ဒုတိယဝန်ကြီး ဦးအောင်ကျော်ထွန်း ပုသိမ်လေဆိပ် ပြင်ဆင်ဆောင်ရွက်နေမှု ကြည့်ရှုစစ်ဆေး

ဒုတိယဝန်ကြီး ဦးအောင်ကျော်ထွန်း ပုသိမ်လေဆိပ် ပြင်ဆင်ဆောင်ရွက်နေမှု ကြည့်ရှုစစ်ဆေး

ပုသိမ် အောက်တိုဘာ ၁၀

ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်ကျော်ထွန်းသည် တာဝန်ရှိသူများနှင့်အတူ ယမန်နေ့နံနက်ပိုင်းက ဧရာဝတီတိုင်းဒေသကြီး ပုသိမ်မြို့ရှိ ပုသိမ်လေဆိပ် ပြင်ဆင်ဆောင်ရွက်နေမှုအခြေအနေကို သွားရောက်ကြည့်ရှုစစ်ဆေးသည်။

ဒုတိယဝန်ကြီးသည် လုပ်ငန်းခွင်အတွင်း လှည့်လည်ကြည့်ရှုစဉ် ယာယီဆိုက်ရောက်/ ထွက်ခွာအဆောက်အအုံ၌ အသုံးပြုမည့်ဆိုင်းဘုတ် (Signage) ချိတ်ဆွဲရာတွင် သတ်မှတ်ပြဋ္ဌာန်းထားသော သင်္ကေတများနှင့်ကိုက်ညီစွာ ဆောင်ရွက်ရေး၊ လုံခြုံရေးပိုင်းဆိုင်ရာ မဖြစ်မနေတပ်ဆင်အသုံးပြုရမည့် စက်ပစ္စည်းများ အချိန်မီတပ်ဆင်ရေး၊ လေယာဉ်အသက်ကယ်ကူမီးသတ်ဌာနရှိ မီးသတ်ယာဉ်အား စွမ်းအားပြည့်အသုံးပြုနိုင်စေရန် ဆောင်ရွက်ထားရှိရေး၊ ခရီးသည်များ ကားပါကင်မှ လေဆိပ်အဆောက်အအုံသို့ အဆင်ပြေစွာသွားလာနိုင်ရေး၊ လေကြောင်းထိန်းမျှော်စင်ပေါ်ရှိ ဆက်သွယ်ရေးစက်များ၊ လေယာဉ်ပြေးလမ်းမီး Control စက်ခလုတ်ခုံများ အချိန်ပြည့်ကောင်းမွန်နေစေရေး၊ Control Tower ပေါ်မှ ပြေးလမ်းထိပ်နှစ်ဖက်သို့ မြင်ကွင်းရှင်းနေစေရေးနှင့် ပြန်လည်ပြင်ဆင်သည့်လုပ်ငန်းများအားလုံး သတ်မှတ်စံချိန်စံညွှန်းများနှင့်အညီ သတ်မှတ်ချိန်အတွင်း ပြီးစီးစေရေး ဆောင်ရွက်ကြရန် မှာကြားခဲ့ကြောင်း သိရသည်။

သတင်းစဉ်