ရှမ်းပြည်နယ်၊ နမ့်စန်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး ထိခိုက်ဒဏ်ရာရရှိ

ရှမ်းပြည်နယ်၊ နမ့်စန်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး ထိခိုက်ဒဏ်ရာရရှိ

    ၂၀၂၆ ခုနှစ်၊ မေ ၂၂ ရက်က ရှမ်းပြည်နယ်၊ နမ့်စန်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

   ဖြစ်စဉ်မှာ မေ ၂၂ ရက် မွန်းလွဲ ၁၂ နာရီ ၁၀ မိနစ်တွင် ရှမ်းပြည်နယ်၊ နမ့်စန်မြို့နယ်၊ နမ့်စန်-ခိုလမ်ကားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ နမ့်စန်မြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ နမ့်စန်မြို့မှ ခိုလမ်မြို့ဘက်သို့ မွန်ပြည်နယ်၊ ဘီးလင်းမြို့နယ်၊ နှင်းပုလဲစံပြကျေးရွာနေ သန်းထိုက်(၃၉)နှစ် မောင်းနှင်လာသည့် YGN-12/4J-XXXX GI GROUP မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ နမ့်စန်မြို့နယ်၊ အမှတ်(၁)ရပ်ကွက်နေ ဒေါ်သန်းသန်းမော်(၄၈)နှစ် မောင်းနှင်လာသည့် SHN-XXXXX SHUANGSHI 110 ဆိုင်ကယ်နှင့် မျက်နှာချင်းဆိုင် တိုက်မိခဲ့သဖြင့် ဒေါ်သန်းသန်းမော်တွင် ထိခိုက်ဒဏ်ရာများ ရရှိခဲ့သောကြောင့် သန်းထိုက်နှင့် သန်းသန်းမော်တို့ နှစ်ဦးအား နမ့်စန်မြို့မရဲစခန်း ယာဉ်(ပ)၄/၂၀၂၆၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။