မကွေးတိုင်းဒေသကြီး၊ စလင်းမြို့နယ်၌ PDF အမည်ခံ အကြမ်းဖက်သမားများက အခြေခံပညာ စာသင်ကျောင်းများ ဖွင့်လှစ်သင်ကြားမှုအား ပိတ်သိမ်းရန် အကြမ်းဖက်ခြိမ်းခြောက်ခြင်းများ လုပ်ဆောင်

မကွေးတိုင်းဒေသကြီး၊ စလင်းမြို့နယ်၌ PDF အမည်ခံ အကြမ်းဖက်သမားများက အခြေခံပညာ စာသင်ကျောင်းများ ဖွင့်လှစ်သင်ကြားမှုအား ပိတ်သိမ်းရန် အကြမ်းဖက်ခြိမ်းခြောက်ခြင်းများ လုပ်ဆောင်

     လက်နက်ကိုင်အကြမ်းဖက်အဖွဲ့များသည် နိုင်ငံတော်မှ မျိုးဆက်သစ်ကလေးသူငယ်များ၏ ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားနေမှုအား နှောင့်ယှက်ဖျက်ဆီးလိုသည့် ရည်ရွယ်ချက်များဖြင့် ကျောင်းသုံးပုံနှိပ်စာအုပ်များ၊ စာရေးကိရိယာများအား လုယက်ယူဆောင်ဖျက် ဆီးခြင်း၊ ပညာရေးဝန်ထမ်းများနှင့် ကျောင်းသား၊ ကျောင်းသူ များအား ခြိမ်းခြောက်ဖမ်းဆီးခြင်း၊ သတ်ဖြတ်ခြင်း၊ ပညာရေးဆိုင်ရာ အဆောက်အအုံများအား မိုင်းထောင်ဖောက်ခွဲခြင်း၊ ခြိမ်းခြောက်စာများပေးပို့ခြင်းစသည့် အကြမ်းဖက်မှုလုပ်ရပ်များအား လုပ်ဆောင်လျက်ရှိပါသည်။

     ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ နိုဝင်ဘာ ၂၇ ရက် မွန်းလွဲ ၁၂ နာရီ ၃၀ မိနစ်တွင် မကွေးတိုင်းဒေသကြီး၊ စလင်းမြို့နယ်အတွင်းရှိ သပြေရိုးကျေးရွာ အခြေ ခံပညာအထက်တန်းကျောင်းခွဲ၊ ရုံးပင်ချောင်းကျေးရွာ အခြေခံပညာမူလတန်းကျောင်း၊ တလင်းကြီးကုန်းကျေးရွာ အခြေခံပညာ အလယ်တန်းကျောင်း၊ လက်ပံဦးကျေးရွာ အခြေခံပညာအလယ်တန်းကျောင်း၊ ပေါက်လေးပင်ကျေးရွာ အခြေခံပညာမူလတန်းကျောင်း၊ ဆင်ပွတ်ကျေးရွာ အခြေခံပညာမူလတန်းကျောင်း၊ ရွာတန်း ရှည်ကျေးရွာ အခြေခံပညာမူလတန်းလွန်ကျောင်း၊ မုရိုးကုန်းကျေးရွာ အခြေခံပညာမူလတန်းကျောင်းနှင့် အင်းတဲ ကျေးရွာ အခြေခံပညာမူလတန်းလွန်ကျောင်းများသို့ PDF အမည်ခံ အကြမ်းဖက်သမားများ အင်အား (စိစစ်ဆဲ) ရောက်ရှိလာပြီး ကျောင်းအဝင်ဝတံခါးများ၌ ကျောင်းဖွင့်လှစ်ခြင်း မပြုရန် ခြိမ်းခြောက်စာ များပါရှိသည့် စာရွက်များအား ကပ်သွားခဲ့ကြောင်း သိရသည်။

     အထက်ပါဖြစ်စဉ်မှ ပညာရေးကဏ္ဍ တိုးတက်မြင့်မားစေရန် အခြေခံပညာစာသင်ကျောင်းများ ဖွင့်လှစ်သင်ကြားမှုကို နှောင့်ယှက်ဖျက်ဆီးလိုသည့် ရည်ရွယ်ချက်ဖြင့် စာသင်ကျောင်းများ ပိတ်သိမ်းရန် အကြမ်းဖက်ခြိမ်းခြောက်မှုများ လုပ်ဆောင်ခဲ့သည့် အကြမ်းဖက်သမားများအား ဖမ်းဆီး အရေးယူနိုင်ရေးနှင့် နယ်မြေဒေသ တည်ငြိမ်အေးချမ်းရေးအတွက် လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆောင်ရွက်ပေးလျက်ရှိကြောင်း သတင်းရရှိပါသည်။