ရန်ကုန်တိုင်းဒေသကြီး၊ လှည်းကူးမြို့နယ်၌ ရန်ကုန်-မန္တလေးအမြန်လမ်းမကြီးအား လမ်းဖြတ်ကူးသူ အမျိုးသား တစ်ဦး မော်တော်ယာဉ်ဖြင့် တိုက်မိခဲ့မှုကြောင့် သေဆုံး

ရန်ကုန်တိုင်းဒေသကြီး၊ လှည်းကူးမြို့နယ်၌ ရန်ကုန်-မန္တလေးအမြန်လမ်းမကြီးအား လမ်းဖြတ်ကူးသူ အမျိုးသား တစ်ဦး မော်တော်ယာဉ်ဖြင့် တိုက်မိခဲ့မှုကြောင့် သေဆုံး

     ၂၀၂၅ ခုနှစ်၊ နိုဝင်ဘာ ၁၂ ရန်ကုန်တိုင်းဒေသကြီး၊ လှည်းကူးမြို့နယ်၌ ရန်ကုန်- မန္တလေးအမြန်လမ်းမကြီးအား လမ်းဖြတ်ကူးသူ အမျိုးသား တစ်ဦး မော်တော်ယာဉ်ဖြင့် တိုက်မိ ခဲ့မှုကြောင့် သေဆုံးခဲ့ကြောင်း သိရသည်။

     ဖြစ်စဉ်မှာ နိုဝင်ဘာ ၁၂ ရက် နံနက် ၉ နာရီ ၄၀ မိနစ်တွင် ရန်ကုန်တိုင်းဒေသကြီး၊ လှည်းကူး မြို့နယ်၊ ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၇ မိုင် ၆ ဖာလုံအနီး၌ ယာဉ်တိုက်မှု ဖြစ်ပွားကြောင်း သတင်းအရ အမှတ်(၃)အမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ လှည်းကူးမြို့နယ်၊ မယ်ဇလီကုန်းကျေးရွာနေ ဦးမင်းနောင်(၆၅)နှစ်သည် ရန်ကုန်-မန္တလေးအမြန်လမ်းမကြီးအား လမ်းဖြတ်ကူးစဉ် ရန်ကုန်မြို့မှ မန္တလေးမြို့ဘက်သို့ ရန်ကုန်တိုင်း ဒေသကြီး၊ မရမ်းကုန်းမြို့နယ်၊ အမှတ်(၈)ရပ်ကွက်နေ ဦးအာကာသွင်ဗိုလ်(၃၈)နှစ် မောင်းနှင်လာသည့် AYY-5/FF-XXXX Probox မော်တော်ယာဉ်ဖြင့် ဝင်ရောက်တိုက်မိခဲ့သဖြင့် ဦးမင်းနောင်တွင် ထိခိုက် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သောကြောင့် မင်းနောင် အား အမှတ်(၃) အမြန်လမ်းမကြီးရဲစခန်း ယာဉ်(ပ)၁၉/၂၀၂၅၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူ ထားကြောင်း သတင်းရရှိပါသည်။