ပြည်နယ်လယ်ယာမြေစီမံခန့်ခွဲမှုအဖွဲ့နှင့် ပြည်နယ်မြေလွတ်၊မြေလပ်နှင့်မြေရိုင်းများစီမံခန့်ခွဲရေးကော်မတီတို့၏ လုပ်ငန်းညှိနှိုင်းအစည်းအဝေးကျင်းပ

ပြည်နယ်လယ်ယာမြေစီမံခန့်ခွဲမှုအဖွဲ့နှင့် ပြည်နယ်မြေလွတ်၊မြေလပ်နှင့်မြေရိုင်းများစီမံခန့်ခွဲရေးကော်မတီတို့၏ လုပ်ငန်းညှိနှိုင်းအစည်းအဝေးကျင်းပ

ဘားအံ - ဖေဖော်ဝါရီ (၄)

ကရင်ပြည်နယ်အစိုးရအဖွဲ့ ပြည်နယ်လယ်ယာမြေစီမံခန့်ခွဲမှုအဖွဲ့၏(၁/၂၀၂၆)ကြိမ်မြောက်နှင့် ပြည်နယ်မြေလွတ်၊ မြေလပ်နှင့်မြေရိုင်းများစီမံခန့်ခွဲရေးကော်မတီ၏ (၁/၂၀၂၆)ကြိမ်မြောက် လုပ်ငန်းညှိနှိုင်းအစည်းအဝေးကို ဖေဖော်ဝါရီလ ၄ ရက်နေ့ နံနက် ၁၀ နာရီက ပြည်နယ်အစိုးရအဖွဲ့ရုံး အစည်းအဝေးခန်းမ(၂)၌ ကျင်းပသည်။

ဦးစွာ ပြည်နယ်လယ်ယာမြေစီမံခန့်ခွဲမှုအဖွဲ့နှင့် ပြည်နယ်မြေလွတ်၊မြေလပ်နှင့်မြေရိုင်းများ စီမံခန့်ခွဲရေးကော်မတီ တို့၏ဥက္ကဋ္ဌ ပြည်နယ်ဝန်ကြီးချုပ်ဦးစောမြင့်ဦးက နောင်တက်လာမည့်အစိုးရသစ်ကိုစနစ်တကျလွှဲပြောင်းပေးနိုင်ရေး ဆောင်ရွက်ဆဲလုပ်ငန်းများ၊ ဆုံးဖြတ်အတည်ပြုရမည့်လုပ်ငန်းများ၊ ဆောင်ရွက်ရန်ရှိသည့်အမှုတွဲများကို အပြီးအပြတ် ဆောင်ရွက်နိုင်ရေး ဆွေးနွေးဆုံးဖြတ်သွားရန် ယခုအစည်းအဝေးကိုကျင်းပခြင်းဖြစ်ကြောင်း၊ မြေလွတ်၊ မြေလပ်၊ မြေရိုင်း များ သတ်မှတ်ကာလအတွင်း အကောင်အထည်ဖော်ဆောင်ရွက်မှုရှိ/မရှိ မြေပြင်ကွင်းဆင်းစိစစ်ဖို့လိုပြီး မြေယာအငြင်းပွား မှုများ၊ မြေယာမှုခင်းများကို ခရိုင်/မြို့နယ်အဆင့်ဆင့်က လုပ်ထုံးလုပ်နည်းများ၊ ဥပဒေများနှင့်အညီ အမြန်ဆုံး အရေးယူ ဆောင်ရွက်ကြဖို့လိုကြောင်း ပြောကြားသည်။

ထို့နောက် ပြည်နယ်လယ်ယာမြေစီမံခန့်ခွဲမှုအဖွဲ့နှင့် ပြည်နယ်မြေလွတ်၊မြေလပ်နှင့်မြေရိုင်းများစီမံခန့်ခွဲရေးကော် မတီတို့၏အတွင်းရေးမှူး ပြည်နယ်မြေစာရင်းဦးစီးဌာနမှူးဦးဇော်မိုးအောင်က လယ်ယာမြေစီမံခန့်ခွဲရေး ကိစ္စရပ်များနှင့် မြေလွတ်၊မြေလပ်နှင့်မြေရိုင်းများစီမံခန့်ခွဲရေးကိစ္စရပ်များကို ရှင်းလင်းတင်ပြပြီး ပြည်နယ်ကော်မတီဝင်များက လယ်ယာ မြေစီမံခန့်ခွဲမှု၊ မြေလွတ်၊မြေလပ်၊မြေရိုင်းများစီမံခန့်ခွဲရေး၊ မြေယာအငြင်းပွားမှုနှင့်မြေယာမှုခင်းဆိုင်ရာများကို ဆွေးနွေး တင်ပြကြကာ အစည်းအဝေးသို့ တက်ရောက်လာသူများက ဝိုင်းဝန်းအကြံပြုဆွေးနွေးတင်ပြကြသည်။

ယင်းနောက် ပြည်နယ်လယ်ယာမြေစီမံခန့်ခွဲမှုအဖွဲ့နှင့်ပြည်နယ်မြေလွတ်၊မြေလပ်နှင့်မြေရိုင်းများစီမံခန့်ခွဲရေး ကော်မတီတို့၏ဥက္ကဋ္ဌ ပြည်နယ်ဝန်ကြီးချုပ်က တင်ပြဆွေးနွေးမှုများအပေါ် ပေါင်းစပ်ညှိနှိုင်းဖြည့်ဆည်းဆောင်ရွက်ပေးခဲ့ ပြီး နိဂုံးချုပ်အမှာစကားပြောကြားခဲ့ပါသည်။