ရန်ကုန်တိုင်းဒေသကြီး၊ ရွှေပြည်သာမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ စက်ဘီးအား ဝင်ရောက်တိုက်မိ၍ အမျိုးသားတစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ ရွှေပြည်သာမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ စက်ဘီးအား ဝင်ရောက်တိုက်မိ၍ အမျိုးသားတစ်ဦး ထိခိုက်ဒဏ်ရာရရှိ

     ရန်ကုန်တိုင်းဒေသကြီး၊ ရွှေပြည်သာမြို့နယ်၌ ၂၀၂၅ ခုနှစ်၊ အောက်တိုဘာ ၄ ရက်က မော်တော်ယာဉ်မှ အရှိန်မထိန်းနိုင်ဘဲ စက်ဘီးအားဝင်ရောက်တိုက်မိခဲ့သဖြင့် အမျိုးသားတစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ အောက်တိုဘာ ၄ ရက် နံနက် ၉ နာရီတွင် ရွှေပြည်သာမြို့နယ်၊ အမှတ်(၂)ရပ်ကွက် မြရိပ်ညိုလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၉) ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ မြရိပ်ညိုလမ်းအတိုင်း မြောက်ဘက်မှ တောင်ဘက်သို့ ရွှေပြည်သာမြို့နယ်၊ အမှတ်(၂)ရပ်ကွက်နေ ကျော်ခိုင်သူ (၆၄)နှစ် မောင်းနှင်လာသည့် BGO-11 2M-XXXX NISSAN CLIPPER မော်တော်ယာဉ်သည် မြရတနာ လမ်းထိပ်အရောက်၌ အရှိန်မထိန်းနိုင်ဘဲ ၎င်း၏အရှေ့မှ အမှတ်(၁၁)ရပ်ကွက်နေ ဦးမျိုးမင်းဇော်(၄၉)နှစ် စီးနင်းလာသည့် စက်ဘီးအား ဝင်ရောက်တိုက်မိခဲ့သဖြင့် ဦးမျိုးမင်းဇော်တွင် ထိခိုက်ဒဏ်ရာများ ရရှိခဲ့သောကြောင့် ကျော်ခိုင်သူအား ရွှေပြည်သာမြို့မရဲစခန်း ယာဉ်(ပ)၁၆/၂၀၂၅၊ ရာဇသတ်ကြီး ပုဒ်မ ၃၃၈/၂၇၉ ဖြင့် အမှုဖွင့်အရေးယူထားကြောင်း သတင်းရရှိသည်။