မန္တလေးတိုင်းဒေသကြီး၊ ပြည်ကြီးတံခွန်မြို့နယ်၌ မူးယစ်ဆေးဝါးများ ဖမ်းဆီးရမိ

မန္တလေးတိုင်းဒေသကြီး၊ ပြည်ကြီးတံခွန်မြို့နယ်၌ မူးယစ်ဆေးဝါးများ ဖမ်းဆီးရမိ

     ၂၀၂၆ ခုနှစ်၊ ဖေဖော်ဝါရီ ၁၇ ရက် နံနက် ၁ နာရီ ၃၀ မိနစ်တွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ မန္တလေးတိုင်း ဒေသကြီး၊ ပြည်ကြီးတံခွန်မြို့နယ်၊ သင်ပန်းကုန်းရပ်ကွက်နေ ကျော်စွာဝင်း(ခ)ထွေးပို(၄၀)နှစ်၏ နေအိမ်အား ဝင်ရောက်ရှာဖွေခဲ့ရာ ၎င်းထံမှ ဘိန်းဖြူ ၀ ဒသမ ၀၁ ဂရမ်(တစ်ဂရမ်လျှင် ငွေကျပ် ၃၀,၀၀၀ နှုန်းဖြင့် ၎င်းဒေသကာလတန်ဖိုးငွေ ၃၀၀ ကျပ်)အား ဖမ်းဆီးရမိခဲ့ကြောင်း။

     ကွင်းဆက်စစ်ဆေးပေါ်ပေါက်ချက်အရ ၎င်းနှင့်အတူ ဖြိုးဝေအောင်(ခ)အောင်အောင်တို့ ငှားရမ်းနေထိုင်သည့် ပြည်ကြီးတံခွန်မြို့နယ်၊ (စ)ရပ်ကွက်ရှိ နေအိမ်အား နံနက် ၂ နာရီတွင် ဆက်လက် သွားရောက်ရှာဖွေခဲ့ရာ ဖြိုးဝေအောင်(ခ)အောင်အောင်(၂၅)နှစ်အား နေအိမ်၌ တွေ့ရှိခြင်းမရှိဘဲ နေအိမ်အတွင်းမှ စိတ်ကြွရူးသွပ်ဆေးပြား ၂၆,၆၀၀ ပြား (တစ်ပြားလျှင် ငွေကျပ် ၂,၀၀၀ နှုန်းဖြင့် ၎င်းဒေသကာလတန်ဖိုး ငွေကျပ် ၅၃၂ သိန်း)၊ စိတ်ကြွရူးသွပ်ဆေးပြားအကြေမှုန့် ၃၂၀ ဂရမ် (တစ်ဂရမ်လျှင် ငွေကျပ် ၁၅,၀၀၀ နှုန်းဖြင့် ၎င်းဒေသကာလတန်ဖိုး ငွေကျပ် ၄၈ သိန်း)၊ ဘိန်းဖြူ ၃၈၇ ဂရမ် (တစ်ဂရမ်လျှင် ငွေကျပ် ၃၀,၀၀၀ နှုန်းဖြင့် ၎င်းဒေသကာလတန်ဖိုး ငွေကျပ် ၁၁၆ သိန်း ၁ သောင်း)နှင့် ဘိန်းဆီခဲ ၁ ကီလို(တစ်ကီလိုလျှင် ငွေကျပ် ၁၈ သိန်းနှုန်းဖြင့် ၎င်းဒေသကာလတန်ဖိုး ငွေကျပ် ၁၈ သိန်း) တို့အား ဖမ်းဆီးရမိသဖြင့် ကျော်စွာဝင်း(ခ)ထွေးပိုနှင့် ဖြိုးဝေအောင်(ခ)အောင်အောင် (ဖမ်းဆီးရန်ကျန်)တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။