ပြည်ထောင်စုတရားသူကြီးချုပ်ရုံးနှင့် အိန္ဒိယနိုင်ငံ၊ အမျိုးသားတရားစီရင်ရေး အကယ်ဒမီတို့အကြား ရေးထိုးထားသည့် နားလည်မှုစာချွန်လွှာအရ ပထမအကြိမ်တရားစီရင်ရေးသင်တန်းသို့ သင်တန်းသား (၄၀) စေလွှတ်

ပြည်ထောင်စုတရားသူကြီးချုပ်ရုံးနှင့် အိန္ဒိယနိုင်ငံ၊ အမျိုးသားတရားစီရင်ရေး အကယ်ဒမီတို့အကြား ရေးထိုးထားသည့် နားလည်မှုစာချွန်လွှာအရ ပထမအကြိမ်တရားစီရင်ရေးသင်တန်းသို့ သင်တန်းသား (၄၀) စေလွှတ်

Ministry of Information/ ​နေပြည်တော် / August 22, 2019
image_latest


နေပြည်တော် သြဂုတ် ၂၂

 

ပြည်ထောင်စုတရားသူကြီးချုပ်ရုံးနှင့် အိန္ဒိယနိုင်ငံ၊ အမျိုးသားတရားစီရင်ရေး အကယ်ဒမီတို့အကြား လက်မှတ်ရေးထိုးထား သည့် မြန်မာနိုင်ငံမှ တရားသူကြီးများနှင့် တရားရေးအရာရှိများအား အိန္ဒိယနိုင်ငံသို့စေလွှတ်၍ သင်တန်းပေးခြင်းနှင့် စွမ်းဆောင်ရည်မြှင့်တင်ခြင်းဆိုင်ရာ နားလည်မှုစာချွန်လွှာအရ အိန္ဒိယနိုင်ငံ၊ အမျိုးသားတရားစီရင်ရေး အကယ်ဒမီတွင် သြဂုတ် ၂၃ ရက်မှ ၂၉ ရက်အထိ ဖွင့်လှစ်မည့် ပထမအကြိမ် တရားစီရင်ရေးသင်တန်းသို့ တက်ရောက်ရန် တရားရုံး အဆင့်ဆင့်ရှိ ခရိုင်အဆင့်နှင့် မြို့နယ်အဆင့်တရားသူကြီးများ၊ တရားရေးအရာရှိများ စုစုပေါင်း (၄၀) ပါဝင်သည့် မြန်မာ ကိုယ်စားလှယ်အဖွဲ့သည် ယနေ့နံနက်ပိုင်းက ရန်ကုန်မြို့မှ ထွက်ခွာသွားကြသည်။

 

ခရိုင်အဆင့်နှင့် မြို့နယ်အဆင့်တရားသူကြီးများ၊ တရားရေးအရာရှိများပါ၀င်သည့် မြန်မာကိုယ်စားလှယ်အဖွဲ့သည် အိန္ဒိယ နိုင်ငံ၊ အမျိုးသားတရားစီရင်ရေး အကယ်ဒမီတွင် ပထမအကြိမ်ဖွင့်လှစ်မည့်သင်တန်း၌ တရားစီရင်ရေးဆိုင်ရာ ဘာသာရပ် များ၊ တရားမနှင့် ရာဇဝတ်ဥပဒေများ၊ လူ့အခွင့်အရေးဆိုင်ရာဥပဒေ၊ ဥပဒေရေးရာဆေးပညာနှင့် ဥပဒေသိပ္ပံပညာ၊ ပတ်ဝန်းကျင်ထိန်းသိမ်းရေးဥပဒေ၊ ပစ္စည်းဆိုင်ရာဥပဒေနှင့် ပဋိညာဉ်ဥပဒေ စသည်တို့ကို လေ့လာသင်ယူခွင့်ရရှိကြမည် ဖြစ်ပြီး သင်တန်းကာလမှာ (၅) ရက်ဖြစ်သည်။

 

အဆိုပါ နားလည်မှုစာချွန်လွှာအရ မြန်မာနိုင်ငံမှ တရားသူကြီးများနှင့် တရားရေးအရာရှိ စုစုပေါင်း (၄၀၀)ကို အိန္ဒိယနိုင်ငံ၊ အမျိုးသားတရားစီရင်ရေး အကယ်ဒမီသို့ (၅) နှစ်အတွင်း တစ်နှစ်လျှင် ဦးရေ (၈၀) ထိ၊ တစ်ကြိမ်လျှင်ဦးရေ (၄၀) ထိ၊ နှစ်ကြိမ်ခွဲ၍ စေလွှတ်ပြီးသင်တန်းပေးခြင်း၊ စွမ်းဆောင်ရည်မြှင့်တင်ပေးခြင်းတို့ကို ဆောင်ရွက်သွားမည် ဖြစ်သည်။

 

 

မြန်မာကိုယ်စားလှယ်အဖွဲ့အား မြန်မာနိုင်ငံဆိုင်ရာ အိန္ဒိယသံရုံးမှ တာဝန်ရှိသူများ၊ ရန်ကုန်တိုင်းဒေသကြီး တရားလွှတ်တော် မှ တာဝန်ရှိသူများက ရန်ကုန်အပြည်ပြည်ဆိုင်ရာ လေဆိပ်၌ ပို့ဆောင်နှုတ်ဆက်ခဲ့ကြသည်။

(သတင်းစဉ်)

BREAKING NEWS
  • ၁၂လ ရာသီပွဲတော်များနှင့် ပန်းများအထိမ်းအမှတ်၊ သီတင်းကျွတ်လအတွက် မီးထွန်းပွဲနှင့်ကြာပန်း ၂၀ဝိ/-ကျပ်တန် အထူးထုတ်စာပို့တံဆိပ်ခေါင်းရောင်းချပေးမည်
  •           
  • “Ceremony of Government Digitalization on Microsoft Platform and Seminar on Microsoft Cloud Solution” အခမ်းအနားကျင်းပ
  •           
  • ၁၂လ ရာသီပွဲတော်များနှင့် ပန်းများအထိမ်းအမှတ်၊ တော်သလင်း လအတွက် လှေပြိုင်ပွဲနှင့် ယင်းမာပန်း ၂၀ဝိ/-ကျပ်တန် အထူးထုတ်စာပို့တံဆိပ်ခေါင်းရောင်းချပေးမည်
  •           
  • ရာသီတုပ်ကွေးရောဂါ (Seasonal Influenza)ဖြစ်ပွားမှုနှင့်ပတ်သက်၍ ရောဂါစောင့်ကြပ်ကြည့်ရှုခြင်း၊ ကြိုတင်ကာ ကွယ်ခြင်းနှင့် တုံ့ပြန်ဆောင် ရွက်ခြင်းလုပ်ငန်းများ အားဖြည့်ဆောင်ရွက်လျက်ရှိကြောင်း ထုတ်ပြန် ချက် (၁/၂၀၁၉)
  •