ပန်းတောင်းမြို့နယ် အုပ်ဖိုကျေးရွာ၌ VDP စီမံကိန်း လုပ်ငန်းများဆောင်ရွက်ပြီးစီးမှုစစ်ဆေး

===============

ပန်းတောင်း၊ ဇွန်-၉

 

     သမဝါယမနှင့် ကျေးလက်ဖွံ့ဖြိုးရေးဝန်ကြီးဌာ န၊ ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့ နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ်တွင် ရက် ၁၀၀ စီမံချက်ဖြင့် အုပ်ဖိုကျေးရွာ၌ ကျေးရွာဖွံ့ ဖြိုးတိုး တက်ရေးလုပ်ငန်းစီမံကိန်း(VDP)ရန်ပုံငွေနှင့်ကျေး ရွာပြည်သူလူထုထည့်ဝင်ငွေများဖြင့်ကျေးရွာတွင်း လမ်းကွန်ကရစ်ခင်းခြင်းလုပ်ငန်းဆောင်ရွက်ပြီးစီး မှုအခြေအနေများကို တာဝန်ရှိသူများမှ ယနေ့နံ နက်ပိုင်းက ကွင်းဆင်းစစ်ဆေးကြကြောင်းသိရသည်။

     ထိုသို့ကွင်းဆင်းစစ်ဆေးရာတွင် ပြည်ခရိုင် စီမံခန့်ခွဲရေးနှင့် အုပ်ချုပ်ကော်မတီ ဥက္ကဌ ဦးအောင်ကျော်စိုး နှင့်အဖွဲ့ မှ ကျေးရွာကော်မတီဝင်များနှင့်အတူ အုပ်ဖိုကျေးရွာ၌ ကျေးရွာတွင်းလမ်းကွန် ကရစ်ခင်းခြင်းလုပ်ငန်းဆောင်ရွက်ပြီးစီးမှုအခြေ အနေများကို ကြည့်ရှ့စစ်‌ဆေးကြပြီး မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ဦီးစီးအရာရှိ(နည်းပညာ)ဒေါ်မေသူစိုးက လုပ်ငန်းဆောင်ရွက်ထားရှိမှု အခြေအနေအား ရှင်းလင်းပြောကြားခဲ့ပြီး ကျေးရွာတာဝန်ရှိသူများ၊ ကျေးရွာကော်မတီဝင်များကို ဆောင်ရွက်ပြီး ကျေးရွာကွန် ကရစ်လမ်းအားအကျိုးရှိစွာအသုံးပြုကြရန်နှင့် ရေရှည်အသုံးပြုနိုင်‌ရေးသက်ဆိုင်သူအားလုံးက ထိန်းသိမ်းကြရန်မှာကြားခဲ့ကြောင်း သိရသည်။

    ပန်းတောင်းမြို့နယ် အုပ်ဖိုကျေးရွာ၌ အရှည် ၅၂၀ ပေ၊ အကျယ် ၈ ပေ၊ အမြင့် ၆ လက်မရှိသော ကျေးရွာတွင်းလမ်းကွန်ကရစ်ခင်းခြင်းလုပ်ငန်းကို ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်း (VDP)ရန်ပုံငွေကျပ် ၁၅ သန်း၊ ကျေးရွာပြည်သူလူ ထုထည့်ဝင်ငွေကျပ် ၅ ဒဿမ ၃၁ သန်း၊ စုစု ပေါင်းငွေကျပ် ၂၀ ဒဿမ ၃၁ သန်းဖြင့် မြို့နယ်ကျေးလက်ဒေသဖွံ့ ဖြိုးတိုးတက်ရေးဦးစီးဌာနမှ အင်ဂျင်နီယာဝန်ထမ်းများ၏ နည်းပညာကူညီမှုဖြင့် ကျေးရွာသူကျေးရွာသားများကိုယ်တိုင် မေလ ၆ ရက်နေ့မှ စတင်အကောင်အထည်ဖော်ဆောင် ရွက်ခဲ့ရာ ယခုအခါ ရာနှုန်း‌ပြည့်ဆောင်ရွက်ပြီးစီးနေပြီဖြစ်ကြောင်း၊ အဆိုပါလုပ်ငန်းများအားလုံးရာနှုန်းပြည့်ဆောင်ရွက်ပြီးစီးမှုကြောင့် အုပ်ဖိုကျေးရွာရှိ အိမ်ခြေ ၂၅၅ အိမ်မှ လူဦးရေ ၆၉၉ ဦး တို့၏ သွားလာရေးလွယ်ကူ‌နေပြီး ယခင်ကထက်လူမှုစီးပွားဘဝများပိုမိုဖွံ့ဖြိုးတိုးတက်မည်ဖြစ်ကြောင်း ပန်း‌တောင်းမြို့နယ်ကျေးလက်ဒေသဖွံ့ ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဒေါ်‌မေနှင်းဦးထံမှ သိရသည်။