နိုင်ငံတော်အကြီးအကဲရဲ့ ဩဝါဒခံယူမှုမှတစ်ဆင့် ဘဝမှာသိသင့်သိထိုက်တဲ့ အကြောင်းအရာတွေ၊ လိုက်နာရမယ့် စိတ်နေစိတ်ထားတွေကို သိရှိခဲ့ရပါတယ်
နိုင်ငံတော်အကြီးအကဲရဲ့ ဩဝါဒခံယူမှုမှတစ်ဆင့် ဘဝမှာသိသင့်သိထိုက်တဲ့ အကြောင်းအရာတွေ၊ လိုက်နာရမယ့် စိတ်နေစိတ်ထားတွေကို သိရှိခဲ့ရပါတယ်
Ministry of Information/ Naypyitaw / April 27, 2024
၂၀၂၃ - ၂၀၂၄ ပညာသင်နှစ်အတွက် ရွေးချယ်ခံရသော နေပြည်တော်၊ တိုင်းဒေသကြီးနှင့် ပြည်နယ်များမှ လူရည်ချွန်ကျောင်းသား၊ ကျောင်းသူ ၅၅၄ ဦးတို့အား ယနေ့တွင် နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန -၂ ၌ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်က တွေ့ဆုံကာ ဩဝါဒစကား မြွက်ကြားခဲ့သည်။
ထို့ပြင် လူရည်ချွန်မောင်မယ်များ အသိပညာ၊ အတတ်ပညာများ တိုးပွားစေပြီး နိုင်ငံတော်၏ ဖွံ့ဖြိုးတိုးတက်ရေးလုပ်ငန်းစဉ်များတွင် တစ်တပ်တစ်အား ပါဝင်ဆောင်ရွက်နိုင်ရန်အတွက် ဝန်ကြီးဌာနအလိုက် လုပ်ငန်းဆောင်ရွက်နေမှုပြခန်းများကို ခင်းကျင်းပြသထားရှိရာ လူရည်ချွန်မောင်မယ်များ စိတ်ပါဝင်စားစွာဖြင့် ကြည့်ရှုလေ့လာကြသည်။
ထို့နောက် အခမ်းအနားသို့ တက်ရောက်လာကြသည့် တာဝန်ရှိသူများ၊ လူရည်ချွန်မောင်မယ်များနှင့်တွေ့ဆုံ၍ နိုင်ငံတော်ဝန်ကြီးချုပ်၏ ဩဝါဒမြွက်ကြားခဲ့မှုအပေါ် ရရှိခဲ့ကြသည့် အသိပညာဗဟုသုတများနှင့် ပြခန်းများ ခင်းကျင်းပြသမှုအပေါ် ၎င်းတို့၏ ဝမ်းသာပီတိစကားသံများကို တွေ့ဆုံမေးမြန်းရေးသားလိုက်ရပါသည်။
ဒေါက်တာစိုးဝင်း (အမြဲတမ်းအတွင်းဝန်၊ ပညာရေးဝန်ကြီးဌာန)
ဒီနှစ်မှာ နေပြည်တော်အပါအဝင် တိုင်းဒေသကြီးနဲ့ ပြည်နယ်အသီးသီးက လူရည်ချွန်စုစုပေါင်း ၅၅၄ ဦး ရွေးချယ်ခဲ့ပါတယ်။ ရွေးချယ်ခံရတဲ့လူရည်ချွန်တွေဟာ အခြေခံပညာအဆင့်က လူရည်ချွန် တွေပဲဖြစ်ပါတယ်။ ဒီလူရည်ချွန်တွေမှာ အတန်းပညာအားဖြင့် ၉ တန်း၊ ၁၀ တန်း၊ ၁၁တန်းနဲ့ ၁၂ တန်းတွေ ပါဝင်ပါတယ်။ လူရည်ချွန်တွေ ရွေးချယ်တဲ့အခါ စာတော်ရုံတင်မက ဗဟုသုတပိုင်းမှာလည်း ကြွယ်ဝရပါမယ်။ အားကစားပိုင်းမှာလည်း ထူးချွန်ရပါမယ်။ အခုရွေးချယ်ခဲ့တဲ့ လူရည်ချွန်တွေဟာ ဘက်စုံထူးချွန်တဲ့ ကျောင်းသား၊ ကျောင်းသူတွေပဲဖြစ်ပါတယ်။ ဒါပေမယ့် လက်တွေ့ဘဝကို လျှောက်လှမ်းတဲ့အခါမှာ စာတော်ရုံတင်မက ပေါင်းသင်းဆက်ဆံ ရေးလည်း ကျွမ်းကျင်ရပါမယ်။
လူရည်ချွန်တွေစခန်းတွေကို လေ့လာရေးသွားတဲ့အခါမှာလည်း အသိပညာဗဟုသုတတွေနဲ့ ဒေသန္တရဗဟုသုတများစွာ ရရှိလာကြမှာဖြစ်ပါတယ်။ နောက်ပြီး တိုင်းပြည်နဲ့ လူမျိုးချစ်စိတ်တွေလည်း တိုးပွားလာလိမ့်မယ်လို့ မျှော်လင့်မိပါတယ်။ လက်ရှိတော့ လူရည်ချွန်တွေကို နေပြည်တော်စုရပ်စခန်းမှာ စုစည်းပြီး နေပြည်တော်က အထင်ကရနေရာတွေကို လေ့လာရေး ပို့ဆောင်ပေးနိုင်ခဲ့ပါတယ်။ ဒီနေ့လို အခမ်းအနားတွေပြုလုပ်ပေးခြင်းအားဖြင့် လူငယ်တွေအတွက် အသိပညာပိုင်းရော၊ ဉာဏ်ပညာပိုင်းရော ပြည့်စုံသွားမှာဖြစ်ပါတယ်။ ဒီလိုပြည့်စုံသွားရင် တိုင်းပြည်တိုးတက်ဖွံ့ဖြိုးရေးအတွက် များစွာအထောက်အကူပြုမှာဖြစ်ပါတယ်။
မောင်အောင်ကောင်းပြည့် (ဒွါဒသမတန်း၊ သုံးထပ်ကွမ်းလူရည်ချွန်၊ ရန်ကုန်တိုင်းဒေသကြီး)
ကျွန်တော်က လူရည်ချွန်သုံးထပ်ကွမ်းအထိရရှိအောင် ငယ်ငယ်ကတည်းက လူရည်ချွန်တစ်ယောက်ဖြစ်ဖို့ လိုအပ်တဲ့ ကာယကြံ့ခိုင်မှုနဲ့ အကျင့်စာရိတ္တကောင်းမွန်စေဖို့အတွက် သင်ယူခဲ့ပါတယ်။ နိုင်ငံတော်အကြီးအကဲရဲ့ ဩဝါဒခံယူမှုက လူရည်ချွန်မောင်မယ်တွေ အားလုံးအတွက် အလွန်အရေးပါလှပါတယ်။ ကျွန်တော်တို့က အနာဂတ်မှာ နိုင်ငံတော်ရဲ့တာဝန်တွေကို ပခုံးလွှဲပြောင်းတာဝန်ယူရမှာဖြစ်ပါတယ်။ အဲဒါကြောင့် နိုင်ငံတော်အကြီးအကဲရဲ့ ဩဝါဒခံယူမှုမှတစ်ဆင့် ဘဝမှာ သိသင့်သိထိုက်တဲ့ အကြောင်းအရာတွေ၊ လိုက်နာရမယ့် စိတ်နေစိတ်ထားတွေကို သိရှိခဲ့ပါတယ်။ ဝန်ကြီးဌာနတွေရဲ့ ပြခန်းတွေက ကျွန်တော်တို့အတွက် အကျိုးကျေးဇူးအများကြီးရရှိစေပါတယ်။ လူရည်ချွန်မောင်မယ်တွေအားလုံး ဝန်ကြီးဌာနတစ်ခုချင်းစီနဲ့သက်ဆိုင်တဲ့ ဆောင်ရွက်ချက်တွေကို