ပြည်ထောင်စုစာရင်းစစ်ချုပ်ရုံးဝန်ထမ်းများ ၂၀၂၅ ခုနှစ် ဒီဇင်ဘာလူထုအားကစားလ စုပေါင်းလမ်းလျှောက်ပွဲတွင် ပျော်ရွှင်စွာပါဝင်ဆင်နွှဲခြင်း

ပြည်ထောင်စုစာရင်းစစ်ချုပ်ရုံးဝန်ထမ်းများ ၂၀၂၅ ခုနှစ် ဒီဇင်ဘာလူထုအားကစားလ စုပေါင်းလမ်းလျှောက်ပွဲတွင် ပျော်ရွှင်စွာပါဝင်ဆင်နွှဲခြင်း

၂၀၂၅ ခုနှစ် ဒီဇင်ဘာလူထုအားကစားလ စုပေါင်းလမ်းလျှောက်ပွဲကို နေပြည်တော်ရှိ ဝဏ္ဏသိဒ္ဓိအားကစားကွင်း၌ ဒီဇင်ဘာလတွင် အပတ်စဉ်စနေနေ့တိုင်းကျင်းပရာ ပြည်ထောင်စု စာရင်းစစ်ချုပ် ဒေါက်တာခင်နိုင်ဦး၊ ဒုတိယစာရင်းစစ်ချုပ် ဒေါ်နိုင်သက်ဦး၊ အမြဲတမ်းအတွင်းဝန် နှင့်တာဝန်ရှိသူများသည် ဝန်ထမ်းများနှင့်အတူ ပါဝင်ဆင်နွှဲခဲ့ကြသည်။

တစ်မျိုးသားလုံးကျန်းမာကြံ့ခိုင်ရေးအတွက် နှစ်စဉ်ဒီဇင်ဘာလကို လူထုအားကစားလ အဖြစ်သတ်မှတ်ပြီး တစ်နိုင်ငံလုံးအတိုင်းအတာဖြင့် လူထုစုပေါင်းလမ်းလျှောက်ပွဲများ၊ စုပေါင်း ကိုယ်လက်ကြံ့ခိုင်ရေးလေ့ကျင့်ခန်းများ၊ Physical Fitness Dance များစုပေါင်းဆောင်ရွက် လျက်ရှိပါသည်။ စုပေါင်းလမ်းလျှောက်ပွဲတွင် ပါဝင်ဆင်နွှဲခဲ့ကြသည့် ဝန်ထမ်းများသည် ဝဏ္ဏသိဒ္ဓိအားကစားကွင်း ဂိတ်အမှတ်(၁)မှ စတင်ထွက်ကြပြီး ဝဏ္ဏသိဒ္ဓိအားကစားကွင်း၏ သတ်မှတ်လမ်းကြောင်းများအတိုင်းဂိတ်(A)ရှေ့အထိပျော်ပျော်ပါးပါး စုပေါင်းလမ်းလျှောက်ခြင်း နှင့် အားကစားနှင့်ကာယပညာဦးစီးဌာနမှ ဝန်ထမ်းများကသရုပ်ပြသပေးသည့် ကိုယ်လက် ကြံ့ခိုင်ရေးလေ့ကျင့်ခန်းအတွဲ (၁)၊ (၂) နှင့် Physical Fitness Dance Exercise လေ့ကျင့်ခန်း များကို တက်ကြွစွာပါဝင်ခြင်းတို့ကို ဆောင်ရွက်ခဲ့ကြသည်။

အဆိုပါ ဒီဇင်ဘာလူထုအားကစားလ စုပေါင်းလမ်းလျှောက်ပွဲသို့ ဤရုံးမှ ပထမပတ်တွင် ၅၀ ဦး ၊ ဒုတိယပတ်တွင် ၄၇ ဦး ၊ တတိယပတ်တွင် ၄၃ ဦး ၊ စတုတ္ထပတ်တွင် ၄၈ ဦးတို့ ပျော်ပျော်ရွှင်ရွှင်စည်ကားသိုက်မြိုက်စွာ ပါဝင်ဆင်နွှဲခဲ့ကြသည်။