ပင်းတယမြို့နယ်၌ အရင်းမပျောက်ပံ့ပိုးငွေဖြင့် သွင်းအားစုမြေဩဇာများ ပေးအပ်

ပင်းတယမြို့နယ်၌ အရင်းမပျောက်ပံ့ပိုးငွေဖြင့် သွင်းအားစုမြေဩဇာများ ပေးအပ်

ပင်းတယ မတ် ၂၈

ရှမ်းပြည်နယ်(တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့နယ်သမဝါယမဦးစီး ဌာနသည် ပြည်နယ်အစိုးရမှရရှိသည့် ငွေလုံးငွေရင်းရန်ပုံငွေမှ အရင်းမပျောက်ပံ့ပိုးငွေဖြင့် သွင်းအားစု မြေဩဇာပေးအပ်ပွဲအခမ်းအနားကို ကျားကုန်းစံပြကျေးရွာ၊ အခြေခံပညာအထက်တန်းကျောင်း(ခွဲ)၌ ကျင်းပပြုလုပ်ခဲ့သည်။

အဆိုပါအခမ်းအနားတွင် ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့၊ အဖွဲ့ဝင်(၁)ဒုတိယ ဗိုလ်မှူးကြီး ဟိန်းထက်ဇော်က အဖွင့်အမှာစကားပြောကြားပြီးနောက် ပင်းတယမြို့နယ်သမဝါယမဦးစီး ဌာန၊ မြို့နယ်ဦးစီးမှူးက ကျားကုန်းစံပြကျေးရွာ၊ အောင်မြင်သစ်စိုက်ပျိုးရေးနှင့်အထွေထွေလုပ်ငန်း သမဝါယမအသင်းသားများသို့ ပံ့ပိုးပေးခဲ့မှုအခြေအနေများကို ရှင်းလင်းတင်ပြခဲ့သည်။

ဆက်လက်ပြီး ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့၊ အဖွဲ့ဝင်(၁) ဒုတိယဗိုလ်မှူးကြီး ဟိန်းထက်ဇော်နှင့်တာဝန်ရှိသူများက အသင်းသားတောင်သူများအား သွင်းအားစုမြေဩဇာများကို ပေးအပ်ခဲ့ကြပြီး အသင်းဥက္ကဋ္ဌက သွင်းအားစုမြေဩဇာများပေးအပ်ခြင်းနှင့်ပတ်သက်၍ ကျေးဇူးတင်စကား ပြန်လည်ပြောကြားခဲ့သည်။

အဆိုပါအခမ်းအနားသို့ ဓနုကိုယ်ပိုင်အုပ်ချုပ်ခွင့်ရဒေသစီမံအုပ်ချုပ်ရေးအဖွဲ့မှ အဖွဲ့ဝင်(၁)နှင့် တာဝန်ရှိသူများ၊ ဒေသအဆင့်ဌာနဆိုင်ရာများ၊ မြို့နယ်စီမံအုပ်ချုပ်မှုကော်မတီဥက္ကဋ္ဌနှင့်အဖွဲ့ဝင်များ၊ ဌာနဆိုင်ရာများ၊ မြို့နယ်သမဝါယမအသင်းစုဥက္ကဋ္ဌနှင့်အမှုဆောင်များ၊ ပင်းတယမြို့နယ်သမဝါယမဦးစီး ဌာနမှ တာဝန်ရှိသူများနှင့် သမဝါယမအသင်းသားတောင်သူများ  စုစုပေါင်း ၁၅၀ ဦး တက်ရောက်ခဲ့ပြီး အသင်းသားတောင်သူများ၏ စိုက်ပျိုးဧက ၁၆၆ ဧကအတွက် မြေဩဇာ ၃၂၂ အိတ်၊ စုစုပေါင်းငွေကျပ် ၂၇၇ သိန်းတန်ဖိုးရှိ သွင်းအားစုများ ထောက်ပံ့ပေးအပ်ခဲ့ကြောင်း သိရသည်။