ရန်ကုန်တိုင်းဒေသကြီး၊ လှည်းကူးမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦး ထိခိုက် ဒဏ်ရာရရှိ

ရန်ကုန်တိုင်းဒေသကြီး၊ လှည်းကူးမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦး ထိခိုက် ဒဏ်ရာရရှိ

     ၂၀၂၆ ခုနှစ်၊ ဖေဖော်ဝါရီ ၉ ရက်က ရန်ကုန်တိုင်းဒေသကြီး၊ လှည်းကူးမြို့နယ်၌ ယာဉ်တိုက်မှုဖြစ်ပွား၍ အမျိုးသား နှစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၉ ရက် မွန်းလွဲ ၃ နာရီ ၂၀ မိနစ်တွင် ရန်ကုန်တိုင်းဒေသကြီး၊ လှည်းကူးမြို့နယ်၊ အင်းတိုင်ကျေးရွာအနီး၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၉) ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ အလံတပိုကျေးရွာလမ်းအတိုင်း အရှေ့မှ အနောက်သို့ ဝါးရုံစွန်းကျေးရွာနေ ဝင်းထွန်းနိုင်(၄၈)နှစ် မောင်းနှင်ပြီး လှည်းကူးမြို့နယ်၊ ဒါးပိန်တောင်ကျေးရွာနေ ဦးသန့်(၃၇)နှစ် လိုက်ပါလာသော ဆိုင်ကယ်သည် အမှတ်(၂)လမ်းပေါ်သို့ ဖြတ်ထွက်မောင်းနှင်စဉ် အမှတ်(၂)လမ်းအတိုင်း မြောက်မှတောင်သို့ တောင်ဥက္ကလာပမြို့နယ်၊ အမှတ်(၄)ရပ်ကွက်နေ ပြည့်ဖြိုးအောင်(၂၆)နှစ် မောင်းနှင်လာသော YGN-31/3K-XXXX HONDA FIT မော်တော်ယာဉ်အား ဝင်ရောက်တိုက်မိခဲ့သဖြင့် အဆိုပါယာဉ်မှာ လမ်းဘေးတွင် ရပ်တန့်ထားသော အင်းတိုင်ကျေးရွာနေ အောင်မိုးသူ(၃၅)နှစ် မောင်းနှင်သည့် YGN-7/4E-XXXX JAC HFC TRACTOR HEAD တွဲမော်တော်ယာဉ်အား ထပ်မံဝင်ရောက်တိုက်မိခဲ့သဖြင့် ဝင်းထွန်းနိုင်နှင့် ပြည့်ဖြိုးအောင် တို့တွင် ထိခိုက်ဒဏ်ရာများ အသီးသီးရရှိခဲ့သောကြောင့် ဝင်းထွန်းနိုင် အား လှည်းကူးမြို့မရဲစခန်း ယာဉ်(ပ)၂/၂၀၂၆၊ ရာဇသတ်ကြီး ပုဒ်မ ၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။