ရန်ကုန်တိုင်းဒေသကြီး၊ တိုက်ကြီးမြို့နယ်၌ ရထားနှင့်ဆိုင်ကယ် တိုက်မိမှုဖြစ်ပွား၍ အမျိုးသမီး တစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ တိုက်ကြီးမြို့နယ်၌ ရထားနှင့်ဆိုင်ကယ် တိုက်မိမှုဖြစ်ပွား၍ အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မေ ၈ ရက်က ရန်ကုန်တိုင်းဒေသကြီး၊ တိုက်ကြီးမြို့နယ်၌ ရထားနှင့်ဆိုင်ကယ် တိုက်မိမှုဖြစ်ပွား၍ အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
    ဖြစ်စဉ်မှာ မေ ၈ ရက် နံနက် ၇ နာရီ ၃၀ မိနစ်တွင် ရန်ကုန်တိုင်းဒေသကြီး၊ တိုက်ကြီးမြို့နယ်၊ တိုက်ကြီးဘူတာနှင့် သနပ်ချောင်းဘူတာကြား မိုင်တိုင်အမှတ်(၄၁/၁၁-၁၁)ကြားရှိ ဘူတာရပ်ကွက် ဗလီအနီးရှိ မီးရထားလမ်း၌ ရထားနှင့်ဆိုင်ကယ်တိုက်မိမှုဖြစ်ပွားကြောင်း သတင်းအရ တိုက်ကြီးမြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ ရန်ကုန်မြို့မှ လက်ပံတန်းမြို့ဘက်သို့ ရထားလမ်းများပြုပြင်ရန်အတွက် ကျောက်များ တင်ဆောင်မောင်းနှင်လာသော စက်ခေါင်းအမှတ် DF-1268 ရထားသည် အခင်းဖြစ်နေရာအရောက်၌ တိုက်ကြီးမြို့နယ်၊ ရှမ်းစု ရပ်ကွက်နေ ဒေါ်ဇင်မာအောင်(၃၈)နှစ် မောင်းနှင်သည့် ဆိုင်ကယ်မှ ရထားလမ်းအား တရားမဝင် ဖြတ်ကူးမောင်းနှင်စဉ် ဝင်ရောက်တိုက်မိခဲ့သဖြင့် ၎င်းတွင် ထိခိုက်ဒဏ်ရာများ ရရှိခဲ့သောကြောင့် ဒေါ်ဇင်မာအောင် အား တိုက်ကြီးမြို့မရဲစခန်း (ပ)၆၅/၂၀၂၆၊ ရထားပို့ဆောင်ရေးလုပ်ငန်းဥပဒေပုဒ်မ ၈၅ ဖြင့် အမှုဖွင့်အရေးယူထားကြောင်း သတင်းရရှိပါသည်။