မုသားစကားအထင်အမြင်လွဲမှား အမှန်တရားဖြင့်ထုတ်ဖော်ချေဖျက်
မုသားစကားအထင်အမြင်လွဲမှား အမှန်တရားဖြင့်ထုတ်ဖော်ချေဖျက်
Ministry of Information/ Naypyitaw / January 28, 2023
ဗြိတိန်နိုင်ငံအခြေစိုက် The Guardian သတင်းစာတွင် ၂၀၂၂ ခုနှစ် ဒီဇင်ဘာလ ၆ ရက်နေ့နှင့် ၉ ရက်နေ့တို့၌ဖော်ပြခဲ့သည့် အယ်ဒီတာ့အာဘော်နှင့် ဗြိတိန်နိုင်ငံခြားရေးဝန်ကြီးရေးသားသည့် ဆောင်းပါးတို့သည် မြန်မာနိုင်ငံနှင့်ပတ်သက်၍ မဟုတ်မမှန်ရေးသားချက်များပါဝင်နေသဖြင့် သတင်းစာကျင့်ဝတ်နှင့် မလျော်ကန်သောလုပ်ဆောင်မှုအဖြစ် စိတ်ပျက်ဖွယ်ရာ ကြားသိခဲ့ရပါသည်။ ဖော်ပြချက်တွင် မြန်မာနိုင်ငံအစိုးရအား ပြည်သူများ အထင်အမြင်လွဲမှားစေရန် ဖော်ညွှန်းရေးသားထားသည်ကို တွေ့ရသည်။
သတင်းစာများ၏ လုပ်ထုံးလုပ်နည်းကျင့်ဝတ် Coad of Conduct တို့အရ ထင်မြင်ယူဆချက် (opinion)များကို အယ်ဒီတာအနေဖြင့်လည်းကောင်း၊ ဆောင်းပါးရှင်အနေဖြင့်လည်းကောင်း လွတ်လပ်စွာရေးသားခွင့်ရှိသော်လည်း မှန်ကန်သောအချက်အလက်များနှင့် ရှုထောင့်ပေါင်းစုံမှ သုံးသပ်ချက်များကိုပါ ပေါင်းစပ်ဖော်ပြသင့်ဆိုသည့် သတင်းစာပညာ၏ သဘောတရားကို The Guardian သတင်းစာအနေဖြင့် သွေဖည်နေသည်ကို တွေ့ရပေသည်။ ထို့အပြင် အယ်ဒီတာ့အာဘော်နှင့်ဆောင်းပါးရှင်၏ မှားယွင်းသောအချက်အလက်များနှင့်ပတ်သက်၍ ကာယကံရှင် မြန်မာသံရုံး၏ ရှင်းလင်းတုံ့ပြန်ရေးသားပေးပို့မှုကို ငြင်းပယ်ခဲ့ခြင်းသည် သတင်းစာကျင့်ဝတ်၊ ဒီမိုကရေစီကျင့်ဝတ်များနှင့်မညီသည်ကို တွေ့ရပေသည်။
တစ်ချိန်သောကာလက လက်ဝဲသတင်းစာများက လူတန်းစားဘက်လိုက်ရမည်၊ ဝါဒစနစ်ဘက်လိုက်ရမည်ဟု ကြွေးကြော်နေချိန်တွင် အနောက်အရင်းရှင်စာနယ်ဇင်းများက ဘက်မလိုက်ရ၊ သမာသမတ်မျှတမှုရှိရမည်၊ မှန်ကန်ရမည်၊ လွတ်လပ်ရမည်ဟု သတင်းစာကျင့်ဝတ်ကို အခိုင်အမာကိုင်စွဲ၍ ကြွေးကြော်လုပ်ဆောင်ခဲ့ကြသည်။ လက်တွေ့တွင်မူ အရင်းရှင်နိုင်ငံများအလိုကျ ဘက်လိုက်ဖော်ပြရေးသားထုတ်လွှင့်နေကြသည်ကို တွေ့ရမည်ဖြစ်သည်။ ဒီမိုကရေစီအရေး၊ လူ့အခွင့်အရေး စသည့် ဆိုင်းဘုတ်များကိုထူ၍ အနောက်နိုင်ငံကြီးအချို့၏ အလိုမကျသည့်နိုင်ငံများအပေါ်တွင် မမှန်ကန်သော ဘက်လိုက်ထားသည့် အချက်အလက်၊ သဘောတရားများဖြင့် တစိုက်မတ်မတ် ထိုးနှက်တိုက်ခိုက်နေသည်ကို တွေ့ရမည်ဖြစ်သည်။
