ရန်ကုန်တိုင်းဒေသကြီး၊ တိုက်ကြီးမြို့နယ်၌ ဘေးတွဲဆိုင်ကယ်မှ အရှိန်မထိန်းနိုင်ဘဲ ဝင်ရောက် တိုက်မိခဲ့မှုကြောင့် လမ်းလျှောက်နေသူ အမျိုးသမီး နှစ်ဦး သေဆုံး

ရန်ကုန်တိုင်းဒေသကြီး၊ တိုက်ကြီးမြို့နယ်၌ ဘေးတွဲဆိုင်ကယ်မှ အရှိန်မထိန်းနိုင်ဘဲ ဝင်ရောက် တိုက်မိခဲ့မှုကြောင့် လမ်းလျှောက်နေသူ အမျိုးသမီး နှစ်ဦး သေဆုံး

    ၂၀၂၆ ခုနှစ်၊ မေ ၂၉ ရက်က ရန်ကုန်တိုင်းဒေသကြီး၊ တိုက်ကြီးမြို့နယ်၌ ဘေးတွဲ ဆိုင်ကယ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့မှုကြောင့် လမ်းလျှောက်နေသူ အမျိုးသမီး နှစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မေ ၂၉ ရက် နံနက် ၄ နာရီ ၂၀ မိနစ်တွင် ရန်ကုန်တိုင်းဒေသကြီး၊ တိုက်ကြီး မြို့နယ်၊ ဗဟိုမြေစာရင်းဖွံ့ဖြိုးမှုလေ့ကျင့်ပညာပေးရေးသင်တန်းကျောင်းရှေ့၊ ရန်ကုန်-ပြည်ကားလမ်းမပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆၁)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါလမ်းအတိုင်း မြောက်မှတောင်သို့ တိုက်ကြီးမြို့နယ်၊ တာခွကျေးရွာနေ ဦးထွန်းထွန်းလှိုင်(၄၉)နှစ် မောင်းနှင်လာသည့် ဘေးတွဲဆိုင်ကယ်သည် အခင်းဖြစ်နေရာအရောက်၌ မျက်နှာချင်းဆိုင်ဘက်မှ လမ်းလျှောက်လာသော မှော်ဘီမြို့နယ်နေသူများဖြစ်သည့် ဒေါ်မြင့်မြင့်သွယ် (၄၆)နှစ်နှင့် ဒေါ်စန်းမူ(၅၄)နှစ်တို့အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ဒေါ်မြင့်မြင့်သွယ်နှင့် ဒေါ်စန်းမူတို့ နှစ်ဦးတွင် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် ထွန်းထွန်းလှိုင် အား တိုက်ကြီးမြို့မရဲစခန်း ယာဉ်(ပ)၁၄/၂၀၂၆၊ ရာဇသတ်ကြီးပုဒ်မ ၃၀၄-က/ ၂၇၉ ဖြင့် အမှုဖွင့်အရေးယူ ထားကြောင်း သတင်းရရှိပါသည်။