ဒုတိယဝန်ကြီး ဦးအေးထွန်း ရွှေတိဂုံစေတီတော်မြတ်ကြီးရှိ တန်ဆောင်းများ မွမ်းမံပြီးစီးမှုနှင့် ကမ္ဘာအေးကုန်းမြေရှိ ကျောင်းဆောင်ကြီးလေးဆောင် အဆင့်မြှင့်တင်မွမ်းမံခြင်း (PHASE-II) ဆောင်ရွက်ရန် ပြင်ဆင်နေမှုကြည့်ရှုစစ်ဆေး
ဒုတိယဝန်ကြီး ဦးအေးထွန်း ရွှေတိဂုံစေတီတော်မြတ်ကြီးရှိ တန်ဆောင်းများ မွမ်းမံပြီးစီးမှုနှင့် ကမ္ဘာအေးကုန်းမြေရှိ ကျောင်းဆောင်ကြီးလေးဆောင် အဆင့်မြှင့်တင်မွမ်းမံခြင်း (PHASE-II) ဆောင်ရွက်ရန် ပြင်ဆင်နေမှုကြည့်ရှုစစ်ဆေး
Ministry of Information/ Naypyitaw / August 15, 2025
ရန်ကုန် ဩဂုတ် ၁၄
သာသနာရေးနှင့်ယဉ်ကျေးမှုဝန်ကြီးဌာန ဒုတိယဝန်ကြီး ဦးအေးထွန်းသည် တာဝန်ရှိသူများနှင့်အတူ ယနေ့နံနက်ပိုင်းတွင် ရန်ကုန်မြို့ ရွှေတိဂုံစေတီတော်မြတ်ကြီးရှိ တန်ဆောင်းများမွမ်းမံပြီးစီးမှု အခြေအနေကို ကြည့်ရှုစစ်ဆေးသည်။
ဦးစွာ ဒုတိယဝန်ကြီးသည် စေတီတော်ရင်ပြင် အထက်ပစ္စယံစေတီအရံများ ရွှေဆိုင်းအသစ်ကပ်လှူရန် ဆောင်ရွက်နေမှုနှင့် စေတီတော်ကြီးဖိနပ်ခုံ ဆေးသုတ်ရန်စီစဉ်နေမှုတို့ကို လှည့်လည်ကြည့်ရှု စစ်ဆေးပြီးစေတီတော် ဘဏ္ဍာတော်ထိန်းဂေါပကရုံး အစည်းအဝေးခန်းမ၌ ဘဏ္ဍာတော်ထိန်းဂေါပကအဖွဲ့ဝင်များ၊ ဌာနမှူးများနှင့်တွေ့ဆုံ၍ လိုအပ်သည်များကို မှာကြားဖြည့်ဆည်းဆောင်ရွက်ပေးသည်။
ထို့နောက် စေတီတော်ရင်ပြင်ဆီမီးခုံများရှိ မြန်မာမှုစဉ့်ပန်းများ ထိန်းသိမ်းဆောင်ရွက်နေမှု၊ အနောက်ဘက်စောင်းတန်းရင်ပြင် မှန်စီရွှေချတိုင်လုံးများရှိ အလှူရှင်ကမ္ပည်းကြေးပြားများ ရောင်တော်ဖွင့်ဆောင်ရွက်နေမှု၊ ချမ်းသာကြီးတန်ဆောင်းနှင့် ဦးဘိုးသောင်းတန်ဆောင်းအတွင်းရှိ တိုင်လုံးများတွင် အင်္ဂတေဖောင်းကြွပန်းများဖြင့် မြန်မာမှုဆန်ဆန် ပြုပြင်ဆောင်ရွက်နေမှုနှင့် ဦးဝိဇ္ဇာ+ဒေါ်မင်းပု တန်ဆောင်းရှိကြမ်းခင်းများ ပြုပြင်ဆောင်ရွက်နေမှုတို့ကို လှည့်လည်ကြည့်ရှုစစ်ဆေးပြီးလိုက်နာ ဆောင်ရွက်ရန်လိုအပ်သည့် လုပ်ငန်းပိုင်းဆိုင်ရာများကို ဆွေးနွေးမှာကြားသည်။