သိရှိစေနိုင်တဲ့အတွက် အသိပညာဗဟုသုတ ရရှိစေတဲ့ ပွဲတစ်ခုလည်းဖြစ်ပါတယ်။ ကျွန်တော်က အနာဂတ်မှာ နိုင်ငံတော်ရဲ့ တာဝန်တွေကို တစ်ဖက်တစ်လမ်းကနေ တာဝန်ယူနိုင်တဲ့ ဆရာဝန်တစ်ယောက်ဖြစ်အောင် ကြိုးစားသွားမှာဖြစ်ပါတယ်။ ကျန်းမာရေးဝန်ကြီးဌာနရဲ့ပြခန်းမှာဆိုရင် စီနီယာလူရည်ချွန်ဆေးကျောင်းသား အစ်ကို၊ အစ်မတွေဆီက သိချင်တဲ့ မေးခွန်းလေးတွေ မေးဖြစ်ပါတယ်။ ညီလေး၊ ညီမလေးတွေ လူရည်ချွန်ဆိုတဲ့ ဂုဏ်ကိုထိန်းသိမ်းဖို့အတွက် လူရည်ချွန် ကျင့်ဝတ်လေးတွေကို လိုက်နာပြီး နိုင်ငံ့သားကောင်းတွေဖြစ်အောင် ကြိုးစားကြပါလို့ တိုက်တွန်းချင်ပါတယ်။
မောင်သာထက် (ဒွါဒသမတန်း၊ တစ်ထပ်ကွမ်းလူရည်ချွန်၊ မန္တလေးတိုင်းဒေသကြီး)
ကျွန်တော် လူရည်ချွန်တစ်ယောက်ဖြစ်ဖို့အတွက် စိတ်ဓာတ်ကြံ့ခိုင်မှု၊ ကိုယ်ကာယကြံ့ခိုင်မှု၊ အထွေထွေဗဟုသုတတွေကို ကြိုးစားခဲ့ရပါတယ်။ ဒီနေ့ဩဝါဒခံယူပွဲက ကျွန်တော်တို့အတွက် အကျိုးကျေးဇူးတွေ အများကြီးရရှိစေပါတယ်။ ကျွန်တော်တို့ လူငယ်တွေအပေါ်မှာ နိုင်ငံတော်အကြီးအကဲတွေရဲ့ အဆိုအမိန့်တွေဆိုတာက တန်ဖိုးထားထိုက်တဲ့ စကားတွေဖြစ်တဲ့အတွက် နားထဲစွဲမြဲနေအောင် မှတ်သားထားပါတယ်။ ဝန်ကြီးဌာနတွေရဲ့ ပြခန်းတွေကလည်း ကျွန်တော်တို့ရဲ့ အသိပညာတွေတိုးပွားဖို့အတွက် အထောက်အကူဖြစ်စေပါတယ်။ ကျွန်တော်က ပြခန်းတွေထဲမှာ သမဝါယမပြခန်းကို ပိုပြီး စိတ်ဝင်စားပါတယ်။ ကျွန်တော်က အနာဂတ်မှာ ဆရာဝန်တစ်ယောက် ဖြစ်ချင်တဲ့အတွက် ကျန်းမာရေးပြခန်းကိုလည်း လေ့လာဖြစ်ပါတယ်။ အဲဒီပြခန်းတွေကိုလေ့လာပြီး အနာဂတ်မှာ ကျွန်တော်တို့လူငယ်တွေ ဘယ်လိုပါဝင်အားဖြည့်ရမယ်၊ လူငယ်တွေရဲ့အခန်းကဏ္ဍက အရေးကြီးတယ်ဆိုတာကို သိရှိရပါတယ်။ ညီလေး၊ ညီမလေးတွေအနေနဲ့ လူရည်ချွန် တစ်ယောက်ဖြစ်အောင် ကြိုးစားပါ။ နိုင်ငံတော်ရဲ့ သားကောင်းရတနာ တစ်ယောက်ဖြစ်အောင် ကြိုးစားကြပါလို့ တိုက်တွန်းချင်ပါတယ်။
မသီရိထွန်း(ဧကာဒသမတန်း၊ နှစ်ထပ်ကွမ်းလူရည်ချွန်၊ မန္တလေးတိုင်းဒေသကြီး)
