မန္တလေးတိုင်းဒေသကြီး၊ တံတားဦးမြို့နယ်၌ ဆိုင်ကယ်တိမ်းမှောက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦးတို့ ထိခိုက်ဒဏ်ရာရရှိ

မန္တလေးတိုင်းဒေသကြီး၊ တံတားဦးမြို့နယ်၌ ဆိုင်ကယ်တိမ်းမှောက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦးတို့ ထိခိုက်ဒဏ်ရာရရှိ

     ၂၀၂၅ ခုနှစ်၊ အောက်တိုဘာ ၃၀ ရက်က မန္တလေးတိုင်းဒေသကြီး၊ တံတားဦးမြို့နယ်၊ ရန်ကုန်-မန္တလေးအမြန်လမ်းမကြီးပေါ်၌ ဆိုင်ကယ်တိမ်းမှောက်မှု ဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦးတို့ ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ အောက်တိုဘာ ၃၀ ရက် နံနက် ၁၁ နာရီ ၄၅ မိနစ်တွင် မန္တလေးတိုင်းဒေသကြီး၊ တံတားဦးမြို့နယ်၊ ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၃၄၈ မိုင် ၁ ဖာလုံနှင့် ၂ ဖာလုံကြား၌ ဆိုင်ကယ်တိမ်းမှောက်မှုဖြစ်ပွားကြောင်း သတင်းအရ စကားအင်းအမြန်လမ်းမကြီးရဲစခန်းမှ တပ်ဖွဲ့ဝင် များက သွားရောက်စစ်ဆေးခဲ့ရာ တံတားဦးမြို့နယ်၊ အုပ်ပလင်ကျေးရွာနေ ကောင်းသန့်ဝေ(၁၅)နှစ် မောင်းနှင်ပြီး တစ်ရွာတည်းနေ ဒေါ်မြင့်(၆၇)နှစ် လိုက်ပါလာသည့် MDY/75W-XXXX KAMAX COSRA 125 ဆိုင်ကယ်သည် ရန်ကုန်မှ မန္တလေးဘက်သို့ မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ တိမ်းမှောက်ခဲ့သဖြင့် ၎င်းတို့နှစ်ဦးတွင် ထိခိုက်ဒဏ် ရာများ ရရှိခဲ့သောကြောင့် ကောင်းသန့်ဝေ အား စကားအင်းအမြန်လမ်းမကြီးရဲစခန်း၌ ရာဇသတ်ကြီးပုဒ်မ ၃၃၇/၃၃၈ ဖြင့် လည်းကောင်း၊ အမြန်လမ်းမကြီးပေါ်တွင် တက်ရောက်မောင်းနှင်ခွင့်မရှိသည့် ဆိုင်ကယ်အား အမြန်လမ်းမကြီးပေါ် တက်ရောက်မောင်းနှင်သဖြင့် အမြန်လမ်းမကြီးများဥပဒေပုဒ်မ ၁၈ ဖြင့် လည်းကောင်း အသီး သီးအမှုဖွင့်အရေးယူထားကြောင်း သတင်းရရှိပါသည်။