ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ ရှမ်းတဲကြီး(တောင်ပိုင်း)ရပ်ကွက်၊ အမှတ်(၂)လမ်းရှိ ဂိုဒေါင်အဆောက်အဦ မီးလောင်မှု

ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ ရှမ်းတဲကြီး(တောင်ပိုင်း)ရပ်ကွက်၊ အမှတ်(၂)လမ်းရှိ ဂိုဒေါင်အဆောက်အဦ မီးလောင်မှု

    ၂၀၂၅ ခုနှစ်၊ ဖေဖော်ဝါရီ ၇ ရက် ညနေ ၄ နာရီ ၃၀ မိနစ်တွင် ရန်ကုန်တိုင်းဒေသကြီး၊ ဒဂုံမြို့သစ် (တောင်ပိုင်း)မြို့နယ်၊ ရှမ်းတဲကြီး(တောင်ပိုင်း)ရပ်ကွက်၊ အမှတ်(၂)လမ်းရှိ ပိုင်ရှင် ဦးကျော်ထွန်း၏ အမှတ်(၂၄၇)၊ ၂၅ x ၄၀ ပေ၊ သွပ်မိုး၊ မြေစိုက်၊ ကွန်ကရစ်ခင်း တစ်ထပ် ဂိုဒေါင်အဆောက်အဦတွင် ဓာတ်ဆီထည့်ထားသော ငါးဂါလန်သံပုံးအား ဂွဖြင့်လှည့်ဖွင့်ရာမှ မီးပွားထွက်၍ ဓာတ်ဆီပုံးသို့ မီးကူးစက် လောင်ကျွမ်းမှုဖြစ်ပွားကြောင်း သတင်းရရှိသဖြင့် ရန်ကုန်တိုင်းဒေသကြီးအတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၃၂ စီးဖြင့် မီးငြှိမ်းသတ်ခဲ့ရာ ညနေ ၅ နာရီ ၁၄ မိနစ်တွင် မီးငြိမ်းခဲ့ပါသည်။
       အဆိုပါမီးလောင်မှုကြောင့် ၂၅ x ၄၀ ပေ၊ သွပ်မိုး၊ မြေစိုက်၊ ကွန်ကရစ်ခင်း တစ်ထပ် ဂိုဒေါင် အဆောက်အဦ တစ်လုံးနှင့် ဒီဇယ်ပီပါ ၁၂ လုံးတို့ မီးလောင်ဆုံးရှုံးခဲ့ပြီး ပိုင်ရှင် ဦးကျော်ထွန်းအား ဒဂုံမြို့သစ်(တောင်ပိုင်း)မြို့နယ်၊ မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။