ဒီနေ့အခမ်းအနားကို တက်ရောက်ပြီး နိုင်ငံတော်ဝန်ကြီးချုပ်ရဲ့ ဩဝါဒစကားကို နားထောင်ခွင့်ရတဲ့အတွက် ကျွန်မအနေနဲ့ ဝမ်းသာဂုဏ်ယူမိပါတယ်။ နိုင်ငံတော်အကြီးအကဲရဲ့ ဩဝါဒစကားကိုခံယူပြီး နောင်တစ်ခေတ်ရဲ့ နိုင်ငံတော်တည်ဆောက်ရေးလုပ်ငန်းတွေမှာ တစ်ထောင့်တစ်နေရာကနေ ကြိုးစားပါဝင်သွားမှာဖြစ်ပါတယ်။ နိုင်ငံသားကောင်းတစ်ယောက်ဖြစ်အောင် ကြိုးစားသွားမယ်လို့လည်း ခံယူချက်ထားပါတယ်။ ဝန်ကြီးဌာနအလိုက် ပြခန်းတွေကို လေ့လာခွင့်ရတဲ့အတွက်လည်း ဗဟုသုတတွေ များစွာရရှိခဲ့ပါတယ်။ နည်းပညာဆိုင်ရာပြခန်းတွေကို လေ့လာခွင့်ရတဲ့အတွက်လည်း တိုးတက်ပြောင်းလဲနေတဲ့ ကမ္ဘာကြီးရဲ့နည်းပညာအသစ်အဆန်းတွေကို လေ့လာခွင့်ရခဲ့ပါတယ်။ လူရည်ချွန်ဖြစ်ဖို့ဆိုတာ လွယ်ကူတဲ့အရာတစ်ခု မဟုတ်ပါဘူး။ ကာယပိုင်းနဲ့ ဉာဏပိုင်းဆိုင်ရာတွေမှာ အားလုံးပြည့်စုံနေမှ လူရည်ချွန်ဖြစ်ခွင့်ရမှာဖြစ်ပါတယ်။ ဒါကြောင့် လူရည်ချွန်ဖြစ်ဖို့ဆိုရင် ငယ်ငယ်ကတည်းက အစဉ်မပြတ်ကြိုးစားနေရမှာဖြစ်ပါတယ်။
မဆုရည်ဝင်းထက်(ဒွါဒသမတန်း၊ တစ်ထပ်ကွမ်းလူရည်ချွန်၊ မကွေးတိုင်းဒေသကြီး)
ဒီနေ့အခမ်းအနားကို ကျွန်မအနေနဲ့ ပထမဆုံး တက်ရောက်ဖူးတာဖြစ်တဲ့အတွက် အလွန်ကိုစိတ်လှုပ်ရှားမိပါတယ်။ နောက်ပြီး နိုင်ငံတော်အကြီးအကဲရဲ့ဩဝါဒကို ခံယူရတဲ့အတွက်လည်း ဂုဏ်ယူဝမ်းမြောက်မိပါတယ်။ ဩဝါဒဆုံးမစကားတွေဟာ ကျွန်မတို့ဘဝအတွက် တန်ဖိုးမဖြတ်နိုင်တဲ့ အသိပညာဗဟုသုတတွေလည်း ရရှိခဲ့ပါတယ်။ ဝန်ကြီးဌာနပြခန်းတွေမှာလည်း နည်းပညာအသစ်အဆန်းတွေနဲ့ ကဏ္ဍပေါင်းစုံလင်စွာ ပါဝင်တဲ့အတွက် စုံစုံလင်လင်လေ့လာခွင့်ရခဲ့ပါတယ်။ လူရည်ချွန်တစ်ယောက်ဖြစ်ဖို့ ကျောင်းစာတွေကို သေချာကြိုးစားရတဲ့အပြင် ပြင်ပဗဟုသုတွေကိုလည်း အမြဲမပြတ်လေ့လာခဲ့ရပါတယ်။ နောင် မျိုးဆက်သစ်တွေအနေနဲ့လည်း ကျောင်းစာအပြင် ဘက်စုံထူးချွန်အောင် လေ့ကျင့်သင်ကြားပြီး လူရည်ချွန်ဖြစ်အောင် ကြိုးစားကြစေလိုပါတယ်။
မမြင့်မြတ်ကြည် (ဒွါဒသမတန်း၊ နှစ်ထပ်ကွမ်းလူရည်ချွန်၊ စစ်ကိုင်းတိုင်းဒေသကြီး)
