မူလတန်းပြဆရာ ဆရာမများအတွက် အင်္ဂလိပ်စာ အရည်အသွေးမြှင့်သင်တန်း ပို့ချနေမှုနှင့် ပညာရေးဒီဂရီကောလိပ်သင်တန်းများကို စစ်ဆေး

မူလတန်းပြဆရာ ဆရာမများအတွက် အင်္ဂလိပ်စာ အရည်အသွေးမြှင့်သင်တန်း ပို့ချနေမှုနှင့် ပညာရေးဒီဂရီကောလိပ်သင်တန်းများကို စစ်ဆေး

ရန်ကုန် မေ ၁၇

ပညာရေးဝန်ကြီးဌာန ဒုတိယဝန်ကြီး ဒေါက်တာဇော်မြင့်သည် မေ ၁၅ ရက်က ရန်ကုန်မြို့ စမ်းချောင်းမြို့နယ် အမှတ်(၂)အခြေခံပညာ အထက်တန်းကျောင်း၌ တက္ကသိုလ်နှင့် ပညာရေးဒီဂရီကောလိပ်များရှိ အင်္ဂလိပ်စာဌာနများမှ ဆရာ ဆရာမများနှင့် ဝါရင့်အထက်တန်းပြ ဆရာ ဆရာမများက ပို့ချလျက်ရှိသော အခြေခံပညာ မူလတန်းပြ ဆရာ ဆရာမများအတွက် အင်္ဂလိပ်စာအရည်အသွေး မြှင့်သင်တန်းများကို ကြည့်ရှုစစ်ဆေးသည်။

ယင်းနောက် ရန်ကင်းပညာ ရေးဒီဂရီကောလိပ်သို့ သွားရောက်၍ ပညာရေးနှင့်သင်ပြနည်းပညာ ဒီပလိုမာသင်တန်း (Diploma in Education and Pedagogy - Dip EP) အပတ်စဉ်(၂)သင်တန်း ဖွင့်လှစ်သင်ကြားနေမှုများကို ကြည့်ရှုစစ်ဆေးပြီး ရန်ကင်းပညာရေးဒီဂရီ ကောလိပ် မြတ်ပညာခန်းမ၌ ပညာရေးဒီဂရီကောလိပ် ကျောင်းအုပ်ကြီးများ၊ ဆရာ ဆရာမများနှင့် တွေ့ဆုံဆွေးနွေးခဲ့သည်။

သတင်းစဉ်