အများပြည်သူထံမှ တုံ့ပြန်မှုရယူခြင်းအစီအစဉ် (Public Feedback Program – PFP ) နှင့် စပ်လျဉ်း၍ အသိပေးကြေညာချက်
အများပြည်သူထံမှ တုံ့ပြန်မှုရယူခြင်းအစီအစဉ် (Public Feedback Program – PFP ) နှင့် စပ်လျဉ်း၍ အသိပေးကြေညာချက်
Office of the Auditor General of the Union/ NPT / June 20, 2025
၁။ ပြည်ထောင်စုစာရင်းစစ်ချုပ်ရုံးသည် အဂတိလိုက်စားမှုတိုက်ဖျက်ရေးကော်မရှင်မှ အကောင်အထည်ဖော်ဆောင်ရွက်လျက်ရှိသည့် အဂတိလိုက်စားမှုတားဆီးကာကွယ်ရန်နှင့် ပြည်သူ့ဝန်ဆောင်မှုလုပ်ငန်းများ၏ အရည်အသွေးကိုသိရှိနိုင်ရန် ရည်ရွယ်၍ ဝန်ဆောင်မှုရယူ ခဲ့ကြသောပြည်သူများ၏ တယ်လီဖုန်းနံပါတ်များသို့ Short Code No “1111” အသုံးပြု၍ SMS မှတစ်ဆင့် မေးခွန်းများမေးမြန်းခြင်းနှင့်တုံ့ပြန်မှုရယူခြင်းများ ဆောင်ရွက်နိုင်ရန်အတွက် အများပြည်သူထံမှတုံ့ပြန်မှုရယူခြင်းအစီအစဉ် (Public Feedback Program-PFP) ကို အသုံး ပြုဆောင်ရွက်လျက်ရှိပါသည်။
၂။ ပြည်ထောင်စုစာရင်းစစ်ချုပ်ရုံး၊ နည်းပညာဖွံ့ဖြိုးရေးနှင့်လေ့ကျင့်ရေးဦးစီးဌာန၊ မြန်မာ နိုင်ငံစာရင်းကောင်စီရုံး၏ ဒီပလိုမာစာရင်းကိုင်သင်တန်း (ပထမပိုင်း) အမှတ်စဉ်-၄၄၊ ဒီပလိုမာ စာရင်းကိုင်သင်တန်း (ဒုတိယပိုင်း) အမှတ်စဉ်-၄၃၊ လက်မှတ်ရပြည်သူ့စာရင်းကိုင် (ဒုတိယပိုင်း) အမှတ်စဉ်-၄၇ သင်တန်းများလျှောက်ထားခြင်း၊ သင်တန်းသားမှတ်ပုံတင်ခြင်း၊ လက်မှတ်ရ ပြည်သူ့စာရင်းကိုင် (ပြည့်မီ) CPA (Full Fledged)၊ အများပြည်သူသို့စာရင်းဝန်ဆောင်မှုပေး သည့်လုပ်ငန်းလုပ်ကိုင်သူ (PAPP)၊ Audit Firm၊ Non-Audit Services များ မှတ်ပုံတင်သက်တမ်း တိုးခြင်း စသည့်ဝန်ဆောင်မှုရယူခြင်းနှင့်စပ်လျဉ်း၍ ပေးပို့မေးမြန်းလိုက်သော SMS များကို မှန်ကန်စွာ ပြန်လည်ဖြေကြားပေးခြင်းဖြင့် မြန်မာနိုင်ငံစာရင်းကောင်စီရုံးဌာနခွဲအသီးသီး၏ ဝန်ဆောင်မှုလုပ်ငန်းအရည်အသွေးကို သိရှိနိုင်မည်ဖြစ်ပြီး လိုအပ်ချက်များကို ပြုပြင်နိုင်မည် ဖြစ်ပါသည်။
၃။ သို့ဖြစ်ပါ၍ အပိုဒ် (၂) ပါ ဝန်ဆောင်မှုရယူသူများအနက် နမူနာရွေးချယ်ထားသူများထံ နဝမအကြိမ်အဖြစ် Short Code “1111” ဖြင့် SMS ပေးပို့မေးမြန်းလိုက်သော မေးခွန်းများကို မေးခွန်းလက်ခံရရှိသည့်နေ့မှစ၍ (၂) ပတ်အတွင်း ပေးပို့လိုက်သည့် SMS သို့ ပြန်လည်ဖြေကြား ပေးခြင်းဖြင့် အများပြည်သူထံမှ တုံ့ပြန်မှုရယူခြင်းအစီအစဉ်ကို အတူတကွ ပူးပေါင်းပါဝင် ဆောင်ရွက်ပေးစေလိုကြောင်း အသိပေးနှိုးဆော်အပ်ပါသည်။
ပြည်ထောင်စုစာရင်းစစ်ချုပ်ရုံး
အခွန်အယူခံခုံအဖွဲ့က ၁၀-၇-၂၀၂၅ ရက်နေ့တွင် စီရင်ချက်အမိန့်ချမှတ်မည့် အမှုစာရင်း
Posted on Jul 1, 2025အခွန်အယူခံခုံအဖွဲ့က ၁၀-၇-၂၀၂၅ ရက်နေ့တွင် စီရင်ချက်အမိန့်ချမှတ်မည့် အမှုစာရင်း
အမည်မည်းစာရင်းကြေညာခြင်း
Posted on Jul 1, 2025၁။ နိုင်ငံတော်အတွင်းသို့ နိုင်ငံခြားသုံးငွေများ ဝင်ရောက်လာသည့် အဓိကလမ်းကြောင်းဖြစ်သော ပို့ကုန်တင်ပို့မှုမှ ရငွေများအပြည့်အဝရရှိရန်မှာ အဓိကကျသည့် အချက်ဖြစ်သဖြင့် နိုင်ငံခြားသုံးငွေ စီမံခန့်ခွဲမှု ဥပဒေပုဒ်မ ၃၈-ခ နှင့် နိုင်ငံခြားသုံးငွေစီမံခန့်ခွဲမှုစည်းမျဉ်း အပိုဒ်-၃၅၊ အမိန့်ကြော်ငြာစာအမှတ် ၂၇/၂ဝ၂၃ တို့တွင် အာရှနိုင်ငံများသို့ တင်ပို့ခြင်းဖြစ်ပါက ပို့ကုန်တင်ပို့သည့်နေ့မှ (၃ဝ) ရက်အတွင်း၊ အာရှနိုင်ငံများမှအပ အခြားနိုင်ငံများသို့ တင်ပို့ခြင်းဖြစ်ပါက ပို့ကုန်တင်ပို့သည့်နေ့မှ (၆ဝ) ရက်အတွင်း ပို့ကုန်တင်ပို့သူ၏ မြန်မာနိုင်ငံအတွင်းရှိ ဘဏ်ငွေစာရင်းသို့ နိုင်ငံခြားငွေဖြင့် မပျက်မကွက် ထည့်သွင်းရန်ဖြစ်ကြောင်း ပြဋ္ဌာန်း သတ်မှတ်ထားပါသည်။
ပြည်တွင်းအခွန်များဦးစီးဌာန ကန့်သတ်မှုမရှိသောတင်ဒါခေါ်ယူခြင်း
Posted on Jun 30, 2025