နိုင်ငံခြားရေးဝန်ကြီးဌာန (ရန်ကုန်) ၌ ၂၀၂၄ ခုနှစ် သံတမန်သင်္ကြန်ပွဲတော် ကျင်းပ

နိုင်ငံခြားရေးဝန်ကြီးဌာန (ရန်ကုန်) ၌ ၂၀၂၄ ခုနှစ် သံတမန်သင်္ကြန်ပွဲတော် ကျင်းပ

နေပြည်တော် ဧပြီ ၁၆

၁၃၈၆ ခုနှစ် မြန်မာနှစ်သစ်ကူးအခါသမယကို ကြိုဆိုသောအားဖြင့် နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကို ယနေ့နံနက်ပိုင်း (သင်္ကြန်အတက်နေ့) တွင် ရန်ကုန်မြို့ နိုင်ငံခြားရေးဝန်ကြီးဌာန မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့၏ မြက်ခင်းပြင်၌ ကျင်းပသည်။

သံတမန် သင်္ကြန်ပွဲတော်သို့ နိုင်ငံခြားရေးဝန်ကြီးဌာန ဒုတိယဝန်ကြီး ဦးလွင်ဦး တက်ရောက်၍ နှစ်သစ်ကူးဆုမွန်ကောင်းစကားပြောကြားခဲ့ပြီး ရန်ကုန်မြို့အခြေစိုက် နိုင်ငံခြားသံရုံးများ/ အဖွဲ့ရုံးများမှ သံတမန်များနှင့် ၎င်းတို့၏ မိသားစုဝင်များ၊ ကုလသမဂ္ဂနှင့် ၎င်း၏လက်အောက်ခံအဖွဲ့အစည်း များမှ ကိုယ်စားလှယ်များ၊ ဂုဏ်ထူးဆောင်ကောင်စစ်ဝန်ချုပ်ရုံးများမှ ကိုယ်စားလှယ်များ၊ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ဥက္ကဋ္ဌနှင့် အဖွဲ့ဝင်များ၊ နိုင်ငံခြား ရေးဝန်ကြီးဌာနမှ အရာထမ်း/အမှုထမ်းများ၊ မိသားစုဝင်များနှင့် ဖိတ်ကြားထားသော ဧည့်သည် တော်များ ပျော်ရွှင်စွာ ပါဝင်ဆင်နွှဲကြသည်။

ထို့နောက် တက်ရောက်လာကြသည့် သံတမန်များနှင့် ဧည့်သည်တော်များအား မြန်မာ့ရိုးရာအစားအစာများဖြင့် တည်ခင်းဧည့်ခံကာ နိုင်ငံခြားရေးဝန်ကြီးဌာနမှ လှပျိုဖြူများက သင်္ကြန်ယိမ်းအကအလှများဖြင့် သီဆိုကပြဖျော်ဖြေခဲ့ကြပြီး ပါဝင်ဆင်နွှဲကြသူများက ပျော်ရွှင်စွာ အတူတကွ ရေပက်ကစားခဲ့ကြကြောင်း သိရသည်။

သတင်းစဉ်