ကချင်ပြည်နယ်၊ မိုးညှင်းမြို့နယ်၌ မူးယစ်ဆေးဝါးများ ဖမ်းဆီးရမိ

ကချင်ပြည်နယ်၊ မိုးညှင်းမြို့နယ်၌ မူးယစ်ဆေးဝါးများ ဖမ်းဆီးရမိ

     ၂၀၂၆ ခုနှစ်၊ ဖေဖော်ဝါရီ ၁၆ ရက် ညနေ ၅ နာရီ ၃၀ မိနစ်တွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ကချင်ပြည်နယ်၊ မိုးညှင်းမြို့နယ်၊ နန့်စီးအောင်ကျေးရွာအနီး၌ မိုးကောင်းမြို့နယ်၊ မင်းကုန်းကျေးရွာနေ ခင်မောင်ဆန်း (ခ)လောင်းလု(၅၅)နှစ် မောင်းနှင်ပြီး မိုးကောင်းမြို့နယ်၊ ပင့်သာကျေးရွာနေ အေးဆန်း(၅၆)နှစ် လိုက်ပါလာသော MDY-12/3A-XXXX TOYOTA COROLLA မော်တော်ယာဉ်အား ရပ်တန့်စစ်ဆေး ရှာဖွေခဲ့ရာ ယာဉ်ပေါ်မှ ဘိန်းဆီခဲ ၈ ဒသမ ၂ ကီလို(တစ်ကီလိုလျှင် ငွေကျပ် ၁၄ သိန်းနှုန်းဖြင့် ၎င်းဒေသကာလတန်ဖိုး ငွေကျပ် ၁၁၄ သိန်း ၈ သောင်း)၊ ဘိန်းစိမ်း ၄ ဒသမ ၂ ကီလို (တစ်ကီလိုလျှင် ငွေကျပ် ၁၂ သိန်းနှုန်းဖြင့် ၎င်းဒေသကာလတန်ဖိုး ငွေကျပ် ၅၀ သိန်း ၄ သောင်း)နှင့် ငွေကျပ် ၂ သိန်း ၅ သောင်းအား ဖမ်းဆီးရမိသဖြင့် ခင်မောင်ဆန်း (ခ)လောင်းလုနှင့် အေးဆန်းတို့ နှစ်ဦးအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။