ဧရာဝတီတိုင်းဒေသကြီး၊ ငပုတောမြို့နယ်၌ သုံးဘီးဆိုင်ကယ် တိမ်းမှောက်၍ အမျိုးသမီး တစ်ဦး သေဆုံးကာ အမျိုးသား နှစ်ဦး ဒဏ်ရာရရှိ

ဧရာဝတီတိုင်းဒေသကြီး၊ ငပုတောမြို့နယ်၌ သုံးဘီးဆိုင်ကယ် တိမ်းမှောက်၍ အမျိုးသမီး တစ်ဦး သေဆုံးကာ အမျိုးသား နှစ်ဦး ဒဏ်ရာရရှိ

   ၂၀၂၅ ခုနှစ်၊ နိုဝင်ဘာ ၁၆ ရက်က ဧရာဝတီတိုင်းဒေသကြီး၊ ငပုတောမြို့နယ်၌ သုံးဘီး ဆိုင်ကယ် တိမ်းမှောက်၍ အမျိုးသမီး တစ်ဦး သေဆုံးကာ အမျိုးသား နှစ်ဦး ဒဏ်ရာရရှိခဲ့ကြောင်း သိရသည်။

   ဖြစ်စဉ်မှာ နိုဝင်ဘာ ၁၆ ရက် နံနက် ၂ နာရီတွင် ဧရာဝတီတိုင်းဒေသကြီး၊ ငပုတောမြို့နယ်၊ လပွတ္တာ-ထိပ်စွန်သွားကားလမ်း ကုန်းအတက်၌ ယာဉ်တိမ်းမှောက်မှုဖြစ်ပွားကြောင်း သတင်းအရ ပြင်ခရိုင်နယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ငပုတောမြို့နယ်၊ ဒီးဒူးကုန်း ကျေးရွာနေ ထက်ပိုင်ဖြိုး(၂၃)နှစ် မောင်းနှင်ပြီး ၎င်း၏မိဘများဖြစ်သည့် ဦးမျိုးနိုင်(၅၅)နှစ်နှင့် ဒေါ်မငယ် (၄၈)နှစ်တို့ လိုက်ပါလာသော KAMAX-150 နီ/ပြာရောင် သုံးဘီးဆိုင်ကယ်သည် ဘုန်းစိုးကြီးသင်္ဘောဆိပ်မှ ကြက်စာများတင်ဆောင်၍ ကျောက်ကလပ်ကျေးရွာသို့ မောင်းနှင်လာစဉ် အခင်းဖြစ်နေရာ ကုန်းအတက် အရောက်၌ ဂျွိုင်းဆက်ပြုတ်ကာ တိမ်းမှောက်ခဲ့သဖြင့် ဒေါ်မငယ်တွင် ဒဏ်ရာများရရှိကာ အခင်းဖြစ်နေရာ၌ သေဆုံးခဲ့ပြီး ထက်ပိုင်ဖြိုးနှင့် ဦးမျိုးနိုင်တို့တွင် ဒဏ်ရာများ အသီးသီးရရှိခဲ့သောကြောင့် ထက်ပိုင်ဖြိုး အား ပြင်ခရိုင်နယ်မြေရဲစခန်း ယာဉ်(ပ)၄/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၃၃၇ ဖြင့် အမှုဖွင့် အရေးယူထားကြောင်း သတင်းရရှိသည်။