မွန်ပြည်နယ်၊ မော်လမြိုင်မြို့နယ်၊ ဈေးကြိုရပ်ကွက်၌ နေအိမ် မီးလောင်မှု

မွန်ပြည်နယ်၊ မော်လမြိုင်မြို့နယ်၊ ဈေးကြိုရပ်ကွက်၌ နေအိမ် မီးလောင်မှု

     ၂၀၂၆ ခုနှစ်၊ မတ် ၂ ရက် နံနက် ၂ နာရီ ၃၀ မိနစ်ခန့်က မွန်ပြည်နယ်၊ မော်လမြိုင်မြို့နယ်၊ ဈေးကြိုရပ်ကွက်၌ ပိုင်ရှင် ဦးညွန့်ကြည်၏ နေအိမ်တွင် အိမ်ငှား ဦးဌေးဝင်း (၇၇)နှစ် နေထိုင်သော ၂၀ x ၃၅ ပေ၊ သွပ်မိုး၊ အုတ်ညှပ်၊ ပျဉ်ခင်း နှစ်ထပ် နေအိမ် အိပ်ခန်းအတွင်း လျှပ်စစ်ရေနွေးအိုး တည်ထားရာမှ အပူလွန်ကဲပြီး အနီးရှိ အဝတ်များသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မွန်ပြည်နယ်မီးသတ်ဦးစီးမှူးရုံး၊ မော်လမြိုင်ခရိုင်၊ မြို့နယ်မီးသတ်စခန်းများမှ  မီးသတ်တပ်ဖွဲ့ဝင်များ သည် မီးသတ်ယာဉ် ၁၃ စီးဖြင့် မီးငြှိမ်းသတ်ခဲ့ရာ နံနက် ၂ နာရီ ၅၈ မိနစ်တွင် မီးငြိမ်းခဲ့ပါသည်။ 

     အဆိုပါမီးလောင်မှုကြောင့် ဦးဌေးဝင်း(၇၇)နှစ်(သေဆုံး)၊ ဒေါ်လှ(၆၀)နှစ်(သေဆုံး)၊ မမိုးပွင့်ဝါ (၂၈)နှစ် ညာဘက်လက်နှင့် ညာဘက်ကြောပြင် မီးလောင်ဒဏ်ရာ(မစိုး ရိမ်ရ)ရရှိခဲ့ပြီး ၂၀ x ၃၅ ပေ၊ သွပ်မိုး၊ အုတ်ညှပ်၊ ပျဉ်ခင်း နှစ်ထပ် နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် ဦးဌေးဝင်း အား မော်လမြိုင်မြို့နယ်၊ မုပွန်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။