ရန်ကုန်တိုင်းဒေသကြီး၊ တွံတေးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ရန်ကုန်တိုင်းဒေသကြီး၊ တွံတေးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ မေ ၁ ရက်က ရန်ကုန်တိုင်းဒေသကြီး၊ တွံတေးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မေ ၁ ရက် မွန်းလွဲ ၁ နာရီ ၃၀ မိနစ်တွင် တွံတေးမြို့နယ်၊ သံဖြူရုံကျေးရွာအနီး၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၅၇)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ လှိုင်သာယာမှ တွံတေးဘက်သို့ ဒဂုံမြို့သစ်(တောင်ပိုင်း)မြို့နယ်၊ (၁၉)ရပ်ကွက်နေ ဦးအောင်ဇော်မျိုး(၄၂)နှစ် မောင်းနှင်သော YGN-17/1C-XXXX NISSAN DIESEL ရှစ်ဘီးယာဉ်သည် သံဖြူရုံကျေးရွာအနီးအရောက် အရှိန်မထိန်းနိုင်ဘဲ ကားလမ်းယာဘက်ဘေး၌ ရပ်ထားသည့် ဘိုကလေးမြို့နယ်၊ (၁၀)ရပ်ကွက်နေ ဦးချစ်ဦးမောင်(၄၂)နှစ် မောင်းနှင်သည့် MGY-5/9D-XXXX MITSUBISHI CANTER ယာဉ်အား ဝင်ရောက်တိုက်မိခဲ့ပြီး ဦးအောင်ဇော်မျိုးတွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သောကြောင့် အောင်ဇော်မျိုး အား တွံတေးမြို့မရဲစခန်း ယာဉ်(ပ)၅/၂၀၂၆၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။