ပြည်ထောင်စုနယ်မြေ၊ နေပြည်တော်နှင့် ရန်ကုန်တိုင်းဒေသကြီးတို့ရှိ မြို့နယ်အချို့၌ ဓားကိုင်ဆောင်သူများအား ဖမ်းဆီးအရေးယူ

ပြည်ထောင်စုနယ်မြေ၊ နေပြည်တော်နှင့် ရန်ကုန်တိုင်းဒေသကြီးတို့ရှိ မြို့နယ်အချို့၌ ဓားကိုင်ဆောင်သူများအား ဖမ်းဆီးအရေးယူ

     ၂၀၂၆ ခုနှစ်၊ မေ ၂ ရက်က ပြည်ထောင်စုနယ်မြေ၊ နေပြည်တော်နှင့် ရန်ကုန်တိုင်းဒေသကြီးတို့ရှိ မြို့နယ်အချို့၌ ဓားကိုင်ဆောင်သူများအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဇွန် ၂ ရက် ည ၁၀ နာရီတွင် ပြည်ထောင်စုနယ်မြေ၊ နေပြည်တော်၊ ပျဉ်းမနားမြို့မရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် ပျဉ်းမနားမြို့နယ်၊ ဆင်သေကျေးရွာအရောက်၌ စာသင်ကျောင်းနောက်လမ်းမပေါ်တွင် ဦးစိုးစိုးခိုင်(၄၉)နှစ်အား အရိုး၊ အသွား ၁၆ လက်မခန့်ရှိ ဓားဦးချွန် တစ်ချောင်းအား ကိုင်ဆောင်သွားလာနေသည်ကို တွေ့ရှိဖမ်းဆီးရမိခဲ့သဖြင့် စိုးစိုးခိုင် အား ပျဉ်းမနားမြို့မရဲစခန်း (ပ)၁၇၁/၂၀၂၆၊ လက်နက်ဥပဒေပုဒ်မ ၂၃(က) ဖြင့် လည်းကောင်း။

     အလားတူ ညနေ ၆ နာရီတွင် ရန်ကုန်တိုင်းဒေသကြီး၊ မင်္ဂလာဒုံမြို့မရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် ဇေကမ္ဘာဂေါက်ကွင်းရှေ့အရောက်၌ အမှတ်(၃)လမ်းဆုံဘက်မှ ဇေကမ္ဘာဝင်းဘက်သို့ လမ်းလျှောက်လာသည့် လှည်းကူးမြို့နယ်၊ ဆင်ဖုံကျေးရွာနေ ကိုကျော်ထက်နိုင်(၂၈)နှစ်အား မသင်္ကာဖွယ်တွေ့ရှိ၍ စစ်ဆေးခဲ့ရာ ၎င်းလွယ်ထားသည့် ဘေးလွယ်အိတ်အတွင်းမှ အရိုး၊ အသွား ၁၀ လက်မခန့်ရှိ သစ်သားရိုးတပ်ဓားမြှောင် တစ်ချောင်းအား တွေ့ရှိသိမ်းဆည်းရမိခဲ့သဖြင့် ကျော်ထက်နိုင် အား မင်္ဂလာဒုံမြို့မရဲစခန်း (ပ)၁၇၄/၂၀၂၆၊ လက်နက်ဥပဒေပုဒ်မ ၂၃(က) ဖြင့် လည်းကောင်း။ 

     ထို့အတူ ည ၁၀ နာရီ ၁၀ မိနစ်တွင် ရန်ကုန်တိုင်းဒေသကြီး၊ ဒေါပုံမြို့မရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် ဒေါပုံမြို့နယ်၊ ယမုံနာ(၂)ရပ် ကွက်၊ သင်္ဘောကျင်းလမ်းအရောက်၌ အဆိုပါရပ်ကွက်နေ ကျော်ထွေးအောင်(ခ)ကျော်ကြီး(၂၄)နှစ်အား အရိုး၊ အသွား ၈ လက်မခန့်ရှိ ဓားဦးချွန် တစ်ချောင်းအား ကိုင်ဆောင်ရမ်းကားနေသည်ကို တွေ့ရှိဖမ်းဆီးရမိခဲ့သဖြင့် ကျော်ထွေးအောင်(ခ)ကျော်ကြီး အား ဒေါပုံမြို့မရဲစခန်း (ပ)၃၄၀/၂၀၂၆၊ လက်နက်ဥပဒေပုဒ်မ ၂၃(က) ဖြင့် လည်းကောင်း အသီးသီး အမှုဖွင့်အရေးယူထားကြောင်း သတင်းရရှိပါသည်။