(၃၃) ကြိမ်မြောက် ဆွမ်းဆန်စိမ်းလောင်းလှူပွဲအခမ်းအနားကျင်းပပြုလုပ်ခြင်း (နေပြည်တော်)

(၃၃) ကြိမ်မြောက် ဆွမ်းဆန်စိမ်းလောင်းလှူပွဲအခမ်းအနားကျင်းပပြုလုပ်ခြင်း (နေပြည်တော်)

            ပြည်ထောင်စုနယ်မြေ၊ နေပြည်တော်လူမှုဝန်ထမ်းရုံးမှဦးစီး၍ (၃၃) ကြိမ်မြောက် ဆွမ်းဆန်စိမ်းလောင်းလှူပွဲ အခမ်းအနားအား ၁.၁.၂၀၂၆ ရက်၊ နေ့လယ် (၀၂:၀၀) အချိန်တွင် ပျဉ်းမနားမြို့နယ်၊ ပျဉ်းမနားဘိုးဘွားရိပ်သာတွင် ကျင်းပပြုလုပ်ခဲ့ပါသည်။
            အခမ်းအနားတွင်  နေပြည်တော်သက်ကြီးရွယ်အိုများဆိုင်ရာကော်မတီဥက္ကဋ္ဌ၊  နေပြည်တော် ကောင်စီဝင် ဦးမြင့်စိုးနှင့်အဖွဲ့ဝင်များ၊ ပျဉ်းမနားမြို့နယ် အထွေထွေအုပ်ချုပ်ရေး ဦးစီးဌာနမှ တာဝန်ရှိသူများ၊ ခရိုင်/ မြို့နယ် အမျိုးသမီးရေးရာနှင့် မိခင်နှင့်ကလေးစောင့်ရှောက်ရေး ကြီးကြပ်ရေးအဖွဲ့မှ ဥက္ကဋ္ဌနှင့်အဖွဲ့ဝင်များ၊ နေပြည်တော်အမျိုးသမီးနှင့် ကလေးသူငယ်များဘဝမြှင့်တင်ရေးအသင်း ဥက္ကဋ္ဌနှင့်အဖွဲ့ဝင်များ၊ နေပြည်တော်လူမှုဝန်ထမ်းရုံးမှ တာဝန်ရှိသူများ၊ နေပြည်တော် ကလေးပြုစုရေးဌာနနှင့် မူလတန်းကြိုကျောင်းများမှ တာဝန်ရှိသူများနှင့် ဖိတ်ကြားထားသော ဧည့်သည်တော်များက တက်ရောက်လှူဒါန်းခဲ့ကြပါသည်။
            အဆိုပါအခမ်းအနားတွင် ပြည်ထောင်စုနယ်မြေ၊ နေပြည်တော်အတွင်းရှိ သံဃာတော် (၉၀) ပါး၊ သီလရှင် (၃၉) ပါးနှင့် ပျဉ်းမနားမြို့နယ်ဘိုးဘွားရိပ်သာမှ ဘိုးဘွား (၃၉) ဦးတို့အား တက်ရောက်လာသော တာဝန်ရှိသူများက ဆွမ်းဆန်တော်နှင့် အထွေထွေအသုံးအဆောင် ပစ္စည်းများအား အသီးသီးဆပ်ကပ်လှူဒါန်းခဲ့ကြပြီး အခမ်းအနားအား ညနေ (၀၄:၀၀) နာရီအချိန်တွင် အောင်မြင်စွာ ရုပ်သိမ်းခဲ့ပါသည်။