နိုင်ငံတော်စီမံအုပ်ချုပ်ရေးကောင်စီသည် ၂၀၀၈ ခုနှစ် ဖွဲ့စည်းပုံအခြေခံဥပဒေနှင့်အညီ နိုင်ငံကိုဥပဒေနှင့်အညီ စနစ်တကျတာဝန်ယူဆောင်ရွက်နေသော မြန်မာနိုင်ငံ၏ တစ်ခုတည်းသော တရားဝင်အစိုးရဖြစ်သည်။ မြန်မာနိုင်ငံ၌ ငြိမ်းချမ်းရေး၊ တည်ငြိမ်ရေး၊ တရားဥပဒေစိုးမိုးရေး၊ စစ်မှန်သောဒီမိုကရေစီစနစ်ဖော်ဆောင်ရေးနှင့် ပြည်သူများ၏ လူမှုစီးပွားဘဝများကို အာမခံချက်ပေးနိုင်ရေးတို့အတွက် အပြည့်အဝတာဝန်ယူဆောင်ရွက်လျက်ရှိသည်။ CRPH ၊ NUG နှင့် ၎င်းတို့၏လက်ဝေခံ PDF တို့သည် ပြည်ပရောက်နိုင်ငံရေးသမားများနှင့် အစွန်းရောက်များဖြင့်ဖွဲ့စည်းထားသည့် အကြမ်းဖက်အဖွဲ့အစည်းများသာဖြစ်သည်။ ၎င်းတို့သည် နိုင်ငံတော်ငြိမ်းချမ်းရေးနှင့် တည်ငြိမ်ရေးကို အနှောင့်အယှက်ပြုရန်နှင့် ပြည်သူပြည်သားများကြောက်ရွံ့မှုဖြစ်စေရန် အပြစ်မဲ့ပြည်သူများအား သတ်ဖြတ်တိုက်ခိုက်မှုများပြုလုပ်နေသည်။
၂၀၂၁ ခုနှစ် ဖေဖော်ဝါရီလမှ ၂၀၂၂ ခုနှစ် နိုဝင်ဘာလ ၃၀ ရက်နေ့အထိ အဆိုပါ အကြမ်းဖက်အဖွဲ့များ၏လုပ်ရပ်များကြောင့် အပြစ်မဲ့ပြည်သူ ၄၅၄၃ ဦး သေဆုံးခဲ့သည်။ နိုင်ငံတည်ငြိမ်အေးချမ်းရေးနှင့် တရားဥပဒေစိုးမိုးရေးအတွက် လုံခြုံရေးအဖွဲ့အစည်းများက ကာကွယ်စောင့်ရှောက်ခဲ့ရာတွင် အကြမ်းဖက်အဖွဲ့များထံမှ သိမ်းဆည်းရမိသည့် လက်နက်ခဲယမ်းများနှင့် ပေါက်ကွဲစေတတ်သောပစ္စည်းများသည် ရဟန်းသံဃာတော်များ၊ အစိုးရဝန်ထမ်းများ၊ ဆရာ ဆရာမများ၊ ကျန်းမာရေးဝန်ထမ်းများ၊ မတူကွဲပြားသည့် နိုင်ငံရေးပါတီဝင်များအား ရက်စက်စွာလုပ်ကြံသတ်ဖြတ်ခဲ့သည့် သက်သေအထောက်အထားများဖြစ်သည်။ နိုင်ငံတော်အစိုးရသည် နိုင်ငံတော်တည်ငြိမ်အေးချမ်းရေး၊ ဖွံ့ဖြိုးတိုးတက်ရေးကို တစိုက်မတ်မတ်ကြိုးပမ်းဆောင်ရွက်နေချိန်တွင် အကြမ်းဖက်မှုဥပဒေကို ကြီးမားစွာဖောက်ဖျက်ခဲ့သည့် အကြမ်းဖက်သမားများကို သေဒဏ်ချမှတ်ခဲ့သလို လူသားချင်းစာနာထောက်ထားသောအားဖြင့် နိုင်ငံခြားသားများအပါအဝင် အကျဉ်းသားများကို လွတ်ငြိမ်းခွင့်ပေးခဲ့သည်။
