တနင်္သာရီတိုင်းဒေသကြီး၊ ထားဝယ်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် ကလေး တစ်ဦး ထိခိုက်ဒဏ်ရာရရှိ

တနင်္သာရီတိုင်းဒေသကြီး၊ ထားဝယ်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် ကလေး တစ်ဦး ထိခိုက်ဒဏ်ရာရရှိ

    ၂၀၂၆ ခုနှစ်၊ မေ ၂၂ ရက်က တနင်္သာရီတိုင်းဒေသကြီး၊ ထားဝယ်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် ကလေး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

    ဖြစ်စဉ်မှာ မေ ၂၂ ရက် နံနက် ၈ နာရီ ၅ မိနစ်တွင် တနင်္သာရီတိုင်းဒေသကြီး၊ ထားဝယ်မြို့နယ်၊ ဗျောတောဝရပ်ကွက်၊ အာဇာနည်လမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၇၄)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ ဗိုလ်ချုပ်ကြေးရုပ်ဘက်မှ နဂါးသုံးကောင်လမ်းဆုံဘက်သို့ တနင်္သာရီတိုင်းဒေသကြီး၊ သရက်ချောင်းမြို့နယ်၊ ရန်တောင်ကျေးရွာနေ အောင်မင်းဝေ(၃၂)နှစ် မောင်းနှင်လာသည့် YGN-22/GG-XXXX TOYOTA SUCCEED မော်တော်ယာဉ်သည် အောင်သီရိလမ်းဘက်မှ အာဇာနည်လမ်းပေါ်သို့ ရုတ်တရက်ဖြတ်တက်မောင်းနှင်သည့် ထားဝယ်မြို့နယ်၊ ကျောက်မော်ရပ်ကွက်နေ ဦးကျော်မင်းလှိုင်(၄၈)နှစ် မောင်းနှင်ပြီး ၎င်း၏သမီးဖြစ်သူ မအေမီမီမင်း(၇)နှစ် လိုက်ပါလာသည့် TNI/65W-XXXX WAVE 100 ဆိုင်ကယ်အား ဝင်ရောက်တိုက်မိပြီး မော်တော်ယာဉ်မှာ လမ်းဘေးအုတ်နံရံအား ထပ်မံတိုက်မိခဲ့သဖြင့် ဦးကျော်မင်းလှိုင်နှင့် မအေမီမီမင်းတို့တွင် ထိခိုက်ဒဏ်ရာများ ရရှိခဲ့သောကြောင့် ကျော်မင်းလှိုင်နှင့် အောင်မင်းဝေတို့ နှစ်ဦးအား ထားဝယ်မြို့မရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။