ပုဗ္ဗသီရိမြို့နယ် အောင်သုခကျေးရွာတွင် သောက်သုံးရေသန့် ဂါလန် ၂၄၀၀ ဖြန့်ဝေလှူဒါန်း

ပုဗ္ဗသီရိမြို့နယ် အောင်သုခကျေးရွာတွင် သောက်သုံးရေသန့် ဂါလန် ၂၄၀၀ ဖြန့်ဝေလှူဒါန်း

ပုဗ္ဗသီရိမြို့နယ် အောင်သုခကျေးရွာတွင် သောက်သုံးရေသန့် ဂါလန် ၂၄၀၀ ဖြန့်ဝေလှူဒါန်း

နေပြည်တော်  မေ ၉

ပြည်ထောင်စုနယ်မြေ၊ နေပြည်တော်၊ ဇေယျာသီရိခရိုင်ကျေးလက်ဒေသဖွံ့ဖြိုး တိုးတက်ရေးဦးစီးဌာနက အောင်သုခကျေးရွာအုပ်စု၊ အောင်သုခကျေးရွာရှိ ငလျင်ဘေးသင့်ပြည်သူများ သောက်သုံးရေဖူလုံစေရေးအတွက် ဇေယျာသီရိခရိုင်ကျေးလက်ဒေသဖွံ့ဖြိုးတိုးတက်ရေးဦးစီးဌာန ခရိုင်ဦးစီးမှူး ဒေါ်စိုးစိုးဦးနှင့် မြို့နယ်ဝန်ထမ်းများက သောက်သုံးရေသန့် ဂါလန် ၂၄၀၀ ကို ယနေ့နံနက်ပိုင်းက ကျေးရွာအရောက် ဖြန့်ဝေလှူဒါန်းပေးခဲ့ကြောင်း အဆိုပါ ဦးစီးဌာနမှသိရသည်။

ဇေယျာသီရိခရိုင်နှင့် ပုဗ္ဗသီရိမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန ဝန်ထမ်းများက အောင်သုခကျေးရွာ၌ မတ်လ ၂၈ ရက်နေ့က လှုတ်ခတ်ခဲ့သည့် အင်အားပြင်းမန္တလေးငလျင်ကြီးကြောင့် ငလျင်ဘေးသင့်ခဲ့သည့် ကျေးရွာနေပြည်သူများ လတ်တလော သောက်သုံးရေများဆင်ပြေစေရေး ဦးစီးဌာနပိုင် ရွေ့လျားရေသန့်စင်ကားဖြင့် သောက်သုံးရေသန့်များ ဖြန့်ဝေလှူဒါန်းကြပါသည်။

အဆိုပါ အောင်သုခကျေးရွာရှိ ငလျင်ဘေးသင့်ပြည်သူ အိမ်ခြေ ၁၃၂၁ ၊ လူဦးရေ ၄၄၃၂ ဦးတို့အတွက်  ဦးစီးဌာနပိုင် ရွေ့လျားရေသန့်စင်ကားဖြင့် သောက်သုံးရေသန့်ဂါလန် ၂၄၀၀ ကို ကျေးရွာအရောက် ဖြန့်ဝေလှူဒါန်းပေးခဲ့ကြောင်း ခရိုင်ဦးစီးမှူး ဒေါ်စိုးစိုးဦးထံမှ သိရသည်။