ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ နှစ်လုံးထီ လောင်းကစားပြုလုပ်သူအား ဖမ်းဆီးအရေးယူ

ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ နှစ်လုံးထီ လောင်းကစားပြုလုပ်သူအား ဖမ်းဆီးအရေးယူ

     ၂၀၂၅ ခုနှစ်၊ နိုဝင်ဘာ ၇ ရက်က ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း) မြို့နယ်၌ နှစ်လုံးထီ လောင်းကစားပြုလုပ်သူ အမျိုးသမီးတစ်ဦးအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ နိုဝင်ဘာ ၇ ရက် မွန်းလွဲ ၃ နာရီ ၃၀ မိနစ်တွင် လှိုင်သာယာ(အနောက်ပိုင်း)မြို့နယ်၊ (၁၃)ရပ်ကွက်၊ အမှတ်(၆၅၂ က/ခ)အဆောင်နေ မအေးအေးအောင်(၃၄)နှစ်၏ အခန်း၌ နှစ်လုံးထီ လောင်းကစား ပြုလုပ်နေကြောင်းသတင်းအရ လှိုင်သာယာ(အနောက်ပိုင်း)မြို့မရဲစခန်းမှ တပ်ဖွဲ့ဝင် များက သွားရောက်ရှာဖွေစစ်ဆေးခဲ့ရာ မအေးအေးအောင်၏ လက်ကိုင်ဖုန်းအတွင်းရှိ Viber မှတစ်ဆင့် နှစ်လုံးထီဂဏန်းနှင့် ငွေတန်ဖိုးများရေးသားပေးပို့ထားသည်ကို တွေ့ရှိရပြီး လောင်းကြေးငွေ ၁၅၀,၀၀၀ ကျပ်အား တွေ့ရှိသိမ်းဆည်းရမိခဲ့သဖြင့် မအေးအေးအောင်အား လှိုင်သာယာ(အနောက်ပိုင်း) မြို့မရဲစခန်း (ပ)၁၁၄၃/၂၀၂၅၊ လောင်းကစားဥပဒေပုဒ်မ ၁၈(က) ဖြင့် အမှုဖွင့်အရေးယူထားကြောင်း သတင်းရရှိပါသည်။