မွန်ပြည်နယ်၊ သထုံနှင့် ဘီးလင်းမြို့နယ်တို့၌ လိုင်စင်မဲ့မော်တော်ယာဉ် ခုနစ်စီး ဖမ်းဆီးရမိ
မွန်ပြည်နယ်၊ သထုံနှင့် ဘီးလင်းမြို့နယ်တို့၌ လိုင်စင်မဲ့မော်တော်ယာဉ် ခုနစ်စီး ဖမ်းဆီးရမိ
Ministry of Home Affairs/ Naypyitaw / June 01, 2025
မွန်ပြည်နယ်၊ သထုံနှင့် ဘီးလင်းမြို့နယ်တို့၌ ၂၀၂၅ ခုနှစ်၊ မေ ၃၁ ရက်က လိုင်စင်မဲ့ မော်တော်ယာဉ် ခုနစ်စီး ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ မေ ၃၁ ရက် မွန်းလွဲ ၁ နာရီတွင် သထုံမြို့မရဲစခန်းမှ တပ်ဖွဲ့ဝင်များက သက်သေ များနှင့်အတူ ဘင်လှိုင်ရပ်ကွက်၊ သထုံ-ဘားအံသွားကားလမ်း၌ မော်တော်ယာဉ်စစ်ဆေးခြင်းများ ဆောင်ရွက်နေစဉ် အဆိုပါလမ်းအတိုင်း သုဓမ္မဝတီမြို့သစ်ဘက်မှ ဘင်လှိုင်ရပ်ကွက်ဘက်သို့ မောင်းနှင်လာသည့် ဝါးပိုးတောကျေးရွာနေ စိုးပိုင်(၂၉)နှစ်အား YGN-41/6M-XXXX SUCCEED ယာဉ်ဖြင့်လည်းကောင်း၊ ဘီးလင်းမြို့နယ်၊ ဆင်ကြုံးကျေးရွာနေ ကျော်စိုးဦး(၂၂)နှစ်အား KYN-4/3P-XXXX CROWN ယာဉ်ဖြင့်လည်းကောင်း၊ သထုံမြို့နယ်၊ ဒူးရင်းဆိပ်ကျေးရွာနေ အေးဇော်ဝင်း(၄၂)နှစ်အား KYN-4 1K/XXXX AIRWAVE ယာဉ်ဖြင့်လည်းကောင်း၊ သထုံမြို့နယ်၊ ဈေးမသွယ်ကျေးရွာနေ ကျော်အောင်(၄၀)နှစ်အား KYN-4G/XXXX HILUX ယာဉ်ဖြင့်လည်းကောင်း၊ သထုံမြို့နယ်၊ အနန်းပင်ကျေးရွာနေ စောသက်ဖော(၄၅)နှစ်အား YGN-4H/XXXX VANETTE(2004) အဖြူရောင်ယာဉ်ဖြင့်လည်းကောင်း၊ သထုံမြို့နယ်၊ နောင်ကုလားရွာကြီးနေ မျိုးထွဋ်(၃၈)နှစ်အား YGN-12 1L/XXXX HONDA FIT SHUTTLE ယာဉ်ဖြင့်လည်းကောင်း။
အလားတူ မွန်းလွဲ ၁ နာရီ ၃၀ မိနစ်တွင် ဘီးလင်းမြို့နယ်၊ ဘီးလင်းမြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သစ်တိုကျွန်းကျေးရွာလမ်းဆုံ၊ ဘီးလင်း-တောင်စွန်းကားလမ်းပေါ်၌ မော်တော်ယာဉ် စစ်ဆေးခြင်းများဆောင်ရွက်နေစဉ် အဆိုပါလမ်းအတိုင်း တောင်စွန်းမြို့ဘက်မှ ဘီးလင်းမြို့ဘက်သို့ မောင်းနှင်လာသည့် ဘီးလင်းမြို့နယ်၊ ကဇိုင်းကျေးရွာနေ သက်ချိုဦး(၃၅)နှစ်အား KYN 2F/XXXX NESSAN ZANEEER ယာဉ်ဖြင့်လည်းကောင်း အသီးသီးတွေ့ရှိရသဖြင့် စစ်ဆေးခဲ့ရာ အဆိုပါယာဉ်များမှာ လိုင်စင်မဲ့ယာဉ်များဖြစ်ကြောင်း သိရှိရသဖြင့် စိုးပိုင်၊ ကျော်စိုးဦး၊ အေးဇော်ဝင်း၊ ကျော်အောင်၊ စောသက်ဖော်၊ မျိုးထွဋ်နှင့် သက်ချိုဦးတို့ ခုနစ်ဦးအား သက်ဆိုင်ရာရဲစခန်းများ၌ ပို့ကုန်သွင်းကုန်ဥပဒေပုဒ်မ ၈ ဖြင့် အသီးသီး အမှုဖွင့်အရေးယူထားကြောင်း သတင်းရရှိပါသည်။
အဂတိလိုက်စားမှုတိုက်ဖျက်ရေး အသိပညာပေးဆိုင်ရာ ပိုစတာ၊ ပန်းချီနှင့် ဗီဒီယိုပြိုင်ပွဲသို့ ဝင်ရောက်ယှဉ်ပြိုင်နိုင်ရေး ဖိတ်ခေါ်ခြင်း
Posted on Jun 2, 2025အဂတိလိုက်စားမှုတိုက်ဖျက်ရေး အသိပညာပေးဆိုင်ရာ ပိုစတာ၊ ပန်းချီနှင့် ဗီဒီယိုပြိုင်ပွဲသို့ ဝင်ရောက်ယှဉ်ပြိုင်နိုင်ရေး ဖိတ်ခေါ်ခြင်း
မြေဩဇာရည်ညွှန်းဈေးနှုန်းများ သိရှိနိုင်ပါရန် ကြေညာခြင်း
Posted on Jun 2, 2025ရာထူးတိုးမြှင့်ရေးဆိုင်ရာအဆိုပြုတင်ပြလာမှုများအပေါ်စိစစ်သဘောတူညီချက် ပြန်ကြားဆောင်ရွက်ခြင်း(၁၈/၂၀၂၅)
Posted on May 30, 2025ရာထူးတိုးမြှင့်ရေးဆိုင်ရာအဆိုပြုတင်ပြလာမှုများအပေါ်စိစစ်သဘောတူညီချက် ပြန်ကြားဆောင်ရွက်ခြင်း(၁၈/၂၀၂၅)