ကရင်ပြည်နယ်၊ ဘားအံမြို့နယ်၌ မော်တော်ဆိုင်ကယ် နှစ်စီး တိုက်မိမှုဖြစ်ပွား၍ အမျိုးသား တစ်ဦး ဒဏ်ရာရရှိ

ကရင်ပြည်နယ်၊ ဘားအံမြို့နယ်၌ မော်တော်ဆိုင်ကယ် နှစ်စီး တိုက်မိမှုဖြစ်ပွား၍ အမျိုးသား တစ်ဦး ဒဏ်ရာရရှိ

     ၂၀၂၅ ခုနှစ်၊ မတ် ၁၉ ရက်က ကရင်ပြည်နယ်၊ ဘားအံမြို့နယ်တွင် မော်တော်ဆိုင်ကယ် နှစ်စီး တိုက်မိမှုဖြစ်ပွားခဲ့၍ အမျိုးသား တစ်ဦး ဒဏ်ရာရရှိခဲ့ကြောင်း သိရသည်။
    ဖြစ်စဉ်မှာ ၂၀၂၅ ခုနှစ်၊ မတ် ၁၉ ရက် ညနေ ၅ နာရီ ၄၀ မိနစ်တွင် ကရင်ပြည်နယ်၊ ဘားအံမြို့နယ်၊ သာယာကုန်းကျေးရွာလမ်းဆုံ၌ မော်တော်ဆိုင်ကယ်တိုက်မှုဖြစ်ပွားကြောင်း သတင်းအရ သာယာကုန်းရဲကင်းစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ အဆိုပါကျေးရွာနေ အောင်သူရ(၁၇)နှစ်သည် Honda Dream ဆိုင်ကယ်အား ကျေးရွာလမ်းမကြီးအတိုင်း မောင်းနှင်လာစဉ် တစ်ရွာတည်းနေ အဒေါင်းစိန်(၆၀)နှစ်က Honda Wave I ဆိုင်ကယ်အား လမ်းသွယ်မှ လမ်းမကြီးပေါ်သို့ တက်ရောက်မောင်းနှင်ရာမှ ဆိုင်ကယ် နှစ်စီး တိုက်မိမှုဖြစ်ပွားခဲ့ပြီး အောင်သူရတွင် ဒဏ်ရာများရရှိခဲ့သောကြောင့် အဒေါင်းစိန်အား အိန္ဒုနယ်မြေရဲစခန်း ယာဉ်(ပ)၂/၂၀၂၅၊ ရာဇသတ်ကြီး ပုဒ်မ ၃၃၇/ ၃၃၈ ဖြင့် အမှုဖွင့်အရေးယူထားကြောင်း သတင်းရရှိသည်။