ပဲခူးတိုင်းဒေသကြီး၊ ညောင်လေးပင်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး သုံးဦးတို့ ဒဏ်ရာရရှိ

ပဲခူးတိုင်းဒေသကြီး၊ ညောင်လေးပင်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး သုံးဦးတို့ ဒဏ်ရာရရှိ

     ၂၀၂၆ ခုနှစ်၊ မေ ၁၅ ရက်က ပဲခူးတိုင်းဒေသကြီး၊ ညောင်လေးပင်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး သုံးဦးတို့ ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မေ ၁၅ ရက် မွန်းလွဲ ၁၂ နာရီ ၅ မိနစ်က ပဲခူးတိုင်းဒေသကြီး၊ ညောင်လေးပင်မြို့နယ်၊ ရန်ကုန်-မန္တလေးကားလမ်း မိုင်တိုင်အမှတ် ၈၀ မိုင် ၃ ဖာလုံနှင့် ၄ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ညောင်လေးပင်မြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ မန္တလေးမြို့မှ ရန်ကုန်မြို့ဘက်သို့ ညောင်လေးပင်မြို့၊ မြို့မ(၂)ရပ်ကွက်နေ ဦးသိန်းဇော်ဝင်း(၄၉)နှစ် မောင်းနှင်ပြီး တစ်ရပ်ကွက်တည်းနေ ဒေါ်မာမာဝင်း(၄၁)နှစ်၊ ဒေါ်ခင်ဝင်း(၆၈)နှစ်နှင့် ဒေါ်စန္ဒာအေး(၄၃)နှစ်တို့ လိုက်ပါလာသည့် သုံးဘီးယာဉ်သည် အခင်းဖြစ်နေရာအရောက်တွင် လမ်းဘေး၌ရပ်ထားသည့် ယာဉ်အမှတ် MON-4 2B/XXXX CONDOR TRUCK ခြောက်ဘီးမော်တော်ယာဉ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ဦးသိန်းဇော်ဝင်း၊ ဒေါ်မာမာဝင်း၊ ဒေါ်ခင်ဝင်းနှင့် ဒေါ်စန္ဒာအေးတို့တွင် ဒဏ်ရာများရရှိခဲ့သောကြောင့် သိန်းဇော်ဝင်း အား ညောင်လေးပင်မြို့မရဲစခန်း ယာဉ်(ပ)၆/၂၀၂၆၊ ရာဇသတ်ကြီးပုဒ်မ ၃၃၇/၃၃၈ ဖြင့် အမှုဖွင့်အရေးယူထားကြောင်း သတင်းရရှိပါသည်။