယ်ခဲ့ပါသည်။