၂၀၂၆ ခုနှစ် တက္ကသိုလ်ဝင်စာမေးပွဲနှင့် ၂၀၂၆ ခုနှစ် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများ စတုတ္ထနေ့ ဆက်လက်ကျင်းပ တက္ကသိုလ်ဝင်စာမေးပွဲ စတုတ္ထနေ့တွင် လာရောက်ဖြေဆိုသူစုစုပေါင်း ၂၅၄၇၁၇ ဦးရှိပြီး စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲ စတုတ္ထနေ့တွင် လာရောက်ဖြေဆိုသူ ၂၈၆၉ ဦးရှိ

၂၀၂၆ ခုနှစ် တက္ကသိုလ်ဝင်စာမေးပွဲနှင့် ၂၀၂၆ ခုနှစ် စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲများ စတုတ္ထနေ့ ဆက်လက်ကျင်းပ တက္ကသိုလ်ဝင်စာမေးပွဲ စတုတ္ထနေ့တွင် လာရောက်ဖြေဆိုသူစုစုပေါင်း ၂၅၄၇၁၇ ဦးရှိပြီး စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲ စတုတ္ထနေ့တွင် လာရောက်ဖြေဆိုသူ ၂၈၆၉ ဦးရှိ

နေပြည်တော် မတ် ၁၄

၂၀၂၆ ခုနှစ် တက္ကသိုလ်ဝင်စာမေးပွဲနှင့် ၂၀၂၆ ခုနှစ် စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲများကို ယနေ့နံနက်ပိုင်းတွင် နိုင်ငံခြားစာစစ်ဌာနအပါဝင် တစ်နိုင်ငံလုံးအတိုင်းအတာဖြင့် ဆက်လက်ကျင်းပသည်။

၂၀၂၆ ခုနှစ် တက္ကသိုလ်ဝင်စာမေးပွဲကို ယခုနှစ်တွင် နိုင်ငံခြားစာစစ်ဌာန ၁၆ ခုနှင့် ပြည်တွင်းစာစစ်ဌာန ၈၇၁ ခု စာစစ်ဌာနစုစုပေါင်း ၈၈၇ ခု ဖွင့်လှစ်ဖြေဆိုခဲ့ရာ စာမေးပွဲဖြေဆိုရန် စာရင်းပေးသွင်းသူဦးရေစုစုပေါင်း ၂၆၈၇၅၃ ဦးရှိပြီး စာမေးပွဲစတုတ္ထနေ့တွင် ဓာတုဗေဒဘာသာရပ်နှင့် ပထဝီဝင်ဘာသာရပ် လာရောက်ဖြေဆိုသူစုစုပေါင်း ၂၅၄၇၁၇ ဦး၊ ပျက်ကွက် ၁၄၀၃၆ ဦးရှိကာ ဖြေဆိုသူ ၉၄ ဒသမ ၇၈ ရာခိုင်နှုန်းရှိသည်။

၂၀၂၆ ခုနှစ် စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲကို ပြည်တွင်းစာစစ်ဌာနစုစုပေါင်း ၅၃ ခု ဖွင့်လှစ်ဖြေဆိုခဲ့ရာ စက်မှုအတတ်ပညာဘာသာတွဲနှင့် စိုက်ပျိုးရေးအတတ်ပညာဘာသာတွဲဖြေဆိုရန် စာရင်းပေးသွင်းသူဦးရေစုစုပေါင်း ၂၈၉၀ ရှိပြီး စာမေးပွဲစတုတ္ထနေ့တွင် စက်မှုကျောင်းသား ကျောင်းသူများက ပေါင်းစပ်သိပ္ပံဘာသာရပ်နှင့် စိုက်ပျိုးရေးကျောင်းသား ကျောင်းသူများက သီးနှံထုတ်လုပ်ရေး(၃)ဘာသာရပ်တို့ကိုဖြေဆိုကြကာ လာရောက်ဖြေဆိုသူစုစုပေါင်း ၂၈၆၉ ဦး၊ ပျက်ကွက် ၂၁ ဦးရှိပြီး ဖြေဆိုသူ ၉၉ ဒသမ ၂၇ ရာခိုင်နှုန်းရှိကြောင်း ပညာရေးဝန်ကြီးဌာနမှ သိရသည်။

သတင်းစဉ်