တိရစ္ဆာန်ဆေးကုသိပ္ပံနှင့် ဒီပလိုမာ (၁) နှစ် သင်တန်းဖွင့်ပွဲအခမ်းအနားကျင်းပ
တိရစ္ဆာန်ဆေးကုသိပ္ပံနှင့် ဒီပလိုမာ (၁) နှစ် သင်တန်းဖွင့်ပွဲအခမ်းအနားကျင်းပ
Ministry of Information/ Naypyitaw / May 04, 2024
ရန်ကုန် မေ ၃
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန မွေးမြူရေးနှင့်ကုသရေးဦးစီးဌာန၏ တိရစ္ဆာန်ဆေးကုသိပ္ပံနှင့် ဒီပလိုမာ (၁) နှစ် သင်တန်းဖွင့်ပွဲအခမ်းအနားကို ယမန်နေ့နံနက်ပိုင်းက ရန်ကုန်တိုင်းဒေသကြီး အင်းစိန်မြို့နယ်ရှိ တိရစ္ဆာန်ဆေးကုသိပ္ပံကျောင်းဝင်း၌ကျင်းပရာ အခမ်းအနားသို့ ပြည်ထောင်စုဝန်ကြီး ဦးမင်းနောင်၊ မွေးမြူရေးနှင့် ကုသရေးဦးစီးဌာန ညွှန်ကြားရေးမှူးချုပ်၊ မြန်မာနိုင်ငံတိရစ္ဆာန်ဆေး ပညာကောင်စီဥက္ကဋ္ဌ၊ မြန်မာနိုင်ငံ တိရစ္ဆာန်ဆရာဝန်များအသင်းဥက္ကဋ္ဌ၊ မွေးမြူရေးလုပ်ငန်းအဖွဲ့ချုပ်ဥက္ကဋ္ဌ၊ ရန်ကုန်တိုင်းဒေသကြီး မွေးမြူရေးနှင့်ကုသရေးဦးစီးဌာန ဝန်ထမ်းများ၊ တိရစ္ဆာန်ဆေးကုသိပ္ပံကျောင်းအုပ်ကြီးနှင့် ဝန်ထမ်းများ၊ သင်တန်းသား သင်တန်းသူများ တက်ရောက်ကြသည်။
စက်ခလုတ်နှိပ်ဖွင့်လှစ်
ဦးစွာ ပြည်တောင်စုဝန်ကြီးနှင့် တာဝန်ရှိသူများသည် တိရစ္ဆာန်ဆေးကုသိပ္ပံကျောင်းဝင်းအတွင်းရှိ တိရစ္ဆာန်ဆေးကုသိပ္ပံဆိုင်းဘုတ်ကို စက်ခလုတ်နှိပ်၍ဖွင့်လှစ်ပြီး အမွှေးနံ့သာရည်များ ပက်ဖျန်းပေးသည်။
ထို့နောက် ပြည်ထောင်စုဝန်ကြီးသည် မွေးမြူရေးနှင့် ကုသရေးဦးစီးဌာန၏ တိရစ္ဆာန်ဆေးကုသိပ္ပံ အုပ်ချုပ်ရေးခန်းမဆောင်၌ တိရစ္ဆာန်ဆေးကုသိပ္ပံ၊ ဒီပလိုမာ (၁) နှစ်သင်တန်းဖွင့်ပွဲ အခမ်းအနားနှင့်စပ်လျဉ်း၍ အမှာစကားပြောကြားရာတွင် မွေးမြူရေးနှင့် ကုသရေးဦးစီးဌာနသည် နိုင်ငံတော်၏ အသားကဏ္ဍ ပိုမိုဖွံ့ဖြိုးရေးအတွက် မွေးမြူထုတ်လုပ်မှုနှင့် တိရစ္ဆာန်ကျန်းမာရေး စောင့်ရှောက်မှုဆိုင်ရာ လူ့စွမ်းအားအရင်းအမြစ်များ တိုးမြှင့်ပေးနိုင်ရန် ကာလတို၊ ကာလရှည် သင်တန်းများပေးခြင်းကို နှစ်စဉ်ပုံမှန်ဆောင်ရွက်ပေးလျက်ရှိကြောင်း၊ တိရစ္ဆာန်ရောဂါကာကွယ် ကုသရေးဆိုင်ရာ အတတ်ပညာကို ကျွမ်းဝင်နားလည်သည့် ပညာရှင်ဝန်ထမ်းများအဖြစ် လေ့ကျင့်မွေးထုတ်ပေးပြီး စိုက်ပျိုးမွေးမြူရေးကို အခြေခံသည့် ကျေးလက်ဒေသများ၏ လူမှုစီးပွားဘဝ မြှင့်တင်ရေးလုပ်ငန်းများ ဆောင်ရွက်ရာတွင် မွေးမြူရေးကဏ္ဍဖြင့် ကျယ်ကျယ်ပြန့်ပြန့် ဆောင်ရွက်ပေးနိုင်ရန်ရည်ရွယ်၍ ယခုတိရစ္ဆာန်ဆေးကုသိပ္ပံကျောင်းကို ယနေ့ဖွင့်လှစ်ခြင်းဖြစ်ကြောင်း။