ကျွန်မအနေနဲ့ နှစ်ထပ်ကွမ်းလူရည်ချွန်အဖြစ် နိုင်ငံတော်အကြီးအကဲရဲ့ ဩဝါဒခံယူပွဲကို တက်ရောက်ခွင့်ရတဲ့အတွက် များစွာဂုဏ်ယူမိပါတယ်။ ဝန်ကြီးဌာနအလိုက် ပြခန်းတွေကို ကြည့်ရှုခွင့်ရတဲ့အတွက်လည်း ပြင်ပဗဟုသုတများစွာ ရရှိပါတယ်။ လူရည်ချွန်တစ်ယောက်ဖြစ်ဖို့ အိမ်ကမိသားစုက အများကြီးထောက်ပံ့ခဲ့ပါတယ်။ ငယ်ငယ်ကတည်းက အထွေထွေ ဗဟုသုတတိုးပွားစေဖို့ သတင်းစာတွေ ဖတ်ပါတယ်။ ရုပ်မြင်သံကြားကလာတဲ့ သတင်းတွေကိုလည်း အမြဲမပြတ်ကြည့်ဖြစ်ပါတယ်။ ကျောင်းစာထူးချွန်အောင်လည်း ကြိုးစားခဲ့ရပါတယ်။ ကိုယ်ကာယပိုင်း ကြံ့ခိုင်အောင်လည်း သေချာလေ့ကျင့် ခဲ့ပါတယ်။ ဆရာ၊ ဆရာမတွေကလည်း ဂရုတစိုက်နဲ့ သင်ကြားပေးခဲ့ပါတယ်။ လူရည်ချွန်ဖြစ်ရတာ များစွာဂုဏ်ယူစရာကောင်းတဲ့အတွက် မောင်လေး၊ ညီမလေးတို့အနေနဲ့ ကြိုးစားကြပါလို့ အားပေး လိုပါတယ်။
နော်မိုးကဗျာမောင် (ဒသမတန်း၊ နှစ်ထပ်ကွမ်းလူရည်ချွန်၊ ကရင်ပြည်နယ်)
နိုင်ငံတော်က ကျွန်မတို့ လူရည်ချွန်မောင်မယ်တွေအတွက် ကျင်းပပေးတဲ့အခမ်းအနားကို တက်ရောက်ရတဲ့အတွက် များစွာပျော်ရွှင်ဝမ်းမြောက်မိပါတယ်။ ဒါကြောင့် ကိုယ့်ကိုယ်ကိုယ်လည်း ဂုဏ်ယူမိသလို နိုင်ငံတော်ဝန်ကြီးချုပ်ကိုလည်း အထူးပင်ကျေးဇူးတင်ရှိပါတယ်။ ကျွန်မတို့ လူရည်ချွန်တွေ အသိပညာတိုးပွားအောင် ဝန်ကြီးဌာနပြခန်းတွေ ခင်းကျင်းပြသပေးတဲ့အတွက်လည်း ဗဟုသုတများစွာ ရရှိခဲ့ပါတယ်။ ပြခန်းတာဝန်ရှိသူ တွေကလည်း ကဏ္ဍအလိုက် လူမှုရေး၊ ကျန်းမာရေး၊ စီးပွားရေး၊ ပညာရေးအားလုံးကို ရှင်းလင်းပြောကြားပေးတဲ့အတွက်လည်း သေချာသိရှိခွင့်ရခဲ့ပါတယ်။ လူရည်ချွန်ဆိုတာ အဘက်ဘက်က ထူးချွန်ရမှာဖြစ်ပါတယ်။ အားနည်းချက်မရှိအောင်ကို ကြိုးစားခဲ့ရပါတယ်။ လူရည်ချွန်ဖြစ်ချင်တဲ့ မောင်၊ ညီမလေးတွေ ကြိုးစားကြပါ။ တစ်ခါတလေမှာ စိတ်ပင်ပန်းမှုတွေ၊ ကျရှုံးချင်တဲ့စိတ်တွေ ဖြစ်ပေါ်လာတတ်ပါတယ်။ ဒီစိတ်တွေကို အကောင်းဆုံးကျော်လွှားပြီး ကြိုးစားကြပါ။ လူရည်ချွန်ဖြစ်ဖို့ဆိုရင် စိတ်ဓာတ် ခိုင်မာရပါမယ်။ ဒါကြောင့် ကိုယ့်တိုင်းဒေသကြီးနဲ့ ပြည်နယ်ဂုဏ်ကို ဆောင်နိုင်မယ့် လူရည်ချွန်ဖြစ်အောင် ကြိုးစားကြစေလိုပါတယ်။
