၂၀၂၆ခုနှစ်၊ တိုင်းဒေသကြီးနှင့် ပြည်နယ်အသက် (၁၈) နှစ်အောက် အမျိုးသားဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီး၊ မန္တလေးတိုင်းဒေသကြီးနှင့် ကချင်ပြည်နယ်အသင်းတို့အား ကြိုဆိုမိတ်ဆက်ခြင်းအခမ်းအနား

၂၀၂၆ခုနှစ်၊ တိုင်းဒေသကြီးနှင့် ပြည်နယ်အသက် (၁၈) နှစ်အောက် အမျိုးသားဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီး၊ မန္တလေးတိုင်းဒေသကြီးနှင့် ကချင်ပြည်နယ်အသင်းတို့အား ကြိုဆိုမိတ်ဆက်ခြင်းအခမ်းအနား

ပုသိမ် မေ ၁၈

ဧရာဝတီတိုင်းဒေသကြီးဝန်ကြီးချုပ်နှင့်အဖွဲ့သည် ပုသိမ်မြို့၊ ဧရာရွေဝါခန်းမတွင် ပြုလုပ်သည့် ၂၀၂၆ခုနှစ်၊ တိုင်းဒေသကြီးနှင့်ပြည်နယ်အသက်(၁၈)နှစ်အောက် အမျိုးသားဘောလုံးပြိုင်ပွဲသို့ ဝင်ရောက်ယှဉ်ပြိုင်မည့် ဧရာဝတီတိုင်းဒေသကြီး၊ မန္တလေးတိုင်းဒေသကြီးနှင့် ကချင်ပြည်နယ်အသင်းတို့အား ကြိုဆိုမိတ်ဆက်ခြင်းအခမ်းအနားသို့ တက်ရောက်ခဲ့ရာ တိုင်းဒေသကြီးနှင့် ပြည်နယ်ကိုယ်စားပြုဘောလုံးအသင်းများမှ အသင်းလိုက် မိတ်ဆက်ခဲ့ကြသည်။

ဆက်လက်၍ တိုင်းဒေသကြီးဝန်ကြီးချုပ်က“ ဘောလုံးအားကစားနည်းသည် တစ်ဦးနှင့် တစ်ဦးနားလည်မှုရှိပြီး အပေးအယူမျှတမှုနှင့် အသင်းလိုက်ယှဉ်ပြိုင်ကစားရသည့် အားကစား နည်းဖြစ်သည့်အတွက် ပြိုင်ပွဲဝင်များအနေဖြင့်လည်းသတ်မှတ်ထားသော စည်းမျဉ်း/စည်းကမ်း ဥပဒေနှင့်အညီ လိုက်နာပြီး တစ်ဦးချင်း ထိုးဖောက်တတ်သည့် ဉာဏ်ရည်ဉာဏ်သွေး ထက်မြက် ရန်လိုအပ်သကဲ့သို့ မိမိအသင်း အောင်နိုင်ရေး၊ အသင်းဖော်များ၏ အရည်အသွေး ပေါ်လွင်အောင် ဖန်တီးပေးတတ်သူဖြစ်ရန် လိုအပ်သည့်အတွက် ကြိုးစား ယှဉ်ပြိုင်ကြရမည်ဖြစ်ပါကြောင်း၊ ဘောလုံးအားကစားနည်းသည် အင်နှင့်အားနှင့်ယှဉ်ပြိုင် ကစားရသည်ဖြစ်သည့်အတွက် တစ်ဦးနှင့်တစ်ဦး နားလည်မှုရှိရှိ သည်းခံခွင့်လွှတ်ကာ ခိုက်ရန်ဖြစ် ပွားမှုကို ရှောင်ရှားရန် လိုအပ်မည် ဖြစ်ပါကြောင်း” ပြောကြားကာ ပြိုင်ပွဲဝင်အသင်းများအား အမှတ်တရလက်ဆောင်ပေးအပ်ခဲ့ပြီး ဂုဏ်ပြုလက်ဖက်ရည်ဝိုင်းဖြင့် တည်ခင်းဧည့်ခံကြောင်း သိရှိရသည်။