ကရင်ပြည်နယ်၊ ဘားအံမြို့နယ်၌ သစ်ခွဲသားများ တရားမဝင် သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူ

ကရင်ပြည်နယ်၊ ဘားအံမြို့နယ်၌ သစ်ခွဲသားများ တရားမဝင် သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူ

     ၂၀၂၆ ခုနှစ်၊ ဖေဖော်ဝါရီ ၃ ရက်က ကရင်ပြည်နယ်၊ ဘားအံမြို့နယ်၌ သစ်ခွဲသားများ တရားမဝင် သယ်ဆောင်လာသူ အမျိုးသား နှစ်ဦးအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဖေဖော်ဝါရီ ၃ ရက် နံနက် ၁ နာရီ ၃၀ မိနစ်တွင် ကရင်ပြည်နယ်၊ ဘားအံမြို့နယ်၊ သာယာကုန်းရဲကင်းစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က နယ် မြေလှည့်ကင်း ဆောင်ရွက်နေစဉ် ဘားအံမြို့နယ်၊ သာယာကုန်းကျေးရွာလမ်းဆုံ၌ ဒေါ်လန်းကျေးရွာမှ သာယာကုန်း ကျေးရွာဘက်သို့ ကော့ကရိတ်မြို့နယ်၊ သရက်တောကျေးရွာနေသူများဖြစ်ကြသည့် ခင်အောင်စိုး (၃၈)နှစ် မောင်းနှင်လာသည့် KYN/4B-XXXX NISSAN DIESEL အဖြူရောင် ခြောက်ဘီး မော်တော်ယာဉ်နှင့် စောမျိုးသက်(၃၈)နှစ် မောင်းနှင်လာသည့် SHN/8D-XXXX NISSAN DIESEL အဖြူရောင် ခြောက်ဘီး မော်တော်ယာဉ်တို့အား ရပ်တန့်စစ်ဆေးခဲ့ရာ KYN/4B-XXXX NISSAN DIE SEL ခြောက်ဘီး မော်တော်ယာဉ်ပေါ်မှ တောင်သရက်ခွဲသား ၇.၃၅၄၈ တန်(ဒေသကာလတန်ဖိုး ၁၂,၅၀၃,၁၆၀ ကျပ်ခန့်)အား လည်းကောင်း၊ SHN/8D-XXXX NISSAN DIESEL အဖြူရောင် ခြောက်ဘီး မော်တော်ယာဉ်ပေါ်မှ တောင်သရက်ခွဲသား ၈.၁၈၀၄ တန်(ဒေသကာလတန်ဖိုး ၁၃,၉၀၆,၆၈၀ ကျပ်ခန့်)တို့အား လည်းကောင်း တွေ့ရှိဖမ်းဆီးရမိခဲ့သဖြင့် အိန္ဒုနယ်မြေရဲစခန်း၌ ခင်အောင်စိုး အား (ပ)၁၁/၂၀၂၆ ဖြင့် လည်းကောင်း၊ စောမျိုးသက် အား (ပ)၁၂/၂၀၂၆၊ သစ်တော ဥပဒေပုဒ်မ ၄၁(က) ဖြင့် အ သီးသီးအမှုဖွင့်အရေးယူထားကြောင်း သတင်းရရှိပါသည်။