မွန်းလွဲပိုင်းတွင် မရမ်းကုန်းမြို့နယ် ကမ္ဘာအေးကုန်းမြေသာသနာရေးဦးစီးဌာန သာသနာရေးရာနှင့် ဝိနိစ္ဆယဌာနခွဲ သန္တိသုခခန်းမ၌ ကမ္ဘာအေးကုန်းမြေရှိ ဥတ္တရကုရု၊ ပုဗ္ဗဝိဒေဟ၊ ဇမ္ဗုဒီပ၊ အပရဂေါယာန ကျောင်းဆောင်ကြီးလေးဆောင် အဆင့်မြှင့်တင်မွမ်းမံ ခြင်း(PHASE-II)လုပ်ငန်းများ ဆောင်ရွက်မှုနှင့် ပတ်သက်သည့် ညှိနှိုင်းအစည်းအဝေးသို့ တက်ရောက်သည်။
အစည်းအဝေးတွင် သက်ဆိုင်ရာလုပ်ငန်းတာဝန်ခံများက လုပ်ငန်းဆောင်ရွက်မှု၊ ပြီးစီးမှုနှင့် ဆက်လက်ဆောင်ရွက်မည့် လုပ်ငန်းစဉ်များကို ရှင်းလင်းတင်ပြကြရာ ဒုတိယဝန်ကြီးက လိုအပ်သည်များကို မှာကြားခဲ့ကြောင်း သိရသည်။
သတင်းစဉ်
၁၃၈၇ ခုနှစ်၊ ဝါခေါင်လပြည့်ကျော် ၂ ရက် ၊ သြဂုတ် ၁၀ ရက်၊ တနင်္ဂနွေနေ့။
Posted on Aug 10, 2025
မန္တလေးငလျင်ကြီးကြောင့် ထိခိုက်ပျက်စီးဆုံးရှုံးမှုများနှင့် တုံ့ပြန်ဆောင်ရွက်နေမှု အခြေအနေများအား ပြည်သူသို့ အသိပေးသတင်းထုတ်ပြန်ခြင်း
Posted on Aug 14, 2025၂၀၂၅ ခုနှစ် မတ် ၂၈ ရက်က အင်အား ၇ ဒသမ ၇ အဆင့်ရှိ မန္တလေးငလျင်ကြီးလှုပ်ခတ်မှုကြောင့် ပြည်ထောင်စုနယ်မြေ၊ နေပြည်တော်အပါအဝင် တိုင်းဒေသကြီး/ ပြည်နယ် ၁၀ ခုတွင် သေဆုံးခြင်း၊ ပျောက်ဆုံးခြင်း၊ ဒဏ်ရာရရှိခြင်းများအပါအဝင် အခြေခံအဆောက်အအုံများ သောင်းနှင့်ချီ၍ ထိခိုက်ပျက်စီးမှုများ ဖြစ်ပေါ်ခဲ့ရသည်။
မြန်မာနိုင်ငံပြန်တမ်း
Posted on Aug 13, 2025အမျိုးသားကာကွယ်ရေးနှင့်လုံခြုံရေးကောင်စီသည် နိုင်ငံခြားရေးဝန်ကြီးဌာန နိုင်ငံရေးရာဦးစီးဌာန ညွှန်ကြားရေးမှူးချုပ် ဦးသန်းထွေးကို သံတမန်ရေးရာဦးစီးဌာန ညွှန်ကြားရေးမှူးချုပ်အဖြစ် တာဝန်ဝတ္တရားများကို စတင်ဆောင်ရွက်သည့်နေ့မှစ၍ ပြောင်းရွှေ့ခန့်ထားလိုက်သည်။
နေပြည်တော်စည်ပင်သာယာရေးကော်မတီ အင်ဂျင်နီယာဌာန(ရေနှင့်သန့်ရှင်းမှု) မှအသိပေးကြေညာခြင်း
Posted on Aug 12, 2025နေပြည်တော်စည်ပင်သာယာရေးကော်မတီ အင်ဂျင်နီယာဌာန(ရေနှင့်သန့်ရှင်းမှု) မှအသိပေးကြေညာခြင်း