ဒုတိယဝန်ကြီး ဦးရဲတင့် မန္တလေးမြို့ရှိ ပြန်ကြားရေးဝန်ကြီးဌာနအောက်မှ အရာထမ်း၊ အမှုထမ်းများအားတွေ့ဆုံ

ဒုတိယဝန်ကြီး ဦးရဲတင့် မန္တလေးမြို့ရှိ ပြန်ကြားရေးဝန်ကြီးဌာနအောက်မှ အရာထမ်း၊ အမှုထမ်းများအားတွေ့ဆုံ

နေပြည်တော် ဇွန် ၁၀

ပြန်ကြားရေးဝန်ကြီးဌာန ဒုတိယဝန်ကြီး ဦးရဲတင့်သည် ယမန်နေ့မွန်းလွဲပိုင်းက မန္တလေးမြို့ရှိ ပုံနှိပ်ရေးနှင့်ထုတ်ဝေရေးဦးစီးဌာန ပုံနှိပ်စက်ရုံသို့ရောက်ရှိပြီး ငလျင်ဒဏ်ကြောင့် အဆောက်အအုံထိခိုက်မှုများအား ပြင်ဆင်ဆောင်ရွက်နေမှုကို ကြည့်ရှုစစ်ဆေးပြီး လိုအပ်သည်များ မှာကြားသည်။

ထို့နောက် မဟာအောင်မြေမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးနှင့် စာကြည့်တိုက်သို့ ရောက်ရှိပြီး ငလျင်ဒဏ်ကြောင့် အုတ်နံရံပြိုကျပျက်စီးမှုနှင့် အဆောက်အအုံထိခိုက်မှုအား ကြည့်ရှုစစ်ဆေးကာ ခွင့်ပြုငွေချထားပေးပြီးဖြစ်၍ လုပ်ထုံးလုပ်နည်းနှင့်အညီ တင်ဒါခေါ်ယူအမြန်ပြုပြင်ရန် မှာကြားသည်။

ယင်းနောက် မန္တလေးတိုင်းဒေသကြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၌ မန္တလေးမြို့ရှိ ပြန်ကြားရေးဝန်ကြီးဌာနအောက်မှ အရာထမ်း၊ အမှုထမ်းများအားတွေ့ဆုံ၍ လုပ်ငန်းဆိုင်ရာများနှင့် ဝန်ထမ်းရေးရာ များမှာကြားကာ စားသောက်ဖွယ်ရာများနှင့် ဂုဏ်ပြုထောက်ပံ့ငွေများ ပေးအပ်သည်။

ယနေ့ နံနက်ပိုင်းတွင် ဒုတိယဝန်ကြီးသည် မန္တလေးမြို့ရှိ နန်းမြို့အမှတ်(၁၈) အခြေခံပညာအထက် တန်းကျောင်း၌ ဆရာ ဆရာမများနှင့် ကျောင်းသားကျောင်းသူများ အားတွေ့ဆုံ၍ ပညာကြိုးစားသင်ယူရေး၊ စာတတ်မြောက်ရုံသာမက ဘက်စုံထူးချွန်သူများ၊ ဗလငါးတန် ပြည့်ဝသူများ၊ နိုင်ငံတော်က အားထားရသည့် လူငယ်များ၊ အနာဂတ် ခေါင်းဆောင်ကောင်းများဖြစ်အောင် ပြုစုပျိုးထောင်ရေး၊ အသိပညာတိုးတက်ပြည့်ဝရေးအတွက် စာပေလေ့လာဖတ်ရှုရေး၊ အမျိုးသားစည်းကမ်းအစ စာသင်ကျောင်းကဆိုသည့်အတိုင်း စည်းကမ်းကောင်းပြီး ဥပဒေကိုလေးစား လိုက်နာတတ်သည့် နိုင်ငံ့သားကောင်းများဖြစ်အောင် ကြိုးစားကြရေး၊ မူးယစ်ဆေးဝါး၊ ဆေးလိပ်၊ ကွမ်းယာ၊ အရက်စသည်တို့ကို ငယ်စဉ်ကတည်းက ရှောင်ရှားပြီး ကျန်းမာကြံ့ခိုင်အောင် ကြိုးစားရေး၊ မိဘဆရာများ၏ ကျေးဇူးကို သိရှိနားလည်ပြီး နိုင်ငံတော်အပေါ် သစ္စာစောင့်သိတတ်သည့် ယဉ်ကျေးလိမ္မာ လူတော်လူကောင်းများ ဖြစ်စေရေး ဆွေးနွေးမှာကြားသည်။

ဆက်လက်၍ အမှတ်(၁၈) အခြေခံပညာအထက်တန်းကျောင်းမှ တက္ကသိုလ်ဝင်စာမေးပွဲ ပြန်လည်ဖြေဆိုမည့် ကျောင်းသား ကျောင်းသူများအား တွေ့ဆုံ အားပေးသည်။ ထို့နောက် ကျောင်း စာကြည့်တိုက်အတွက် စာအုပ်စာစောင်များ၊ အားကစားနှင့်လူငယ်ရေးရာဝန်ကြီးဌာနမှ ပေးအပ်သော အားကစားပစ္စည်းများအား ပေးအပ်လှူဒါန်းပြီး ကျောင်းစာကြည့်တိုက်နှင့် စာသင်ကြားနေမှုများကို ကြည့်ရှုအားပေးသည်။

ထို့နောက် အောင်မြေသာစံ မြို့နယ်မြို့နယ်ရုံးနှင့် စာပေဗိမာန်စာကြည့်တိုက်၊ စာအုပ်အရောင်းဆိုင်တို့ကို ကြည့်ရှုစစ်ဆေးပြီး ငလျင်ဒဏ်ကြောင့် ထိခိုက်မှုများပြုပြင်ရေးနှင့် အန္တရာယ်မဖြစ်စေရေး ဂရုစိုက်ရန်တို့ကို မှာကြား သည်။

ယင်းနောက် ပြည်ကြီးတံခွန်မြို့နယ်ရှိ မန္တလေးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးသို့ ရောက်ရှိပြီး ငလျင်ဒဏ်ကြောင့် ထိခိုက်ပျက်စီးမှုအား ကြည့်ရှုစစ်ဆေးကာ အမြန်ပြန်လည်ပြုပြင်နိုင်ရေးနှင့် မပြုပြင်မီကာလ အန္တရာယ်မဖြစ်အောင် လုပ်ဆောင်ရေးတို့ကိုမှာကြားပြီး ဝန်ထမ်းများအား စားသောက်ဖွယ်ရာများ လက်ဆောင်ပေးအပ်ခဲ့သည်။

သတင်းစဉ်