တွေ့ဆုံမေးမြန်း - မျိုးဆက်သစ်
ဓာတ်ပုံ - နော်ပြည့်စုံ
Newspaper - 2749 items
၁၃၈၆ ခုနှစ်၊ ကဆုန်လဆန်း ၂ ရက် ၊ မေ ၉ ရက်၊ ကြာသပတေးနေ့။
Publisher: မြန်မာ့အလင်း/ May 09, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ ကဆုန်လဆန်း ၁ ရက် ၊ မေ ၈ ရက်၊ ဗုဒ္ဓဟူးနေ့။
Publisher: မြန်မာ့အလင်း/ May 08, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလကွယ်နေ့ ၊ မေ ၇ ရက်၊ အင်္ဂါနေ့။
Publisher: မြန်မာ့အလင်း/ May 07, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလပြည့်ကျော် ၁၃ ရက်၊ မေ ၆ ရက်၊ တနင်္လာနေ့။
Publisher: မြန်မာ့အလင်း/ May 06, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလပြည့်ကျော် ၁၂ ရက်၊ မေ ၅ ရက်၊ တနင်္ဂနွေနေ့။
Publisher: မြန်မာ့အလင်း/ May 05, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလပြည့်ကျော် ၁၁ ရက်၊ မေ ၄ ရက်၊ စနေနေ့။
Publisher: မြန်မာ့အလင်း/ May 04, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလပြည့်ကျော် ၁၀ ရက်၊ မေ ၃ ရက်၊ သောကြာနေ့။
Publisher: မြန်မာ့အလင်း/ May 02, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလပြည့်ကျော် ၉ ရက်၊ မေ ၂ ရက်၊ ကြာသပတေးနေ့။
Publisher: မြန်မာ့အလင်း/ May 02, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလပြည့်ကျော် ၈ ရက်၊ မေ ၁ ရက်၊ ဗုဒ္ဓဟူးနေ့။
Publisher: မြန်မာ့အလင်း/ May 01, 2024
Publication Date: 2024
Page: 32 pages
Language: မြန်မာ
Download၁၃၈၆ ခုနှစ်၊ တန်ခူးလပြည့်ကျော် ၆ ရက်၊ ဧပြီ ၂၉ ရက်၊ တနင်္လာနေ့။
Publisher: မြန်မာ့အလင်း/ April 29, 2024
Publication Date: 2024
Page: 32 pages
Language: မြန်မာ
Download