မကွေးတိုင်းဒေသကြီး၊ မကွေးမြို့နယ်၊ ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ ကျိုက်ထိုမြို့နယ်တို့၌ လိုင်စင်မဲ့ မော်တော်ယာဉ် သုံးစီး ဖမ်းဆီးအရေးယူ

မကွေးတိုင်းဒေသကြီး၊ မကွေးမြို့နယ်၊ ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ ကျိုက်ထိုမြို့နယ်တို့၌ လိုင်စင်မဲ့ မော်တော်ယာဉ် သုံးစီး ဖမ်းဆီးအရေးယူ

     ၂၀၂၆ ခုနှစ်၊ ဖေဖော်ဝါရီ ၁၄ ရက်နှင့် ၁၅ ရက်က မကွေးတိုင်းဒေသကြီး၊ မကွေးမြို့နယ်၊ ရှမ်းပြည်နယ်၊ ညောင်ရွှေမြို့နယ်နှင့် မွန်ပြည်နယ်၊ ကျိုက်ထိုမြို့နယ်တို့၌ လိုင်စင်မဲ့ မော်တော်ယာဉ် သုံးစီး ဖမ်းဆီးအရေးယူထားကြောင်း သိရသည်။
       ဖြစ်စဉ်မှာ ဖေဖော်ဝါရီ ၁၄ ရက် နံနက် ၁၀ နာရီ ၃၀ မိနစ်တွင် မကွေးတိုင်းဒေသကြီး၊ မကွေးမြို့နယ်၊ အောင်ရတနာရပ်ကွက်၊ မြို့ပတ်လမ်း၌ မကွေးနယ်မြေရဲစခန်းမှ တပ်ဖွဲ့ဝင်များက မော်တော်ယာဉ်စစ်ဆေးခြင်းများ ဆောင်ရွက်နေစဉ် ရခိုင်ပြည်နယ်၊ ကျောက်တော်မြို့နယ်၊ သင်္ဂနက် ကျေးရွာနေ နေရဲလင်း(၂၈)နှစ် မောင်းနှင်လာသည့် NPW-2/5P-XXXX NISSAN EXTRAIL မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထား တစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် နေရဲလင်း အား မကွေးနယ်မြေရဲစခန်း (ပ)၁၄/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။
      အလားတူ ဖေဖော်ဝါရီ ၁၅ ရက် နံနက် ၁၀ နာရီ ၃၀ မိနစ်တွင် ရှမ်းပြည်နယ်၊ ညောင်ရွှေ မြို့နယ်၊ ရွှေလဖုန်းကျေးရွာ၊ ညောင်ရွှေ-မိုင်းသောက်သွားကားလမ်း၌ ညောင်ရွှေမြို့မရဲစခန်းမှ တပ်ဖွဲ့ဝင်များက မော်တော်ယာဉ်စစ်ဆေးခြင်းများ ဆောင်ရွက်နေစဉ် ညောင်ရွှေမြို့မှ မိုင်းသောက် ကျေးရွာဘက်သို့ အေးသာယာမြို့၊ အမှတ်(၆)ရပ်ကွက်နေ သောင်းထွန်းဝင်း(၃၀)နှစ် မောင်းနှင် လာသည့် SHN-6/4E-XXXX TOYOTA PROBOX မော်တော်ယာဉ်အား ရပ်တန့်စစ်ဆေးခဲ့ရာ အဆိုပါ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် သောင်းထွန်းဝင်း အား ညောင်ရွှေမြို့မရဲစခန်း (ပ)၂၀/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။
       ထို့အတူ ည ၇ နာရီ ၃၀ မိနစ်တွင် မွန်ပြည်နယ်၊ ကျိုက်ထိုမြို့နယ်၊ မုပ္ပလင်လမ်းဆုံ စစ်ဆေးရေးဂိတ်၌ ကျိုက်ထိုခရိုင်ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့က မော်တော်ယာဉ် စစ်ဆေးခြင်းများ ဆောင်ရွက်နေစဉ် ကရင်ပြည်နယ်၊ မြဝတီမြို့နယ်၊ ရဲစိုက်ခင်းရပ်ကွက်နေ ဇင်မင်းထိုက်(ခ)တောသား(၂၃)နှစ် မောင်းနှင်လာသည့် YGN-33/1I-XXXX MITSUBISHI CANTER မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထား တစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ဇင်မင်းထိုက်(ခ)တောသား အား သိမ်ဇရပ်နယ်မြေရဲစခန်း (ပ)၃၆/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အသီးသီး အမှုဖွင့်အရေးယူထားကြောင်း သတင်းရရှိပါသည်။