သို့သော် The Guardian သတင်းစာတွင်သာမက အနောက်နိုင်ငံအခြေစိုက် မီဒီယာများတွင်ဖော်ပြကြသည်မှာ မြန်မာနိုင်ငံ၏ ပကတိဖြစ်စဉ်အမှန်များနှင့် လွဲမှားစွာဖော်ပြကြပြီး ပြည်သူများ အထင်အမြင်လွဲမှားစေရန်နှင့် အနောက်နိုင်ငံများ၏မူဝါဒကို အကောင်အထည်ဖော်သည့်အနေဖြင့် မြန်မာနိုင်ငံအား ပစ်မှတ်ထားတိုက်ခိုက်နေခြင်းဖြစ်ရာ မုသားစကားအထင်အမြင်လွဲမှားမှုများအား အမှန်တရားများဖြင့် ထုတ်ဖော်ချေဖျက်သွားရမည်သာဖြစ်ပါကြောင်း။ ။
ကြေးမုံအယ်ဒီတာ့အာဘော်
Newspaper - 2736 items
၁၃၈၆ ခုနှစ်၊ တန်ခူးလပြည့်ကျော် ၂ ရက်၊ ဧပြီ ၂၅ ရက်၊ ကြာသပတေးနေ့။
Publisher: မြန်မာ့အလင်း/ April 25, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလပြည့်ကျော် ၁ ရက် ၊ ဧပြီ ၂၄ ရက်၊ ဗုဒ္ဓဟူးနေ့။
Publisher: မြန်မာ့အလင်း/ April 24, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလပြည့်နေ့ ၊ ဧပြီ ၂၃ ရက်၊ အင်္ဂါနေ့။
Publisher: မြန်မာ့အလင်း/ April 23, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလဆန်း ၁၄ ရက် ၊ ဧပြီ ၂၂ ရက်၊ တနင်္လာနေ့။
Publisher: မြန်မာ့အလင်း/ April 22, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလဆန်း ၈ ရက် ၊ ဧပြီ ၁၆ ရက်၊ အင်္ဂါနေ့။
Publisher: မြန်မာ့အလင်း/ April 16, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလဆန်း ၇ ရက် ၊ ဧပြီ ၁၅ ရက်၊ တနင်္လာနေ့။
Publisher: မြန်မာ့အလင်း/ April 15, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလဆန်း ၆ ရက် ၊ ဧပြီ ၁၄ ရက်၊ တနင်္ဂနွေနေ့။
Publisher: မြန်မာ့အလင်း/ April 14, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလဆန်း ၅ ရက် ၊ ဧပြီ ၁၃ ရက်၊ စနေနေ့။
Publisher: မြန်မာ့အလင်း/ April 13, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလဆန်း ၄ ရက် ၊ ဧပြီ ၁၂ ရက်၊ သောကြာနေ့။
Publisher: မြန်မာ့အလင်း/ April 12, 2024
Publication Date: 2024
Page: 32 pages
Language: မြန်မာ
Download၁၃၈၅ ခုနှစ်၊ တန်ခူးလဆန်း ၃ ရက် ၊ ဧပြီ ၁၁ ရက်၊ ကြာသပတေးနေ့။
Publisher: မြန်မာ့အလင်း/ April 11, 2024
Publication Date: 2024
Page: 32 pages
Language: မြန်မာ
Download