ရန်ကုန်တိုင်းဒေသကြီး၊ ကော့မှူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ရန်ကုန်တိုင်းဒေသကြီး၊ ကော့မှူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

   ၂၀၂၅ ခုနှစ်၊ ဒီဇင်ဘာ ၆ ရက်က ရန်ကုန်တိုင်းဒေသကြီး၊ ကော့မှူးမြို့နယ်၌ ယာဉ်တိုက်မှု ဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။

   ဖြစ်စဉ်မှာ ဒီဇင်ဘာ ၆ ရက် နံနက် ၈ နာရီ ၃၀ မိနစ်တွင် ကော့မှူးမြို့နယ်ပြည်သူ့ဆေးရုံရှေ့တွင် ယာဉ်တိုက်မှုဖြစ်ပွားကြောင်း သတင်းအရ အမှတ်(၅၂)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက် စစ်ဆေးခဲ့ရာ ကော့မှူး-ကွမ်းခြံကုန်း-တွံတေး ကားလမ်းအတိုင်း တောင်မှ မြောက်သို့ ဖျာပုံမြို့နယ်၊ တယ်ပင်ဆိပ်ကျေးရွာနေ ကိုကို(၂၆)နှစ် မောင်းနှင်လာသည့် MDY-20 5L-XXXX ISUZU ELF မော်တော်ယာဉ်သည် အခင်းဖြစ်နေရာအရောက်၌ တောင်ပိုင်းရပ်ကွက်နေ ဦးပေါ်ဦး(၅၃)နှစ်အား ဝင်ရောက်တိုက်မိခဲ့သဖြင့် ဦးပေါ်ဦးတွင် ဒဏ်ရာများရရှိကာ သေဆုံးသွားခဲ့သောကြောင့် ကိုကိုအား ကော့မှူးမြို့မရဲစခန်း ယာဉ် (ပ)၈/၂၀၂၅၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။