ပဲခူးတိုင်းဒေသကြီး၊ ရေတာရှည်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ပဲခူးတိုင်းဒေသကြီး၊ ရေတာရှည်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ ဧပြီ ၉ ရက်က ပဲခူးတိုင်းဒေသကြီး၊ ရေတာရှည်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။
     ဖြစ်စဉ်မှာ ဧပြီ ၉ ရက် ည‌နေ ၆ နာရီ ၃၀ မိနစ်တွင် ပဲခူးတိုင်းဒေသကြီး၊ ရေတာရှည်မြို့နယ်၊ ဆွာတိုးဂိတ်အနီး ရန်ကုန်-မန္တလေးလမ်းဟောင်း မိုင်တိုင်အမှတ် ၁၈၂ မိုင် ၄ ဖာလုံနှင့် ၅ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ဆွာနယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ရေတာရှည်မြို့မှ ဆွာမြို့ဘက်သို့ မန္တလေးတိုင်းဒေသကြီး၊ ကျောက်ဆည်မြို့နယ်၊ ပေါက်ကုန်းကျေးရွာနေ လှိုင်မင်းထက်(၃၄)နှစ် မောင်းနှင်ပြီး မြင်စိုင်း(လယ်)ကျေးရွာနေ ဇော်ထက် (၂၂)နှစ် လိုက်ပါလာသည့် MDY-12/7M-XXXX NISSAN DIESEL ၂၂ ဘီးတွဲ မော်တော်ယာဉ်သည် အခင်းဖြစ်နေရာအရောက်၌ တိုးဂိတ်အား ကတ္တားတက်ရန် စောင့်ဆိုင်းနေပြီး ဇော်ထက်မှ ယာဉ်နောက်ပိုင်းရှိ မိုးကာအားချည်နှောင်နေစဉ် လားရာတူနောက်မှ ချမ်းမြသာစည်မြို့နယ်၊ ကံသာယာ ရပ်ကွက်နေ ဟိန်းထက်အောင်(၂၈)နှစ် မောင်းနှင်ပြီး တမ္ပဝတီရပ်ကွက်နေ ညီညီဇော်(၃၄)နှစ် လိုက်ပါလာသည့် MDY-12/3E-XXXX FOTON AUMAN ၂၂ ဘီးတွဲ မော်တော်ယာဉ်သည် တိုးဂိတ်အနီးအရောက်၌ အရှိန်မထိန်းနိုင်ဘဲ ဇော်ထက် အား  ဝင်ရောက်တိုက်မိခဲ့သဖြင့် ဇော်ထက်တွင် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် ဟိန်းထက်အောင် အား ဆွာနယ်မြေရဲစခန်း ယာဉ်(ပ) ၄/၂၀၂၆၊ ရာဇသတ်ကြီးပုဒ်မ ၃၀၄-က/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။