ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၌ ဘေးတွဲဆိုင်ကယ်မှ မော်တော်ယာဉ်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၌ ဘေးတွဲဆိုင်ကယ်မှ မော်တော်ယာဉ်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

   ၂၀၂၆ ခုနှစ်၊ မတ် ၅ ရက်က ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ်၌ ဘေးတွဲဆိုင်ကယ်မှ မော်တော်ယာဉ်အား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံးခဲ့ကြောင်း သိရသည်။

   ဖြစ်စဉ်မှာ မတ် ၅ ရက် ည ၁၀ နာရီ ၁၅ မိနစ်တွင် ရန်ကုန်တိုင်းဒေသကြီး၊ လှိုင်သာယာ (အရှေ့ပိုင်း)မြို့နယ်၊ အမှတ်(၅)ရပ်ကွက်၊ “တပင်ရွှေထီး” ဟိုတယ်အနီး၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၉)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါ ရပ်ကွက်နေ ဦးအေးကို(၃၈)နှစ်သည် နံပါတ်မပါ ဘေးတွဲဆိုင်ကယ်အား တပင်ရွှေထီးလမ်းအတိုင်း အနောက်မှ အရှေ့သို့ မောင်းနှင်လာစဉ် အခင်းဖြစ်နေရာအရောက်၌ မျက်နှာချင်းဆိုင်ယာဉ်ကြောမှ အမှတ်(၂)ရပ်ကွက်နေ ဦးမြအောင်(၅၅)နှစ် မောင်းနှင်လာသည့် YGN-6/4B-XXXX HINO CONTAINER မော်တော်ယာဉ်နှင့် လမ်းလယ်တွင် ဝင်ရောက်တိုက်မိခဲ့သဖြင့် အေးကိုတွင် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် မြအောင်နှင့် အေးကိုတို့ နှစ်ဦးအား လှိုင်သာယာ(အရှေ့ပိုင်း) မြို့မရဲစခန်း ယာဉ်(ပ)၉/၂၀၂၆၊ ရာဇသတ်ကြီးပုဒ်မ ၃၀၄-က/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။