ဌာနစုမှူး(၂)/ တတိယအတွင်းဝန်ရာထူးဝင်ခွင့်စာမေးပွဲအထောက်အကူပြုသင်တန်း ဖွင့်ပွဲကျင်းပ

ဌာနစုမှူး(၂)/ တတိယအတွင်းဝန်ရာထူးဝင်ခွင့်စာမေးပွဲအထောက်အကူပြုသင်တန်း ဖွင့်ပွဲကျင်းပ

(၁၁-၈-၂၀၂၅ ရက်၊ နေပြည်တော်)

နိုင်ငံခြားရေးဝန်ကြီးဌာန၊ မဟာဗျူဟာလေ့လာရေးနှင့်လေ့ကျင့်ရေးဦးစီးဌာန၏ စီစဉ်မှုဖြင့် ဌာနစုမှူး(၂)/ တတိယအတွင်းဝန် ရာထူးဝင်ခွင့်စာမေးပွဲ အထောက်အကူပြုသင်တန်း ဖွင့်ပွဲကို ၁၁-၈-၂၀၂၅ ရက် (တနင်္လာနေ့)၊ နေ့လယ် (၁:၀၀)နာရီတွင် နိုင်ငံခြားရေးဝန်ကြီးဌာန၊ နေပြည်တော်ရှိ လောကနတ်ခန်းမ၌ ကျင်းပပြုလုပ်ခဲ့ရာ နိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးဟောက်ခန့်ဆုမ်း တက်ရောက်၍ အဖွင့်အမှာစကားပြောကြားခဲ့သည်။ ပြည်ထောင်စုရာထူးဝန်အဖွဲ့က ခေါ်ယူသော ဌာနစုမှူး-၂/တတိယအတွင်းဝန် ရာထူးဝင်ခွင့် စာမေးပွဲဖြေဆိုကြမည့် နိုင်ငံခြားရေးဝန်ကြီးဌာနမှ အမှုထမ်းများ ကြိုတင်ပြင်ဆင်လေ့လာရာ၌ အထောက်အကူပြုနိုင်ရန် ရည်ရွယ်ဖွင့်လှစ်သည့် အဆိုပါသင်တန်းသို့ နိုင်ငံခြားရေးဝန်ကြီးဌာန (နေပြည်တော်နှင့် ရန်ကုန်)၊ မြန်မာသံရုံး၊ အဖွဲ့ရုံး၊ ကောင်စစ်ဝန်ချုပ်ရုံးများမှ အမှုထမ်း စုစုပေါင်း (၁၆၃) ဦး တက်ရောက်ခဲ့ကြသည်။ ဝန်ကြီးဌာနတွင်း ရက်သတ္တ (၂) ပတ်ကြာ အချိန်ပိုင်း ဖွင့်လှစ် သည့် အဆိုပါ ရာထူးဝင်ခွင့်စာမေးပွဲ အထောက်အကူပြုသင်တန်းတွင် မြန်မာစာ၊ အင်္ဂလိပ်စာနှင့် အထွေထွေဗဟုသုတဘာသာရပ်များ သင်ကြားပို့ချသွားမည်ဖြစ်ကြောင်း သိရှိရပါသည်။