မွေးမြူထုတ်လုပ်မှု တိုးတက်ရန်အတွက် မွေးမြူတိရစ္ဆာန်များ၏ ကျန်းမာရေးကို ထိထိရောက်ရောက် စောင့်ရှောက်မှုပေးနိုင်ရန် သင်တန်းတွင် တိရစ္ဆာန်ရောဂါ ကာကွယ်ထိန်းချုပ်ရေးနှင့် ကျန်းမာရေးစောင့်ရှောက်ပေးနိုင်သည့် အခြေခံဆေးကုသရေး ပညာရပ်များကို သင်ကြား လေ့ကျင့်ပေးသွားမည်ဖြစ်ပြီး သင်တန်းပြီးမြောက်အောင်မြင်ပါက တိရစ္ဆာန်ဆေးကု ဒီပလိုမာ (Dip.V.Sc) ချီးမြှင့်ပေးသွားမည်ဖြစ်ကြောင်း၊ ဌာန၏လုပ်ငန်းများကို အရည်အသွေး မြင့်မားစွာ ဆောင်ရွက်နိုင်မည့်နည်းတူ မိမိအတွက် အသက်မွေးဝမ်းကျောင်း အထောက်အကူ ပညာရပ်တစ်ခုကို တတ်မြောက်သွားစေမည်ဖြစ်၍ သင်တန်းသား သင်တန်းသူများအနေဖြင့် နိုင်ငံတော်အတွက် သာမက သင်တန်းတက်ရောက်သူများအတွက်ပါ အကျိုးကျေးဇူးကောင်းများရရှိမည့် သင်တန်းဖြစ်သောကြောင့် သင်တန်းကျောင်းက သတ်မှတ်ထားသည့် စည်းမျဉ်းစည်းကမ်းများနှင့်အညီ ထူးချွန်အောင် ကြိုးစားသင်ယူကြရန် တိုက်တွန်းပြောကြားသည်။
ရှင်းလင်းပြောကြား
ယင်းနောက် မွေးမြူရေးနှင့် ကုသရေးဦးစီးဌာန ညွှန်ကြားရေးမှူးချုပ် ဒေါက်တာ ရဲထွန်းဝင်းက သင်တန်းကျောင်းနှင့်ပတ်သက်၍ ဆောင်ရွက်ထားရှိသည့် လုပ်ငန်းများကို ရှင်းလင်းပြောကြားသည်။
ဆက်လက်၍ ပြည်ထောင်စုဝန်ကြီးသည် သင်တန်းသား သင်တန်းသူများကို ရင်းရင်းနှီးနှီးတွေ့ဆုံနှုတ်ဆက်၍ အားပေးစကားပြောကြားပြီး သင်တန်းစာသင်ဆောင်တွင် စတင်သင်ကြားပို့ချနေမှုကိုကြည့်ရှုပြီး လိုအပ်ချက်များ ဖြည့်ဆည်းဆောင်ရွက်ပေးသည်။
တိရစ္ဆာန်ဆေးကု သိပ္ပံ၊ ဒီပလိုမာ (၁)နှစ်သင်တန်းကို တိရစ္ဆာန်ကျန်းမာရေးစောင့်ရှောက်ပေးနိုင်ရန် အခြေခံတတ်မြောက်ထားရမည့် ခန္ဓာဗေဒ၊ ဇီဝကမ္မဗေဒ၊ မွေးမြူရေးသိပ္ပံပညာ၊ အာဟာရဗေဒ၊ မေထုန်မဲ့သားစပ်ပညာ စသည့်ဘာသာရပ်များအပြင် သားဖွားမီးယပ်ပညာ၊ အဏုဇီဝဗေဒ၊ ကပ်ပါးဗေဒ၊ ရောဂါဗေဒ၊ ဆေးဝါးဗေဒ၊ တိရစ္ဆာန်ဆေးပညာ၊ အခြေခံခွဲစိတ်ပညာ၊ တိရစ္ဆာန်ကူးစပ် ရောဂါပညာ၊ ပြည်သူ့ကျန်းမာရေး စောင့်ရှောက်မှုပညာ စသည့်ဘာသာရပ်များကို စာတွေ့၊ လက်တွေ့ ပေါင်းစပ်သင်ကြား ပေးသွားမည်ဖြစ်ပြီး သင်တန်းပြီးဆုံးပါက တိရစ္ဆာန်ဆေးကု ဒီပလိုမာ(Dip.V.Sc) ဘွဲ့ ချီးမြှင့်သွားမည်ဖြစ်ကြောင်း၊ အဆိုပါ သင်တန်းသို့ သိပ္ပံဘွဲ့ရရှိထားသည့် ဌာနတွင်းမှ သင်တန်းသား ငါးဦးနှင့် သိပ္ပံဘွဲ့ရရှိထားသူ ပြင်ပသင်တန်းသား ၆၁ ဦး စုစုပေါင်း ၆၆ ဦး တက်ရောက်လျက်ရှိကြောင်း သိရသည်။
သတင်းစဉ်
Newspaper - 2757 items
၁၃၈၆ ခုနှစ်၊ ကဆုန်လဆန်း ၁၁ ရက်၊ မေ ၁၈ ရက်၊ စနေနေ့။
Publisher: မြန်မာ့အလင်း/ May 18, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၁၀ ရက်၊ မေ ၁၇ ရက်၊ သောကြာနေ့။
Publisher: မြန်မာ့အလင်း/ May 17, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၉ ရက်၊ မေ ၁၆ ရက်၊ ကြာသပတေးနေ့။
Publisher: မြန်မာ့အလင်း/ May 16, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၈ ရက်၊ မေ ၁၅ ရက်၊ ဗုဒ္ဓဟူးနေ့။
Publisher: မြန်မာ့အလင်း/ May 15, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၇ ရက်၊ မေ ၁၄ ရက်၊ အင်္ဂါနေ့။
Publisher: မြန်မာ့အလင်း/ May 14, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၆ ရက်၊ မေ ၁၃ ရက်၊ တနင်္လာနေ့။
Publisher: မြန်မာ့အလင်း/ May 13, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၅ ရက်၊ မေ ၁၂ ရက်၊ တနင်္ဂနွေနေ့။
Publisher: မြန်မာ့အလင်း/ May 12, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၃ ရက် ၊ မေ ၁၀ ရက်၊ သောကြာနေ့။
Publisher: မြန်မာ့အလင်း/ May 10, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၂ ရက် ၊ မေ ၉ ရက်၊ ကြာသပတေးနေ့။
Publisher: မြန်မာ့အလင်း/ May 09, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၁ ရက် ၊ မေ ၈ ရက်၊ ဗုဒ္ဓဟူးနေ့။
Publisher: မြန်မာ့အလင်း/ May 08, 2024
Publication Date: 2024
Page: 32 pages
Language: မြန်မာ
Download