ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၌ ယာဉ်တိုက်မှုဖြစ်ပွားပြီး အမျိုးသား တစ်ဦး သေဆုံး

ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၌ ယာဉ်တိုက်မှုဖြစ်ပွားပြီး အမျိုးသား တစ်ဦး သေဆုံး

     ၂၀၂၅ ခုနှစ်၊ ဖေဖော်ဝါရီ ၄ ရက်က ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၌ ယာဉ်တိုက်မှုဖြစ်ပွားပြီး အမျိုးသား တစ်ဦး သေဆုံးခဲ့ကြောင်း သိရသည်၊။
     ဖြစ်စဉ်မှာ ၂၀၂၅ ခုနှစ်၊ ဖေဖော်ဝါရီ ၄ ရက် ညနေ ၆ နာရီ ၁၅ မိနစ်တွင် ပြည်ထောင်စုနယ်မြေ၊ နေပြည်တော်၊ ဥတ္တရသီရိမြို့နယ်၊ မင်းကုန်းကျေးရွာအနီး ပျဉ်းမနား-တောင်ညိုကားလမ်း မိုင်တိုင်အမှတ် ၁၆ မိုင် ၇ ဖာလုံနှင့် ၁၇ မိုင်အကြား၌ တောင်ညိုမှ နေပြည်တော်သို့ မင်းကုန်းကျေးရွာနေ ဦးလှခိုင် (၅၃)နှစ် မောင်းနှင်လာသော Luojia 110 ဆိုင်ကယ်သည် ယာဉ်ကြောမရှင်းဘဲ ဝဲဘက်သို့ ချိုးကွေ့ မောင်းနှင်စဉ် နေပြည်တော်မှ တောင်ညိုသို့ မကွေးမြို့၊ အောင်မေတ္တာရပ်ကွက်နေ ဦးအေဒီဝင်း(၃၉)နှစ် မောင်းနှင်လာသော YGN-12 5L/XXXX HONDA FIT SHUTTLE မော်တော်ယာဉ်အား အရှိန်မထိန်းနိုင်ဘဲ မျက်နှာချင်းဆိုင် ဝင်ရောက်တိုက်မိခဲ့သဖြင့် ဦးလှခိုင်တွင် ဒဏ်ရာများရရှိခဲ့သောကြောင့် နေပြည်တော်ခုတင် (၁၀၀၀)ဆေးရုံကြီးတွင် ဆေးဝါးကုသမှုခံယူနေစဉ် သေဆုံးသွားခဲ့သဖြင့် လှခိုင်အား တောင်ညိုနယ်မြေရဲစခန်း ယာဉ်(ပ)၁/၂၀၂၅၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိသည်။