ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၌ ဆိုင်ကယ်မှ ရပ်တန့်ထားသည့် မော်တော်ယာဉ်အား ဝင်ရောက်တိုက်မိခဲ့မှုကြောင့် ဆိုင်ကယ်စီးနင်းလာသူ အမျိုးသား နှစ်ဦး သေဆုံးကာ တစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၌ ဆိုင်ကယ်မှ ရပ်တန့်ထားသည့် မော်တော်ယာဉ်အား ဝင်ရောက်တိုက်မိခဲ့မှုကြောင့် ဆိုင်ကယ်စီးနင်းလာသူ အမျိုးသား နှစ်ဦး သေဆုံးကာ တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မတ် ၁၈ ရက်က ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေး အမြန်လမ်းမကြီး၌ ဆိုင်ကယ်မှ ရပ်တန့်ထားသည့် မော်တော်ယာဉ်အား ဝင်ရောက်တိုက်မိခဲ့မှုကြောင့် ဆိုင်ကယ်စီးနင်းလာသူ အမျိုးသား နှစ်ဦး သေဆုံးကာ တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မတ် ၁၈ ရက် နံနက် ၁ နာရီ ၄၅ မိနစ်တွင် ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၃ ဖာလုံနှင့် ၄ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၃)လမ်းဆုံအမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ လှည်းကူးမြို့နယ်၊ အောင်မြေကျေးရွာနေ ကိုထက်နောင်ဆွေ(၂၄)နှစ် မောင်းနှင်ပြီး လှည်းကူးမြို့နယ်၊ အမှတ်(၁)ရပ်ကွက်နေ ကိုရဲမင်းခန့်(၂၃)နှစ်နှင့် ရှမ်းပြည်နယ်၊ ညောင်ရွှေမြို့နယ်၊ နန်းသီတာမွေးမြူကျေးရွာနေ ဦးတင့်ဇော်ထွန်း(၃၇)နှစ်တို့ လိုက်ပါလာသည့် BASHAN-125 ဆိုင်ကယ်သည် နေပြည်တော်မှ ရန်ကုန်မြို့ဘက်သို့ ယာဉ်ကြောပြောင်းပြန် မောင်းနှင်လာစဉ် အခင်းဖြစ်နေရာအရောက်၌ အစွန်ဆုံးယာဉ်ကြော၌ ရပ်တန့်ထားသည့် SHN-15/ 4H-XXXX NISSAN CONDOR မော်တော်ယာဉ်၏ ဦးခေါင်းပိုင်းအား ဝင်ရောက်တိုက်မိခဲ့သဖြင့် ကိုထက်နောင်ဆွေနှင့် ဦးတင့်ဇော်ထွန်းတို့တွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး ကိုရဲမင်းခန့်တွင် ထိခိုက်ဒဏ်ရာများ ရရှိခဲ့သောကြောင့် ထက်နောင်ဆွေ အား အမှတ်(၃)လမ်းဆုံအမြန်လမ်းမကြီးရဲစခန်း ယာဉ်(ပ)၆/၂၀၂၆၊ ရာဇသတ်ကြီးပုဒ်မ ၃၀၄-က/၃၃၈ ဖြင့် အမှုဖွင့် အရေးယူထားကြောင်း သတင်းရရှိပါသည်။